Defnyddio technegau darganfod gollyngiadau i ddod o hyd i leoliadau lle mae dŵr yn colli

Mae'r Safon hon yn ymwneud â defnyddio technegau darganfod gollyngiadau i ddod o hyd i leoliadau lle mae dŵr yn colli ar y rhwydwaith dosbarthu.  Mae technegau darganfod gollyngiadau yn gallu cynnwys, ymysg pethau eraill, dulliau acwstig, llif a phwysedd, profi llif y dŵr drwy gau falfiau mewn trefn a dulliau gweledol. Mae’n cynnwys dewis un dull darganfod gollyngiadau addas neu gyfuniad o ddulliau, gosod a ffurfweddu offer darganfod gollyngiadau a defnyddio'r canlyniadau i ddod o hyd i ble mae’r dŵr yn gollwng. Bydd angen i chi allu blaenoriaethu yn ôl pa sefyllfaoedd o ddŵr yn gollwng yw’r rhai mwyaf brys, cofnodi gwybodaeth a gwneud yn siŵr bod y bobl berthnasol, gan gynnwys cwsmeriaid, yn cael eu diweddaru ar y sefyllfa.   Dylid dilyn gweithdrefnau iechyd, diogelwch a hylendid bob amser.

 

Mae'r Safon hon ar gyfer unrhyw un sy’n defnyddio technegau darganfod gollyngiadau priodol i ddod o hyd i leoliadau lle mae dŵr yn colli ar y rhwydwaith dosbarthu.

1. cael gafael ar wybodaeth gyfredol o gofnodion a data sydd eisoes ar gael a’i dadansoddi 

2. dewis dulliau darganfod gollyngiadau sy'n briodol i'r math o seilwaith dosbarthu sydd dan sylw, ei gyflwr a’i nodweddion cyfredol  

3. dewis dulliau a thechnegau sy’n cydymffurfio ag ystyriaethau iechyd, diogelwch ac amgylcheddol ac sy’n cael cyn lleied o effaith â phosibl ar y cyflenwad dŵr, ansawdd y dŵr a chwsmeriaid

4. rhagnodi, a rhoi mewn trefn, y nifer a'r cyfuniad o ddulliau a thechnegau darganfod gollyngiadau a fydd yn cynhyrchu’r gweithgarwch darganfod gollyngiadau mwyaf effeithiol  

5. defnyddio gwybodaeth o ffynonellau dibynadwy i bennu'r gofynion o ran offer ac adnoddau, argaeledd a chost-effeithiolrwydd

6. sefydlu cynlluniau wrth gefn yn unol â gweithdrefnau sefydliadol ar gyfer sefyllfaoedd lle gallai problemau godi 

7. cadarnhau bod gweithdrefnau hysbysu yn cael eu rhoi ar waith yn unol â gofynion sefydliadol 

8. gwneud yn siŵr bod y rheini y mae'r gwaith profi’n effeithio arnynt yn cael gwybod yr amser y cynhelir y profion ac am ba hyd y byddant yn para a’u heffaith ar y cyflenwad dŵr cyn dechrau eu cynnal 

9. archwilio offer darganfod gollyngiadau i gadarnhau eu bod yn gweithio’n iawn ac yn ddiogel i'w defnyddio 10 defnyddio offer perthnasol i binbwyntio’n derfynol lle mae'r gollyngiadau cyn marcio eu lleoliad   

11. cysylltu, gosod a ffurfweddu offer yn unol â chyfarwyddiadau’r gwneuthurwr

12. defnyddio canlyniadau i ganfod a chadarnhau lleoliad gollyngiadau yn fanwl

13. datgymalu, glanhau a dychwelyd offer i'w cadw yn unol â gofynion sefydliadol 

14. marcio lleoliad gollyngiadau yn unol â gofynion sefydliadol

15. cofnodi a rhoi gwybod am leoliad gollyngiadau, gan gynnwys unrhyw amodau traffig neu amodau amgylcheddol lleol, yn unol â gofynion sefydliadol 

16. penderfynu a rhoi cyngor ar faint o frys sydd i ddelio ag achosion o golli dŵr a ganfuwyd a'r amserlen sy'n dderbyniol i wneud hynny er mwyn cydymffurfio â safonau o ran faint o ddŵr sydd wedi colli, pa mor gyflym y mae'r dŵr yn colli a gofynion y sefydliad o ran safonau gwasanaeth 

17. penderfynu ar yr opsiynau o ran amharu ar y cyflenwad a faint o amharu sydd ei angen i ddelio a sefyllfaoedd colli dŵr a ganfuwyd  

18. rhoi'r manylion perthnasol i bobl briodol am ddulliau darganfod a’r angen am ymchwilio pellach 

19. dilyn prosesau hylendid a gweithio’n ddiogel yn unol â gweithdrefnau ac arferion cymeradwy

1. rheoliadau, prosesau a gweithdrefnau'r cwmni yng nghyswllt iechyd, diogelwch, yr amgylchedd ac argyfyngau 

2. technegau a dulliau darganfod gollyngiadau, eu cyfyngiadau a’u capasiti yng nghyswllt gwahanol fathau o bibellau sydd wedi’u ffurfweddu’n llinellol ac yn aflinol  

3. sut gellir cyfuno a threfnu dulliau darganfod gollyngiadau 

4. sut mae penderfynu pa mor addas yw dulliau darganfod gollyngiadau ar gyfer amgylchiadau gwahanol 

5. manteision defnyddio dulliau tawelu sŵn a pha bryd y mae’r rhain yn briodol 

6. diben gwirio cyflymder os ceir amrywiadau sylweddol

7. perthnasedd y math o seilwaith dosbarthu sydd dan sylw a’i gyflwr i dechnegau a dulliau darganfod gollyngiadau

8. sut mae dehongli a chael gafael ar ddata a chofnodion sydd eisoes ar gael am asedau a seilwaith y rhwydwaith, cwsmeriaid, yr effaith ar ansawdd dŵr, manylion amgylcheddol am draffig a lefelau sŵn a thueddiadau o ddata hanesyddol

9. sut mae dadansoddi gwybodaeth am dueddiadau er mwyn penderfynu ar effeithiau posibl technegau darganfod gollyngiadau

10. sut mae asesu gwybodaeth am gwsmeriaid, traffig, adnoddau a’r amgylchedd 

11. sut mae penderfynu ar faint o frys sydd i ymdrin â sefyllfa colli dŵr a phwy i'w hysbysu 

12. sut mae sefydlu manylion amhariad ar y cyflenwad 

13. sut mae penderfynu ar y gofynion o ran offer ac adnoddau, argaeledd a chost-effeithiolrwydd

14. sut mae sefydlu'r effeithiau posibl ar y cyflenwad dŵr, ansawdd dŵr a chwsmeriaid

15. sut mae gosod a chalibradu offer, gan gynnwys offer i binbwyntio gollyngiadau yn derfynol  

16. goblygiadau ffurfweddiad peipiau o ran canlyniadau profion 

17. rheoliadau perthnasol o ran iechyd, diogelwch a’r amgylchedd 

18. gofynion y sefydliad o ran cadw cofnodion yng nghyswllt dod o hyd i ollyngiadau

19. safonau gwasanaeth y sefydliad ar gyfer gweithgareddau cysylltiedig â gollyngiadau 

20. pwy i roi gwybod iddynt am broblemau a gweithdrefnau'r sefydliad ar gyfer gwneud hyn

21. sut mae canfod y rheini y gallai gweithgareddau profi effeithio arnynt

22. gweithdrefnau hysbysu'r sefydliad

23. polisïau cysylltu’r sefydliad o ran y rheini y mae gweithgareddau profi yn effeithio arnynt