Comisiynu a Datgomisiynu Rhwydweithiau Nwy

Mae'r safon hon yn ymwneud â chomisiynu a datgomisiynu rhwydweithiau nwy.

Gall fod yn berthnasol i unrhyw fath o nwy tanwydd neu gyfuniadau o nwy tanwydd gan gynnwys nwy naturiol, LPG, hydrogen cyfunol neu 100%, ond heb fod yn gyfyngedig i hynny.

Mae’n cynnwys dehongli gwybodaeth dechnegol, dewis cydrannau ac adnoddau, defnyddio technegau stopio llif, cysylltu a datgysylltu cynhyrchion neu asedau peirianneg, cwblhau dogfennau a delio â phroblemau. Bydd y gweithgareddau hyn fel arfer yn cynnwys arweinyddiaeth a chyfeiriad aelodau tîm a gwneud penderfyniadau ynghylch y dull i’w ddefnyddio wrth wneud y gwaith.

Mae'r safon hon ar gyfer y rheini sy'n gyfrifol am weithrediadau yn ystod gweithgareddau rhwydwaith nwy.

---

1. dehongli dimensiynau, hyd, lled a meintiau gofynnol o fanylebau technegol perthnasol a chyfarwyddiadau gwaith
2. dehongli safleoedd cywir cyfleustodau, peiriannau, is-strwythurau, adeiladau, cyrbiau a ffiniau eraill a fydd yn effeithio ar gysylltiadau
3. dewis y math o gydrannau yn unol â chyfarwyddiadau gwaith a manylebau technegol
4. dilyn gweithdrefnau sefydliadol i ddisodli cydrannau diffygiol, cydrannau nad ydynt yn cyfateb a chydrannau is-safonol
5. gwirio a sicrhau bod digon o lafur, peiriannau, offer, deunyddiau a nwyddau traul ar gael ar gyfer y gwaith
6. ymateb yn ddi-oed i newidiadau gwirioneddol a disgwyliedig i'r defnydd a gynlluniwyd o adnoddau fel bod gofynion gwaith yn cael eu bodloni
7. pennu'r dulliau a'r technegau cywir i'w defnyddio i fodloni meini prawf dylunio yn seiliedig ar wybodaeth hysbys ac amgylchiadau safle
8. cynnal ac adolygu asesiadau risg safle-benodol a defnyddio mesurau rheoli yn unol â pholisi sefydliadol wrth i'r gwaith fynd rhagddo
9. dewis, gwirio cyflwr cyfarpar diogelu personol priodol, ei ddefnyddio a'i storio yn unol â gweithdrefnau sefydliadol
10. gwirio a chadarnhau bod y cloddiadau o faint digonol a bod eu cyflwr yn cydymffurfio â chyfarwyddiadau gwaith a manylebau technegol
11. sicrhau bod cyfarwyddiadau gwaith, gweithdrefnau gweithredol awdurdodedig ac awdurdodiadau ar waith cyn dechrau ar y gwaith
12. cymryd rhagofalon sy'n atal difrod i gydrannau, offer a chyfarpar
13. cefnogi ac angori asedau peirianneg sydd wedi’u gosod yn unol â manylebau technegol
14. defnyddio technegau cysylltu a stopio llif awdurdodedig i gysylltu â systemau presennol a’u datgysylltu oddi wrthynt yn unol â chyfarwyddiadau gwaith
15. gwneud yr holl waith yn unol â dogfennau gweithdrefn awdurdodedig a gweithdrefnau ac arferion sefydliadol yn unol â gofynion statudol a rheoleiddiol
16. rhoi gwybodaeth am fanylebau technegol i bobl eraill pan fydd ei hangen, gan wirio a chadarnhau dealltwriaeth o'r wybodaeth a ddarperir i'r derbynwyr a ganddynt
17. cwblhau dogfennau gwaith yn unol â gweithdrefnau'r sefydliad
18. cyfeirio problemau ac amodau y tu hwnt i’ch cyfrifoldeb eich hun at bobl ddynodedig yn unol â gweithdrefnau sefydliadol

---

1. prif gyfrifoldebau’r cyflogwr a’r gweithiwr o dan ddeddfwriaeth iechyd, diogelwch a diogelu’r amgylchedd, a sut mae cydymffurfio â nhw
2. llinellau adrodd, rolau, cyfrifoldebau a lefelau awdurdod y cwmni
3. nodi a defnyddio gweithdrefnau diogel ar gyfer codi a chario a pheryglon gweithdrefnau codi a chario annigonol
4. ystod a defnydd cyfarpar diogelu personol ar gyfer y gweithgaredd gwaith, gweithdrefnau ar gyfer gwneud yn siŵr ei fod yn addas i’r diben a phwysigrwydd ei wisgo
5. deddfwriaeth a gweithdrefnau sefydliadol sy’n ymwneud â deunyddiau peryglus a pheryglon posibl systemau nwy gwasgedd canolig, canolraddol neu uchel ac asedau cyfleustodau eraill
6. dulliau gwahanol o gael gafael ar fanylebau technegol o ddogfennau cyfeirio, llawlyfrau, rheoliadau, codau ymarfer, asesiadau risg a datganiadau dull a sut i’w dehongli
7. sut i ddehongli cyfarwyddiadau gwaith gan gynnwys lluniadau, cofnodion, awdurdodiadau gwaith a gwybodaeth arall sy'n benodol i brosiect
8. pwysigrwydd cynnal ac adolygu asesiadau risg ar y safle a sut i wneud hynny
9. pwysigrwydd cydymffurfio â safonau cyfredol y diwydiant, gofynion statudol, rheoliadau a chodau ymarfer a pholisi a gweithdrefnau'r sefydliad ar gyfer eu bodloni, gan gynnwys y rhai sy'n ymwneud â chofnodi a rhoi gwybod am ddamweiniau ac argyfyngau
10. peryglon posibl ceudodau, ffosydd a chloddiadau a'r ffactorau sy'n effeithio ar eu haddasrwydd, gan gynnwys camau gweithredu sy'n gallu creu mannau cyfyng
11. y gwahanol fathau o ddulliau cysylltu ac offer atal llif y gellir eu defnyddio, a goblygiadau a chyfyngiadau eu defnyddio ar wahanol ddeunyddiau pibellau a chyfundrefnau gwasgedd
12. pwysigrwydd defnyddio technegau, offer, deunyddiau a chydrannau system cywir a namau tebygol pan fyddant yn anghywir
13. yr ystod o ddulliau ynysu sydd ar gael a'r rhesymeg dros eu dewis
14. pwysigrwydd cael y caniatâd angenrheidiol ar gyfer cysylltiadau, datgysylltu neu ynysu unrhyw ran o’r rhwydwaith, y weithdrefn ar gyfer cael gafael arno a goblygiadau peidio â’i gael
15. y mathau a’r achosion o darfu sy’n debygol, mesurau osgoi, yr ystod o gamau i’w cymryd os na all gwaith fynd rhagddo a sut i benderfynu ar gamau adfer diogel priodol
16. y mathau a’r arwyddion o ddiffyg sy'n debygol o fod yn bresennol ar is-system a ffyrdd o benderfynu ar gamau priodol a diogel i gywiro'r sefyllfa
17. sut i gyfleu gwybodaeth dechnegol i eraill mewn ffordd sy'n addas i'r derbynnydd, y math o wybodaeth a'r ffordd y caiff ei defnyddio
18. technegau i wirio dealltwriaeth pobl eraill ac egluro ei ddealltwriaeth ei hun o wybodaeth dechnegol a chyfarwyddiadau gwaith
19. gweithdrefnau adrodd y sefydliad ac i bwy y dylid rhoi gwybod iddynt am broblemau gan gynnwys anghywirdebau mewn ffynonellau gwybodaeth dechnegol, difrod neu ddiffygion i gyfarpar, offer neu ddeunyddiau a gwaith sy'n anghyflawn neu heb fod yn unol â’r amserlen

---

---

---

---

---

---

---

---

---

---

3

---

2031

---

Ar hyn o bryd

---

Gwreiddiol

---

Energy & Utility Skills

---

EUSGNC014

---

Adeiladu Rhwydwaith Nwy

---

---

nwy, LPG, hydrogen, rhwydwaith, rhwydwaith nwy, comisiwn, cysylltiadau, prif bibelli, dehongli gwybodaeth dechnegol, dewis cydrannau ac adnoddau, stopio llif, cysylltu, datgysylltu, peirianneg, cynhyrchion, asedau, dogfennau

---