Pennu’r dull ar gyfer gweithgareddau rhwydwaith nwy penodol

Mae'r safon hon yn ymwneud ag asesu a dadansoddi gweithgareddau gwaith penodol ar asedau rhwydweithiau nwy i bennu'r dull gweithredu sydd ei angen i gyflawni'r canlyniadau gofynnol.

Gall fod yn berthnasol i unrhyw fath o nwy tanwydd neu gyfuniadau o nwy tanwydd gan gynnwys nwy naturiol, LPG, hydrogen cyfunol neu 100%, ond heb fod yn gyfyngedig i hynny.

Mae hyn yn cynnwys cadarnhau amcanion gwaith, dadansoddi goblygiadau amodau safle a gofynion technegol, cynnal asesiadau risg, pennu datganiadau dull a dilyniannau gweithredol a briffio’r rheini sy’n ymwneud â chyflawni’r gwaith am y gofynion.
Mae'r safon hon ar gyfer arweinwyr tîm ar weithgareddau rhwydwaith nwy.

---

1. pennu amcanion y gwaith gan ddefnyddio dogfennau perthnasol y cwmni a chyfarwyddiadau gwaith
2. cadarnhau unrhyw gyfyngiadau perthnasol a allai effeithio ar y broses o gyflawni'r gwaith
3. archwilio'r safle a chofnodi unrhyw ffactorau neu ofynion technegol penodol a allai effeithio ar y ddarpariaeth
4. sefydlu unrhyw ofynion penodol o ran offer, deunyddiau neu beiriannau ar gyfer y gwaith
5. dewis, gwirio cyflwr, defnyddio a storio’r cyfarpar diogelu personol (PPE) priodol
6. defnyddio offer profi atmosfferig cymeradwy i sefydlu bod amgylcheddau'n ddiogel i fynd iddynt
7. cynnal a chofnodi asesiadau risg penodol i’r safle yn unol â gweithdrefnau’r diwydiant a’r cyflogwr ei hun i sicrhau darpariaeth ddiogel
8. dilyn a chynnal arferion gweithio ac amgylcheddol diogel yn unol â rheoliadau iechyd a diogelwch a deddfwriaeth amgylcheddol drwy gydol y gwaith
9. llunio datganiadau dull a dilyniannau gweithredol sy’n cydymffurfio â’r holl weithdrefnau maes wrth ddarparu’r ffurfweddiad mwyaf effeithlon
10. sicrhau bod yr holl drwyddedau ac awdurdodau sy’n ofynnol i wneud gwaith yn eu lle ac yn ddilys cyn i’r gwaith ddechrau
11. cofnodi gwybodaeth yn unol â gweithdrefnau cymeradwy'r diwydiant a'r cyflogwr ei hun
12. disgrifio datganiadau dull, dilyniant gweithgareddau ac unrhyw ffactorau penodol y mae angen iddynt fod yn ymwybodol ohonynt, i bawb sy'n ymwneud â’r gwaith
13. nodi ac ymateb i broblemau sydd o fewn terfynau eich cyfrifoldeb eich hun.
14. nodi a rhoi gwybod i bobl ddynodedig am broblemau sydd y tu hwnt i'w gyfrifoldeb ei hun
    
    

---

1. y ddeddfwriaeth berthnasol sy’n ymwneud â’r gwaith, gan gynnwys iechyd a diogelwch, diogelu’r amgylchedd a thrin deunyddiau peryglus a phrif gyfrifoldebau’r cyflogwr a’r gweithiwr dan y ddeddfwriaeth
2. llinellau adrodd, rolau, cyfrifoldebau a lefelau awdurdod y sefydliad
3. terfynau eich cyfrifoldeb eich hun
4. diben asesiadau o amodau'r safle, y math o amodau y maent yn eu hasesu a sut i'w cyflawni
5. gweithdrefnau cofnodi ac adrodd ar ddamweiniau'r sefydliad
6. yr ystod a'r defnydd o gyfarpar diogelu mae ei angen arnoch i gyflawni’r gwaith
7. goblygiadau trothwyon atmosfferig a'r camau i'w cymryd i sefydlu bod amgylcheddau'n ddiogel i fynd iddynt
8. gweithdrefnau a phrosesau'r cwmni ar gyfer rhoi gwybod am broblemau
9. sut i ddarllen a dehongli gweithdrefnau gweithredol a chael gafael ar gyfarwyddiadau gweithgynhyrchwyr/cyflenwyr i wneud yn siŵr bod offer a chyfarpar yn addas i'r diben ac yn ddiogel i'w defnyddio
10. y prosesau a’r gweithdrefnau ar gyfer cynnal asesiadau risg
11. sut i ddarllen a dehongli cyfarwyddiadau a lluniadau trydydd parti ar gyfer gofynion technegol penodol
12. y trwyddedau a'r awdurdodau sy'n ofynnol a sut i gael gafael arnynt a'u dehongli
13. y dilyniant o brosesau a thechnegau y mae angen eu dilyn a'u defnyddio i gwblhau'r gwaith yn llwyddiannus
14. diben datganiadau dull, sut i lunio un, a'r hyn y mae angen iddo ei gynnwys gan gynnwys agweddau profi a chomisiynu
15. sut i leihau risgiau i'r hunan ac eraill wrth ymgymryd â gweithgareddau gwaith
16. cyfarwyddiadau gwaith, systemau a dogfennau gwybodaeth ac adrodd y cwmni a sut mae adnabod a rhoi gwybod am gyfarwyddiadau a dogfennau gwaith anghywir
17. sut mae asesu’r llwybr mwyaf addas ar gyfer pibellau ac uwchgyfeirio unrhyw broblemau
18. sut mae sicrhau bod y safle’n cael ei ddiogelu cymaint â phosibl
19. y gwahanol fathau a chategorïau o sefyllfaoedd brys a a allai ddigwydd a sut i ymateb iddynt

---

---

---

---

---

---

---

---

---

---

3

---

2026

---

Ar hyn o bryd

---

Gwreiddiol

---

Energy & Utility Skills

---

EUSGNC015

---

Adeiladu Rhwydwaith Nwy

---

---

nwy, LPG, hydrogen, rhwydwaith, rhwydwaith nwy, technegol, gofynion technegol, datganiad dull, dilyniant gweithredol, adeiladu, gweithrediadau

---