Yn ol

Adfer Gwaith Cloddio ac Arwynebau Palmentydd ar gyfer Gweithrediadau Safleoedd ar Waith Adeiladu'r Rhwydwaith Nwy

URN: EUSGNC008

Sectorau Busnes (Suites): Gwaith Adeiladu'r Rhwydwaith Nwy

Datblygwyd gan: Energy & Utility Skills

Cymeradwy ar: 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn yn diffinio'r cymhwysedd gofynnol ar gyfer dehongli cyfarwyddiadau, cynllunio, trefnu a defnyddio arferion gweithio diogel tra'n paratoi ac yn adfer cloddiadau ac arwynebau'r ffordd fawr a phalmentydd yn dilyn gweithrediadau safleoedd, drwy ddefnyddio deunyddiau'r is-radd, is-sail a'r sail ar gyfer y ffordd briodol a thrwy ddethol deunyddiau arwyneb gan gynnwys arwynebau bitwminaidd 'cold-lay' a modiwlar.

Mae'r safon hwn yn gymwys i'r rheini sy'n gyfrifol am weithrediadau yn ystod gwaith adeiladu'r rhwydwaith nwy. Bydd y gwaith hwn fel arfer yn cynnwys arwain a chyfarwyddo aelodau'r tîm a gwneud penderfyniadau ar y dull gweithredu a ddefnyddir wrth ymgymryd â'r gwaith.

Mae'r safon hwn yn cynnwys pedair elfen:

1. paratoi ar gyfer adfer cloddiadau ac arwyneb palmentydd ar weithrediadau safleoedd

2. adfer cloddiadau ac arwyneb palmentydd

3. defnyddio a chyfathrebu data a gwybodaeth

4. datrys problemau sy'n deillio o'r gwaith o adfer

Meini prawf perfformiad

Mae'n rhaid eich bod chi'n gallu:

Paratoi ar gyfer adfer cloddiadau ac arwyneb palmentydd ar weithrediadau safleoedd

1. cadarnhau lleoliad y cloddiad, ceudwll a'r ffosydd yn unol â chyfarwyddiadau a manylebau'r gwaith

2. cynnal asesiad risg ac adolygiad sy'n benodol i'r safle yn unol â gweithdrefnau'r cwmni

3. defnyddio'r mesurau rheoli a nodwyd yn yr asesiad risg

4. dethol, gwirio cyflwr, defnyddio a storio'r cyfarpar diogelwch personol priodol

5. cyflawni gweithgareddau diogel sy'n gysylltiedig â gweithio yng nghyffiniau deunyddiau peryglus

6. cadarnhau'r gwaith adeiladu hyblyg, cyfansoddol, anhyblyg a modiwlar ar balmentydd, ymylon a'r ddaear naturiol i'w hadfer a'u bod yn cydymffurfio â'r Codau Ymarfer statudol a rheoliadol

7. cynnal gweithdrefnau paratoi ar gyfer adfer cloddiadau yn unol â'r Codau Ymarfer statudol a rheoliadol

8. defnyddio gweithdrefnau ac arferion cymeradwy a gofynion statudol i bennu'r gofyniad ar gyfer cefnogi'r cloddiad

9. diogelu cyfarpar cyflenwi ac is-strwythurau yn unol â'r Codau Ymarfer perthnasol

10. cadarnhau bod cyflwr y deunyddiau newydd a deunyddiau y gellir eu hailddefnyddio ar gyfer ôl-lenwi, is-sail, sail ar gyfer y ffordd ac arwyneb palmentydd, a deunyddiau 'cold-lay' i'w defnyddio ar gyfer y gwaith adfer yn addas at y diben ac yn cydymffurfio â Chodau Ymarfer statudol a rheoliadol

11. dethol a chadarnhau'r cyfarpar a reolir â llaw a'r cyfarpar pŵer sy'n addas ar gyfer y deunyddiau i'w defnyddio ar gyfer y gwaith adfer yn unol â manylebau'r gwneuthurwr a gofynion gweithredol

12. rhoi gwybod am waith adfer cloddiadau sydd y tu hwnt i reolaeth deiliad y swydd yn unol â gweithdrefnau sefydliadol a gweithredol

Adfer cloddiadau ac arwyneb palmentydd

13. cynnal amodau a diogelwch y cloddiadau drwy gydol y gweithrediadau adfer yn unol â gofynion gweithredol a rheoliadol

14. cynnal y gweithdrefnau gosod a chywasgu ar gyfer y deunyddiau priodol ar gyfer yr ardal a'r math o strwythur a gaiff ei adfer er mwyn cydymffurfio â'r Codau Ymarfer statudol a rheoliadol

15. rhoi gwybod am ddiffygion yn y gwaith o osod a chywasgu deunyddiau sydd y tu hwnt i reolaeth deiliad y swydd yn unol â gweithdrefnau sefydliadol a gweithredol

16. ailosod gwaith haearn, cyrbiau a chyfyngiadau ymylon yn unol â'r Codau Ymarfer perthnasol

17. storio a gwaredu deunyddiau sy'n weddill yn unol â chyfarwyddiadau'r gwaith a Chodau Ymarfer statudol a rheoliadol

18. cwblhau'r gwaith drwy wirio a chadarnhau ansawdd a chyflwr y gwaith adfer terfynol a safle'r gwaith a chydymffurfio â Chodau Ymarfer statudol a rheoliadol

19. cynnal yr holl waith yn unol â'r gweithdrefnau ac arferion cymeradwy a'r gofynion statudol

Defnyddio a chyfathrebu data a gwybodaeth

20. defnyddio cofnodion i bennu cloddiadau dwfn, mannau cyfyngedig a deunyddiau peryglus posibl

21. defnyddio'r wybodaeth yn y cyfarwyddiadau ar gyfer y gwaith a'r fanyleb i bennu safle'r gwaith a'r ardal i'w chloddio

22. gwirio unrhyw amgylchiadau lle y mae'r wybodaeth yn ymddangos yn anghywir gyda'r personél dynodedig

23. defnyddio systemau gwybodaeth sefydliadol i gofnodi a storio data a gwybodaeth

Datrys problemau sy'n deillio o'r gwaith cloddio

24. rhoi gwybod am unrhyw niwed i gyfarpar cyflenwi ac is-strwythurau i'r person dynodedig

25. cynghori cydweithwyr neu reolwyr am sefyllfaoedd lle y mae angen iddynt ymyrryd

26. datrys problemau o fewn maes dyletswydd y swydd

Gwybodaeth a Dealltwriaeth

You need to know and understand:

Cyffredinol

1. prif gyfrifoldebau'r cyflogwr a'r cyflogai o dan y Ddeddf Iechyd a Diogelwch yn y Gwaith,

2. prif gyfrifoldebau'r cyflogwr a'r cyflogai o dan ddeddfwriaeth amgylcheddol

3. sut i gynnal asesiadau risg sy'n benodol i'r safle

4. sut i adolygu asesiadau risg a defnyddio'r mesurau rheoli priodol

5. llinellau adrodd, rolau, cyfrifoldebau a lefel awdurdod y cwmni

6. nodi a defnyddio gweithdrefnau diogel ar gyfer trin deunyddiau peryglus a deunyddiau nad ydynt yn beryglus

7. gweithdrefnau cofnodi a chyflwyno adroddiadau am ddamweiniau sefydliadol

8. yr amrywiaeth a'r defnydd o gyfarpar diogelwch personol a'u pwysigrwydd ar gyfer y gwaith a'r gweithdrefnau ar gyfer gwirio bod y cyfarpar yn addas at y diben

9. gweithdrefnau cyflwyno adroddiadau statudol, sefydliadol ac mewn argyfwng

Adfer Cloddiadau

10. dyletswyddau'r cyflogwr a'r cyflogai o dan y ddeddfwriaeth a'r Codau Ymarfer, a sut i gydymffurfio â nhw ar gyfer gwaith ar ffyrdd a strydoedd newydd ar gyfer gwaith adfer cloddiadau

11. y ddeddfwriaeth sy'n llywodraethu'r gwaith adfer cloddiadau

12. gweithdrefnau diogel ar gyfer trin cyfarpar y gwaith adfer

13. mathau gwahanol o arwynebau palmentydd gan gynnwys palmentydd hyblyg, cyfansoddol, anhyblyg a modiwlar

14. gofynion yr is-arwyneb ar gyfer pob math o arwyneb palmentydd

15. gweithdrefnau paratoi gan gynnwys torri ymylon, ffurfio arwynebau, gwaredu gweddillion rhydd, gwybodaeth am atgyweiriadau

16. y mathau o ddeunyddiau cloddio mewn cloddiadau a diffygion posibl, gan gynnwys ôl-lenwi, is-sail, sail ar gyfer y ffordd ac arwyneb palmentydd

17. y camau unioni i'w cymryd os gwelir unrhyw ddiffygion

18. y mathau o gyfarpar cyflenwi ac is-strwythurau y gellir dod ar eu traws gan gynnwys cyfleustodau ac asiantaethau eraill

19. dulliau diogelu pob cyfarpar cyflenwi ac is-strwythur

20. dulliau gwahanu'r deunyddiau gwahanol gan gynnwys ôl-lenwi, is-sail, sail ar gyfer y ffordd ac arwyneb palmentydd

21. y dulliau ar gyfer gwirio cyflwr y deunyddiau i'w hail-ddefnyddio

22. manylebau ar gyfer arwyneb, is-arwyneb a deunyddiau adfer cyffredinol gan gynnwys deunyddiau main-lenwi; deunyddiau ôl-lenwi; is-seiliau gronynnog; deunydd cloddio sy'n defnyddio sment, deunyddiau sail ffyrdd; deunyddiau sail ffyrdd bitwminaidd; deunyddiau arwynebu; llwybrau concrid; arwynebu modiwlar; 'cold lay',

23. dulliau storio neu ddiogelu deunydd cloddio i atal dirywiad

24. sut i ddethol, gwirio, defnyddio a chynnal y cyfarpar a reolir â llaw, cyfarpar pŵer a'r cyfarpar eraill a ddefnyddir ar gyfer gwaith adfer

25. deddfwriaeth yn rheoli'r defnydd o gyfarpar a reolir â llaw, cyfarpar pŵer a chyfarpar eraill

26. gweithdrefnau ac arferion gweithio diogel ar gyfer gwaith cloddio gan gynnwys gofynion amgylcheddol, sefydliadol, rheoleiddiol, mewn argyfwng, gweithredol, cydymffurfiaeth ag iechyd, diogelwch a'r amgylchedd, gweithdrefnau priodol cwmni ac asesiadau risg

27. sut i dynnu cyfarpar cynnal ffosydd oddi yno tra'n ailosod y cloddiad

28. rolau a dyletswyddau pobl yn y tîm gweithrediadau'r ffordd fawr

29. strwythurau rheoli safle ar gyfer gweithrediadau'r ffodd fawr

30. pwysigrwydd atgyfeirio problemau sydd y tu allan i ddyletswydd y swydd i bobl ddynodedig

31. gweithdrefnau ar gyfer rhoi gwybod am gynydd y gwaith, problemau a gwyriadau i raglenni'r gwaith a'u cofnodi

32. y deunyddiau a bennir yn dderbyniol i'w defnyddio ar gyfer ôl-lenwi, sail ar gyfer y ffordd ac arwyneb palmentydd gan gynnwys elfennau 'cold lay'

33. y mathau o weadeddau arwyneb gan gynnwys gweadedd hyblyg, cyfansoddol, anhyblyg a modiwlar, ymylon a'r ddaear naturiol

34. y mathau o gyfarpar a ddefnyddir ar gyfer cywasgu deunyddiau gan gynnwys cyfarpar a reolir â llaw a chyfarpar pŵer ynghyd â chyfarpar modur

35. sut i roi gwybod am unrhyw ollyngiadau o danwydd ac ireidiau, a'u hatal rhag gwasgaru yn ddiogel yn unol â gweithdrefnau'r cwmni

36. y gofynion cynnal a chadw ar gyfer cyfarpar cywasgu

37. y dulliau i'w defnyddio ar gyfer cywasgu deunyddiau a gaiff eu hadfer

38. y mathau o waith adfer, gan gynnwys tyllau, ffosydd ac arwyneb

palmentydd

39. diffygion cyffredin mewn gwaith adfer gan gynnwys difrod i aneddiad ac arwyneb a chamau unioni

40. y rhesymau dros sicrhau y caiff deunyddiau eu storio dan yr amodau cywir

Cwmpas/ystod

Cyfarpar cyflenwi ac is-strwythurau- y cyfarpar cyflenwi ar gyfer cyfleustodau ac asiantaethau eraill, gwasanaethau uwchben y ddaear a thanddaearol, strwythurau adeiledig a'r amgylchedd naturiol (e.e. sylfeini, gwreiddiau coed a chyrsiau dŵr naturiol)

Adfer Gwaith Cloddio ac Arwynebau Palmentydd ar gyfer Gweithrediadau Safleoedd ar Waith Adeiladu'r Rhwydwaith Nwy

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol