Yn ol

Dadansoddi data er mwyn canfod gollyngiadau posibl

URN: EUSLDC4

Sectorau Busnes (Suites): Canfod a Rheoli Gollyngiadau

Datblygwyd gan: Energy & Utility Skills

Cymeradwy ar: 01 Rhag 2018

Lawrlwythwch fel PDF

Trosolwg

Mae'r Safon hon yn ymwneud â dadansoddi data er mwyn canfod gollyngiadau posibl. Mae hyn yn cynnwys cael gafael ar ddata perthnasol, eu dadansoddi yn erbyn disgwyliadau a gweld a oes angen cynnal ymchwiliadau pellach. Mae hefyd yn cynnwys nodi mannau lle gallai gollyngiadau posibl ddigwydd a chyfrifo faint o ddŵr a allai gael ei golli.

Mae'r Safon hon yn berthnasol i unrhyw un sy’n gwerthuso data er mwyn canfod gollyngiadau posibl.

Meini prawf perfformiad

Mae'n rhaid eich bod chi'n gallu:

1. cael gafael ar setiau cyflawn o ddata o weithgareddau monitro a rheoli penodol

2. sefydlu beth yw’r llif a’r pwysedd mewn mannau penodol gan ddefnyddio data monitro a rheoli o wahanol bwyntiau ar y system ddosbarthu er mwyn cael darlun cynhwysfawr o lif a phwysedd mewn ardaloedd penodol

3. dadansoddi'r data yn ôl patrymau data disgwyliedig, gan ystyried unrhyw wybodaeth ychwanegol berthnasol am gyflwr y rhwydwaith, gweithrediadau’r rhwydwaith neu amrywiadau o ran defnyddio

4. sefydlu math a natur unrhyw wahaniaethau sy’n ymddangos wrth ddadansoddi data yn unol â gweithdrefnau ac arferion cymeradwy

5. nodi’r angen am ymchwiliadau pellach pan na ellir dod o hyd i eglurhad posibl am wahaniaethau a ganfuwyd

6. rhoi manylion pam fod angen ymchwiliadau pellach i bobl berthnasol

7. dadansoddi data a gafwyd o weithgareddau rheoli a monitro er mwyn ffurfio casgliadau am y ffordd y mae'r system ddosbarthu yn gweithio; tynnu sylw at unrhyw fannau sy’n ymddangos fel pe baen nhw’n cael problemau gyda gollyngiadau a rhoi gwybod i bobl berthnasol

8. amcangyfrif faint o ddŵr sy’n cael ei golli o fannau penodol yn ôl y dadansoddiad o ddata a'r casgliadau y daethpwyd iddynt

9. cofnodi manylion am nodweddion yr ardal a chyfrifiadau o'r dŵr sy'n cael ei golli mewn fformatau priodol yn unol â gweithdrefnau ac arferion cymeradwy

Gwybodaeth a Dealltwriaeth

You need to know and understand:

1. rheoliadau, prosesau a gweithdrefnau'r cwmni yng nghyswllt iechyd, diogelwch, yr amgylchedd ac argyfyngau

2. pwrpas gweithgareddau rheoli a monitro

3. canlyniadau peidio â chyflawni gweithgareddau monitro a rheoli yn gywir

4. sut mae dehongli data a gafwyd o weithgareddau monitro a rheoli gwahanol, gan gynnwys llif a phwysedd, amledd cyflym, data o osodiadau sefydlog neu o osodiadau dros dro

5. sut mae dehongli data eraill, gan gynnwys data hanesyddol, canlyniadau ymchwiliadau blaenorol, profion ansawdd dŵr a ffactorau’n ymwneud â chyswllt cwsmeriaid sy’n effeithio ar berfformiad y rhwydwaith, gan gynnwys digwyddiadau anarferol

6. sut mae darllen a dehongli gwybodaeth am lif, pwysedd, ansawdd dŵr a chyswllt cwsmeriaid

7. sut mae dadansoddi a dehongli data yn gywir

8. pam ei bod yn bosibl na fyddwch yn gallu dadansoddi data

9. gweithdrefnau adrodd gan gynnwys defnyddio adborth o ymchwiliadau blaenorol

10. meysydd nodweddiadol o ran ymchwilio pellach, gan gynnwys perfformiad offer, nodweddion ardal

11. mathau o broblemau sy’n codi o ran gollyngiadau a sut maen nhw’n ymddangos ar y rhwydwaith

12. ffynonellau gwybodaeth am gyflwr y rhwydwaith, gweithrediadau'r rhwydwaith, amrywiadau o ran defnyddio, ymchwiliadau blaenorol a nodweddion ardal

13. sut mae cysylltu data a ddadansoddwyd â chynlluniau rhwydwaith

14. sut mae cyfrifo faint o ddŵr sy’n cael ei golli

15. y gofynion o ran cofnodi ac adrodd

16. y ffactorau i’w hystyried wrth ddod i benderfyniad am broblemau gyda gollyngiadau

Dadansoddi data er mwyn canfod gollyngiadau posibl

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol