Gosod, monitro a thynnu mesuryddion a medryddion sydd ar y rhwydwaith dosbarthu

Mae'r Safon hon yn ymwneud â gosod, darllen a chynnal a chadw mesuryddion a medryddion sydd ar y rhwydwaith dosbarthu yn ogystal â’u tynnu.  Mae’n cynnwys penderfynu ar fesuryddion a medryddion priodol, eu lleoli a’u rhoi yn eu lle, cyflawni archwiliadau gweithredol arnynt, cymryd a chofnodi darlleniadau, canfod a rhoi gwybod am broblemau a’u tynnu pan nad oes eu hangen mwyach.  Dylid dilyn gweithdrefnau hylendid bob amser.

 

Mae'r Safon hon ar gyfer unrhyw un sy’n rhoi mesuryddion a medryddion yn eu lle ar y rhwydwaith dosbarthu, eu darllen, eu cynnal a’u cadw a’u tynnu. 

1. penderfynu ar drefn briodol o weithgareddau i'w gwneud yn ôl cyfarwyddiadau gwaith er mwyn defnyddio amser yn effeithiol   

2. dewis mesuryddion a medryddion priodol yn unol â'r cyfarwyddiadau a roddwyd 

3. gosod mesuryddion a medryddion yn y lleoliadau sy’n ofynnol yn unol â chyfarwyddiadau gwaith  

4. cysylltu mesuryddion a medryddion yn unol â chyfarwyddiadau diogelwch y gwneuthurwr 

5. cynnal archwiliadau gweithredol ar fesuryddion, medryddion, cysylltiadau ac eitemau atodol yn unol â gweithdrefnau sefydliadol 

6. cymryd camau perthnasol pan mae problemau’n codi gyda mesuryddion, medryddion, cysylltiadau ac eitemau atodol, gan roi'r manylion i'r bobl berthnasol 

7. cymryd darlleniadau cywir yn unol â'r math o offer a systemau darllen sydd dan sylw  

8. cofnodi gwybodaeth a darlleniadau cywir am offer yn unol â gofynion sefydliadol

9. archwilio a chadarnhau bod mesuryddion a medryddion yn gweithio fel y dylent am y cyfnod sy'n ofynnol 

10. tynnu mesuryddion, medryddion, cysylltiadau ac eitemau atodol yn unol â chyfarwyddiadau’r gwneuthurwr ar ôl cwblhau pob darn o waith

11. dilyn prosesau hylendid a gweithio’n ddiogel yn unol â gweithdrefnau ac arferion cymeradwy bob amser

1. rheoliadau, prosesau a gweithdrefnau'r cwmni yng nghyswllt iechyd, diogelwch, yr amgylchedd ac argyfyngau 

2. sut mae blaenoriaethu gweithgareddau gwaith

3. gwahanol fathau o fesuryddion a medryddion a sut i'w defnyddio 

4. paramedrau gweithredu arferol neu gyffredin ar gyfer gwahanol fathau o fesuryddion a medryddion 

5. sut mae cyflawni archwiliadau gweithredol

6. sut mae canfod problemau gyda mesuryddion, medryddion, cysylltiadau ac eitemau atodol 

7. problemau arferol ac anarferol sy'n cael eu hachosi gan ddifrod, gweithrediad diffygiol, gollyngiadau neu anghenion cynnal a chadw a sut mae delio â nhw 

8. problemau sy'n rhan o’ch cyfrifoldebau chi, a'r rheini sydd ddim yn rhan o'ch cyfrifoldebau chi, y mae angen rhoi gwybod amdanynt

9. sut mae cymryd darlleniadau o wahanol fathau o fesuryddion a medryddion

10. gweithdrefnau cofnodi

11. gofynion adrodd y sefydliad

12. dulliau o gysylltu a thynnu mesuryddion, medryddion, cysylltiadau ac eitemau atodol

13. prosesau diogelwch a hylendid a gofynion statudol a rheoleiddiol cysylltiedig