Canfod diffygion trydanol mewn cyfarpar nwy domestig
URN: EUSDSG3.9
Sectorau Busnes (Suites): Defnyddio nwy
Datblygwyd gan: Energy & Utility Skills
Cymeradwy ar:
01 Rhag 2017
Trosolwg
Mae'r safon galwedigaethol cenedlaethol hwn ar gyfer y peirianwyr nwy hynny sy'n gweithio ar gyfarpar domestig ac sy'n cynnal y broses o ganfod diffygion trydanol (mewn amrywiaeth o folteddau) mewn cyfarpar nwy domestig ac sy'n cynnwys yr amrywiaeth canlynol o gyfarpar: Ffyrnau, Peiriannau Sychu Dillad, Boeleri Gwres Canolog Gwlyb ac Unedau Gwres Canolog Aer Cynnes. Mae'r safon hwn yn cwmpasu'r gweithgarwch gwaith o gynllunio, canfod diffygion, unioni diffygion, datgomisiynu a chomisiynu'r cyfarpar hwnnw.
Meini prawf perfformiad
Mae'n rhaid eich bod chi'n gallu:
Cynllunio a pharatoi gweithgarwch gwaith ar gyfer canfod diffygion trydanol mewn cyfarpar nwy domestig
1. Llunio asesiad risg a datganiad dull sy'n ymgorffori'r darpariaethau diogelwch ar gyfer y safle gwaith, mynediad i'r safle gwaith, symud y gweithlu, aelodau o'r cyhoedd, symud a diogelu deunyddiau a chyfarpar yn ddiogel ar gyfer y gwaith
2. Arolygu'r safle gwaith, canfod unrhyw ddiffygion trydanol ymlaen llaw, am unrhyw ddifrod neu ddiffygion i'r nodweddion adeiladu sydd eisoes yn bodoli a'u cofnodi
3. Cynghori deiliad yr eiddo ar unrhyw ddiffygion a ganfyddir a chytuno ar y gwaith a gynllunir
4. Diogelu safle'r gwaith a ffabrig yr adeilad rhag achosi difrod posibl yn ystod y broses o ddatgomisiynu, canfod diffygion trydanol
ac ail-gomisiynu
5. Gwirio a chadarnhau bod yr holl ddeunyddiau, cyfarpar a'r cyfarpar ar gyfer y profion sydd eu hangen ar gyfer y broses o ddatgomisiynu, canfod diffygion trydanol a chomisiynu ar gael yn ôl yr angen a'u bod yn addas at y diben
6. Gwirio a chadarnhau bod lleoliad y cyfarpar yn cydymffurfio â gofynion safonau'r gwneuthurwr a'r diwydiant ar gyfer lleoliad a chliriadau
7. Cadarnhau bod y gwasanaethau a'r systemau yn bodloni gofynion safonau'r gwneuthurwr a'r diwydiant ar gyfer y gwaith gosod
8. Cynnal yr holl wiriadau a'r profion angenrheidiol er mwyn cadarnhau bod y cyflenwad nwy, cyflenwad trydan a'r system ddaearu yn bodloni gofynion y diwydiant ar gyfer y gwaith gosod
9. Gwirio'r gosodiadau sy'n bodoli am unrhyw gyfarpar ac elfennau o systemau nad ydynt yn ddiogel a defnyddio gweithdrefnau'r diwydiant nwy ar gyfer sefyllfaoedd peryglus fel y bo angen
Dadgomisiynu cyfarpar nwy domestig yn ôl safonau'r diwydiant a chyfarwyddiadau'r gwneuthurwr
10. Gwirio y bydd amodau o fewn y systemau nwy a thrydan yn sicrhau y gellir datgomisiynu'n ddiogel
11. Dethol a defnyddio'r cyfarpar cywir ar gyfer gweithgarwch datgomisiynu
12. Defnyddio dulliau, profion a gweithdrefnau dynodedig ar gyfer ynysu'n ddiogel er mwyn datgomisiynu systemau ac elfennau nwy a thrydan
13. Cymryd camau gweithredu rhagofalus er mwyn sicrhau nad yw cyfarpar, systemau nag elfennau sydd wedi'u datgomisiynu dros dro yn cyflwyno perygl diogelwch
14. Datgysylltu a symud cyfarpar, elfennau o'r system nwy a'r system drydanol oddi yno yn barhanol fel y bo angen
Canfod ac unioni diffygion trydanol mewn amrywiaeth o gyfarpar nwy domestig yn ôl safonau'r diwydiant a chyfarwyddiadau'r gwneuthurwr
15. Casglu tystiolaeth o'r canlynol; y cwsmer, deiliad yr eiddo drwy archwiliad gweledol a thrwy weithredu'r cyfarpar, yr elfen a'r system
16. Dadansoddi'r holl dystiolaeth er mwyn helpu gyda'r broses o ddarganfod diffygion
17. Canfod a lleoli diffygion trydanol mewn cyfarpar, elfennau a systemau gan ddefnyddio codau ymarfer cymeradwy yn y diwydiant, cyfarwyddiadau'r gwneuthurwr, diagramau gwifr a siartiau i ganfod diffygion
18. Cadarnhau diagnosis cywir o'r diffygion trydanol gan ddefnyddio cyfarpar profion trydanol a gweithdrefnau safonol y diwydiant
19. Unioni'r diffygion trydanol ar y cyfarpar, elfennau a systemau
20. Ail-gysylltu'r elfennau o'r system drydan i'r cyfarpar fel y bo angen
21. Defnyddio gweithdrefnau cynnal profion diogelwch trydanol o safonau'r diwydiant i gadarnhau uniondeb y systemau a'r cyfarpar trydanol a ail-gysylltwyd
22. Sicrhau bod systemau nwy sydd eisoes yn bodoli yn lân a heb unrhyw weddillion
23. Ail-gysylltu'r system nwy ac elfennau i'r cyfarpar fel y bo angen
24. Defnyddio gweithdrefnau profion tyndra a chlirio i gadarnhau uniondeb y system a'r cyfarpar nwy a ail-gysylltwyd
Ail-gomisiynu cyfarpar nwy domestig yn ôl safonau'r diwydiant a chyfarwyddiadau'r gwneuthurwr
25. Cadarnhau bod yr holl waith gosod ar gyfer y cyfarpar yn cydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a'r Safonau Adeiladu
26. Gwirio y bydd amodau o fewn y systemau nwy a thrydan yn sicrhau y gellir comisiynu'n ddiogel
27. Dethol a defnyddio'r cyfarpar cywir ar gyfer gweithgarwch ail-gomisiynu
28. Ail-gomisiynu'r cyfarpar nwy, y system nwy ac elfennau
29. Gwirio a chadarnhau bod pwyseddau gweithredu'r cyfarpar a'r gyfradd nwy yn cydymffurfio â safonau'r diwydiant a gofynion y gwneuthurwr
30. Gwirio'r perfformiad hylosgi'n weledol a dadansoddi nwyon ffliw fel y bo angen
31. Profi perfformiad simnai ac ailgadarnhau ei fod yn perfformio yn unol â gofynion safonau'r gwneuthurwr a'r diwydiant
32. Ailgadarnhau bod y gofynion awyru yn cydymffurfio â safonau'r diwydiant ar gyfer y gwaith gosod
33. Gwirio a chadarnhau gweithrediad yr elfennau, system a'r cyfarpar nwy a sicrhau eu bod yn gweithredu'n ddiogel ac yn unol â chyfarwyddiadau'r gwneuthurwr
34. Gwirio a chadarnhau bod system a'r cyfarpar trydanol yn gweithredu'n ddiogel ac yn unol â chyfarwyddiadau'r gwneuthurwr
35. Hyfforddi deiliad yr eiddo ar sut i weithredu'r system ailosod a'r elfennau yn gywir a darparu copi o lenyddiaeth ynglŷn â'r cyfarpar ar eu cyfer
36. Cymryd camau gweithdredu rhagofalus er mwyn atal y defnydd anawdurdodedig o gyfarpar nwy heb eu comisiynu, systemau nwy, systemau ac elfennau trydanol drwy weithdrefnau ynysu a'r defnydd o hysbysiadau rhybudd
Defnyddio a chyfathrebu data a gwybodaeth er mwyn cwblhau'r gwaith o ddatgomisiynu, canfod diffygion trydanol a chomisiynu
37. Ymgysylltu â deiliad yr eiddo a phobl eraill a gaiff eu heffeithio gan y gwaith yn ystod y prosesau cynllunio, datgomisiynu, gosod a chomisiynu i sicrhau'r aflonyddwch lleiaf ar y gwaith
38. Defnyddio dogfennau normadol, safonau'r diwydiant, Safonau Prydeinig a gwybodaeth o gyfarwyddiadau'r gwneuthurwr ar gyfer y cyfarpar i sicrhau y caiff y gwaith ei gwblhau yn unol â'r fanyleb
39. Cynghori ar unrhyw oedi i'r gwaith, sefyllfaoedd peryglus a chamau unioni gofynnol i'r rheini sydd angen y wybodaeth
40. Sicrhau bod y cwsmer yn fodlon â'r gwaith terfynol
41. Cwblhau cofnodion a dogfennaeth yn cadarnhau bod elfennau, systemau a chyfarpar nwy yn cael eu hail-gomisiynu'n ddiogel
42. Cwblhau cofnodion datgomisiynu cyfarpar a'r system nwy fel y bo angen a sicrhau y cânt eu storio'n ddiogel
Datrys problemau o fewn eich dyletswydd a'ch cymhwysedd eich hun a allai effeithio ar y broses o ddatgomisiynu, canfod diffygion trydanol a chomisiynu
43. Unioni problemau o fewn eich cyfrifoldeb a'ch cymhwysedd eich hun a rhoi gwybod am ddiffygion mewn gwasanaethau mewnbwn nwy a thrydan
44. Datrys problemau yn unol â gweithdrefnau cymeradwy yn yr achosion canlynol:
44.1. lle y mae gwiriadau a phrofion cyn ymgymryd â'r gwaith o gomisiynu yn datgelu diffygion mewn cyfarpar nwy, system nwy neu elfennau
44.2. lle nad yw elfennau, systemau nwy na chyfarpar a gaiff eu comisiynu yn bodloni'r gofynion dylunio
44.3. lle na ellir adfer cyfarpar nwy, y system nwy neu'r elfennau i'w perfformiad llawn
Gwybodaeth a Dealltwriaeth
You need to know and understand:
Gwybodaeth Gyffredinol
1. Rheoliadau a chanllawiau sy'n llywodraethu iechyd a diogelwch yn y gweithle, diogelwch amgylcheddol a'r defnydd o asesiadau risg
2. Deddfwriaeth sy'n cwmpasu dyletswyddau cyffredinol y gweithredwr ar gyfer eu diogelwch eu hunain a diogelwch eraill
3. Cyfyngiadau eich ymreolaeth a'ch dyletswydd eich hun
Datgomisiynu, canfod diffygion trydanol a chomisiynu ar gyfer cyfarpar nwy domestig
4. Y ffactorau iechyd, diogelwch ac amgylcheddol sydd angen eu hymgorffori i'r asesiad risg ar gyfer canfod diffygion trydanol mewn cyfarpar nwy domestig
5. Mynediad diogel a gweithio gydag uchderau gan gynnwys darparu mynediad diogel i weithio gydag uchderau, neu mewn mannau cyfyngedig
6. Y dulliau o weithio sy'n diogelu addurniad adeiladau, eiddo cwsmeriaid a'r systemau a'r elfennau sydd eisoes yn bodoli
7. Gofynion gofalu a chynnal a chadw cyfarpar, a gwiriadau ar gyfer cyflwr diogel
8. Y cyfarpar, deunyddiau a'r elfennau sydd eu hangen ar gyfer datgomisiynu, canfod diffygion trydanol a chomisiynu cyfarpar domestig – gweithdrefnau archebu, cyflenwi, cynghori, gwirio a chynnal
9. Sut i storio cyfarpar, deunyddiau ac elfennau'n ddiogel er mwyn lleihau colled neu wastraff
10. Y peryglon posibl a allai godi o'r holl weithgarwch o ddatgomisiynu, canfod diffygion trydanol ac ail-gomisiynu a'r gwiriadau i'w cwblhau cyn i'r gwaith gychwyn
11. Y camau i'w cymryd os na fydd deunyddiau, elfennau a chyfarpar ar gael ar y safle i alluogi'r gweithgarwch datgomisiynu, canfod diffygion trydanol ac ail-gomisiynu
12. Sut i gael mynediad at y wybodaeth ofynnol a'i dehongli'n gywir, gan gynnwys dogfennau normadol, dogfennau canllawiau safonau'r diwydiant, Safonau Prydeinig a chyfarwyddiadau'r gwneuthurwr sy'n gymwys i'r cyfarpar, i sicrhau y caiff y gwaith ei gwblhau i gydymffurfio â safonau'r fanyleb a'r diwydiant
13. Sut i gadarnhau bod y gwaith o osod yr elfennau, cyfarpar, gwasanaethau a'r systemau nwy yn cydymffurfio â manyleb y gwneuthurwr a safonau'r diwydiant.
14. Dulliau, profion a gweithdrefnau ynysu diogel i ddatgomisiynu systemau neu elfennau nwy a thrydan
15. Y gweithdrefnau ar gyfer datgomisiynu cyfarpar a systemau dros dro neu'n barhaol gan gynnwys defnyddio bondiau parhad dros dro
16. Y rhagofalon i sicrhau nad yw cyfarpar neu systemau sydd wedi'u datgomisiynu yn achosi perygl diogelwch
17. Y mesurau i atal cyfarpar neu systemau sydd wedi'u datgomisiynu rhag cael eu defnyddio mewn gweithrediadau drwy hysbysiadau diogelwch a rhybudd
18. Yr angen i ymgysylltu ag eraill lle y gellir effeithio ar eu gweithdrefnau a'u harferion drwy wahardd gweithrediad y cyfarpar nwy a'r system nwy
19. Y camau yn ystod y broses o ddatgomisiynu, canfod diffygion trydanol ac ail-gomisiynu lle y bydd angen cydweithio ac ymgysylltu â masnachau a deiliaid eiddo eraill o bosibl
20. Sut i gynnal y broses o ganfod diffygion trydanol. Y gofynion lleoli ac atgyweirio ar gyfer elfennau o'r system nwy er mwyn sicrhau eu bod yn cydymffurfio â dyluniad y system a'r diben bwriadedig
21. Y gweithdrefnau a'r dulliau gwaith er mwyn:
21.1. ail-gysylltu â gwasanaethau mewnbwn nwy a thrydan
21.2. cysylltu cyfarpar nwy ac elfennau i systemau nwy, dŵr, trydan, awyru a simneiau newydd a systemau sydd eisoes yn bodoli
22. Y broses a'r gweithdrefnau, y cyfarpar a'r gofynion deddfwriaethol ar gyfer cynnal profion tyndra, clirio a thrydanol ar gyfer cyfarpar, systemau nwy ac elfennau er mwyn sicrhau eu bod yn gweithio'n ddiogel
23. Yr arferion a'r dilyniannau ar gyfer ail-gomisiynu cyfarpar nwy, systemau nwy a systemau trydanol yn unol â manyleb y gwneuthurwr a safonau'r diwydiant
24. Y gweithdrefnau ar gyfer gwirio bod cyfarpar nwy domestig, systemau nwy ac elfennau'n gweithredu ac yn perfformio'n gywir
a'u gwirio yn erbyn y fanyleb dylunio
25. Y gweithdrefnau ar gyfer gwirio bod cyfarpar nwy domestig, systemau nwy ac elfennau'n gweithredu ac yn perfformio'n gywir a sicrhau eu bod yn gweithredu'n ddiogel
26. Y gweithdrefnau er mwyn gwirio a chadarnhau'r canlynol:
26.1. pwyseddau gweithredu'r system nwy
26.2. pwyseddau gweithredu'r cyfarpar a'r gyfradd nwy
27. Y profion, gwiriadau a'r defnydd o ddadansoddwyr nwyon ffliw sy'n cadarnhau addasrwydd y perfformiad hylosgi nwy fel y bo angen
28. Y profion a'r gwiriadau i gadarnhau uniondeb, addasrwydd a pherfformiad y systemau
29. Sut i gwblhau'r holl ddogfennaeth a chofnodion er mwyn eu gadael gyda deiliad yr eiddo ar gyfer ail-gomisiynu cyfarpar a systemau. Y mesurau i atal systemau nwy sydd heb eu comisiynu rhag cael eu defnyddio mewn gweithrediadau drwy hysbysiadau diogelwch a rhybudd
30. Gweithdrefnau trosglwyddo'r system ac arddangos gweithrediad systemau ac elfennau ailosod i ddefnyddwyr terfynol
31. Y camau i'w cymryd pan fydd problemau'n codi yn y gweithgarwch gwaith
32. Strwythurau rheoli gwaith a dulliau adrodd am gynnydd gwaith a'i gofnodi neu broblemau sy'n oedi cynnydd
33. Sut i gasglu a gwaredu cynnwys systemau a allai fod yn beryglus i iechyd neu'r amgylcheddau yn ddiogel
34. Sut i ynysu cyfarpar nwy, systemau nwy ac elfennau nad ydynt yn ddiogel ynghyd â defnyddio gweithdrefnau sefyllfaoedd peryglus y diwydiant nwy
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Mae "Cyfarpar Hamdden" yn cyfeirio at Wresogyddion Tai Gwydr, Barbeciwiau, Gwresogyddion Patio, Cyfarpar 'Flambeaux' Nwy a Goleuadau Nwy Awyr Agored
Mae “Ffyrnau” yn cyfeirio at Ffyrnau Rhydd-Sefyll, Gosodedig, Trydan, Griliau, Ffyrnau Estynedig, Tanwydd Deuol a Ffyrnau sy'n Llithro
Mae "Gwresogyddion Gwres Canolog Gwlyb" yn cyfeirio at Foeleri Gwres Canolog Gwlyb Sylfaenol, Cyddwyso a Chyfunol Gall y rhain gynnwys Simneiau Agored, Simneiau Wedi'u Selio mewn Ystafelloedd a Simneiau wedi'u Drafftio â Ffan.
Mae "Unedau Gwres Canolog Aer Cynnes" yn cyfeirio at Unedau Aer Cynnes Sylfaenol ac Unedau Aer Cynnes Cyfunol – maent yn ymgorffori Gwresogydd Dŵr ar ffurf Cylchredwr sy'n Storio Nwy. Mae'n bosibl y cânt eu cyflunio fel Llif Isel, Uchel a Llorweddol a Gosodiad sy'n Slotio ac yn cynnwys Simneiau Agored, Simneiau Wedi'u Selio mewn Ystafelloedd a Simneiau wedi'u Drafftio â Ffan.
Mae "Cyfarpar Nwy Domestig" yn cyfeirio at Ffyrnau, Peiriannau Sychu Dillad,
Boeleri Gwres Canolog Gwlyb ac Unedau Gwres Canolog Aer Cynnes.
Mae "Safle Gwaith" yn cyfeirio at yr ardal lle caiff y gwaith ei gyflawni a'r holl ardaloedd y bydd y gwaith yn effeithio arnynt.
Mae "Gwasanaethau a Systemau" yn cyfeirio at ddŵr, gwres canolog, nwy, cyflenwad trydan, gwaredu cyddwyso, simneiau a systemau awyru
Dolenni I NOS Eraill
Cysylltiadau Allanol
Fersiwn rhif
Dyddiad Adolygu Dangosol
01 Rhag 2021
Dilysrwydd
Ar hyn o bryd
Statws
Gwreiddiol
Sefydliad Cychwynnol
Energy & Utility Skills
URN gwreiddiol
Energy & Utility Skills
Galwedigaethau Perthnasol
Peirianegol, Gwyddoniaeth a Thechnegwyr Peirianegol
Cod SOC
5314
Geiriau Allweddol
trydanol, trydan, diffyg, canfod diffygion, domestig, nwy, cyfleustod, cyfleustodau