Yn ol

Cynnal a chadw cyfarpar gwresogi gwagleoedd domestig â nwy

URN: EUSDSG3.8

Sectorau Busnes (Suites): Defnyddio nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn yn gymwys i beirianwyr nwy sydd angen cynnal a chadw cyfarpar gwresogi gwagleoedd domestig â nwy oddi ynno gan gynnwys Tanau a Gwresogyddion Wal. Mae'r safon hwn yn cwmpasu'r gweithgarwch gwaith o gynllunio, cynnal a chadw, datgomisiynu a chomisiynu'r cyfarpar hwnnw.

Meini prawf perfformiad

Mae'n rhaid eich bod chi'n gallu:

Cynllunio a pharatoi gweithgarwch gwaith ar gyfer cynnal a chadw tanau nwy domestig a gwresogyddion wal

1. Llunio asesiad risg a datganiad dull sy'n ymgorffori'r darpariaethau diogelwch ar gyfer y safle gwaith, mynediad i'r safle gwaith, symud y gweithlu, aelodau o'r cyhoedd, symud a diogelu deunyddiau a chyfarpar yn ddiogel ar gyfer y gwaith

2. Arolygu'r safle gwaith am unrhyw ddifrod neu ddiffygion cyn ymgymryd â'r gwaith cynnal a chadw i'r nodweddion adeiladu sydd eisoes yn bodoli a'u cofnodi

3. Cynghori deiliad yr eiddo ar unrhyw ddiffygion a ganfyddir a chytuno ar y gwaith a gynllunir

4. Diogelu safle'r gwaith a ffabrig yr adeilad rhag achosi difrod posibl yn ystod y broses o ddatgomisiynu a chynnal a chadw

5. Gwirio a chadarnhau bod yr holl ddeunyddiau a chyfarpar sydd eu hangen ar gyfer y broses o ddatgomisiynu, cynnal a chadw a chomisiynu ar gael yn ôl yr angen a'u bod yn addas at y diben

6. Gwirio a chadarnhau bod lleoliad y cyfarpar yn cydymffurfio bodlonio gofynion safonau'r gwneuthurwr a'r diwydiant ar gyfer lleoliad a chliriadau

7. Cadarnhau bod y cyflenwad nwy, cyflenwad trydanol, addasrwydd y simneiau a'r ddarpariaeth o system awyru yn bodloni gofynion safonau gwneuthurwr a diwydiant y cyfarpar ar gyfer y gwaith gosod

8. Cynnal yr holl wiriadau a'r profion angenrheidiol er mwyn cadarnhau bod y cyflenwad nwy, cyflenwad trydan a'r system simneiau yn bodloni gofynion y gwneuthurwr a'r diwydiant ar gyfer y gwaith gosod

9. Gwirio'r gosodiadau sy'n bodoli am unrhyw gyfarpar ac elfennau o systemau nad ydynt yn ddiogel a defnyddio gweithdrefnau'r diwydiant nwy ar gyfer sefyllfaoedd peryglus fel y bo angen

Datgomisiynu tanau nwy domestig a gwresogyddion wal yn ôl safonau'r diwydiant

10. Gwirio y bydd amodau o fewn y systemau nwy a thrydan yn sicrhau y gellir datgomisiynu'n ddiogel

11. Dethol a defnyddio'r cyfarpar cywir ar gyfer gweithgarwch datgomisiynu

12. Defnyddio dulliau, profion a gweithdrefnau dynodedig ar gyfer ynysu'n ddiogel er mwyn datgomisiynu systemau ac elfennau nwy a thrydan

13. Cymryd camau gweithredu rhagofalus er mwyn sicrhau nad yw cyfarpar, systemau nag elfennau sydd wedi'u datgomisiynu dros dro yn cyflwyno perygl diogelwch

14. Datgysylltu a symud cyfarpar, elfennau o'r system nwy a'r system drydanol oddi yno yn barhanol fel y bo angen

Cynnal a chadw tanau nwy domestig a gwresogyddion wal yn ôl safonau'r diwydiant

15. Cynnal gwaith paratoi er mwyn bodloni'r gofynion cynnal a chadw a gaiff eu hamlinellu yn y cynllun

16. Symud elfennau o systemau nwy a thrydan sydd eisoes yn bodoli yn ôl gofyn y gweithgarwch cynnal a chadw

17. Cyflawni'r broses cynnal a chadw yn unol â manyleb y gwneuthurwr a safonau'r diwydiant

18. Cyflawni'r broses cynnal a chadw er mwyn lleihau'r difrod i eiddo'r cwsmer a nodweddion adeiladu

19. Dethol a defnyddio'r cyfarpar cywir ar gyfer gweithgarwch y gwaith cynnal a chadw

20. Ail-leoli'r cyfarpar a chadarnhau eu bod yn cydymffurfio â'r lleoliad a'r cliriad sydd eu hangen yn ôl gofyn safonau'r gwneuthurwr a'r diwydiant

21. Cadarnhau system awyru bresennol y cyfarpar a bod y system yn bodloni gofynion y diwydiant er mwyn cynnal y gwaith gosod

22. Sicrhau bod systemau nwy sydd eisoes yn bodoli yn lân a heb unrhyw weddillion

23. Ailgysylltu elfennau o systemau nwy a thrydan i'r cyfarpar

24. Defnyddio gweithdrefnau profion tyndra a chlirio i gadarnhau uniondeb y system a'r cyfarpar nwy a ail-gysylltwyd

25. Defnyddio gweithdrefnau profion trydanol i gadarnhau uniondeb y system a'r cyfarpar trydan a ail-gysylltwyd

26. Defnyddio gweithdrefnau gwirio a phrofi safonol i gadarnhau uniondeb y system simneiau bresennol a seliau ffliw y cyfarpar

Comisiynu a chomisiynu tanau nwy domestig a gwresogyddion wal ymlaen llaw yn ôl safonau'r diwydiant

27. Cadarnhau bod yr holl waith gosod ar gyfer y cyfarpar yn cydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a'r Safonau Adeiladu

28. Gwirio y bydd amodau o fewn y systemau nwy a thrydan yn sicrhau y gellir comisiynu'n ddiogel

29. Dethol a defnyddio'r cyfarpar cywir ar gyfer gweithgarwch comisiynu

30. Gwirio a chadarnhau'r canlynol:

30.1. bod pwyseddau gweithredu'r system nwy yn cydymffurfio â safonau'r diwydiant

30.2. bod pwysedd gweithredu a chyfradd nwy y cyfarpar yn cydymffurfio â safonau'r diwydiant a gofynion y gwneuthurwr

31. Gwirio'r perfformiad hylosgi'n weledol a dadansoddi nwyon ffliw fel y bo angen

32. Profi perfformiad simnai ac ail-gadarnhau ei fod yn perfformio yn unol â gofynion safonau'r gwneuthurwr a'r diwydiant

33. Ailgadarnhau bod y gofynion awyru yn cydymffurfio â safonau'r diwydiant ar gyfer y gwaith gosod

34. Gwirio a chadarnhau gweithrediad yr elfennau, system a'r cyfarpar nwy a sicrhau eu bod yn gweithredu'n ddiogel ac yn unol â chyfarwyddiadau'r gwneuthurwr

35. Gwirio a chadarnhau bod system a'r cyfarpar trydanol yn gweithredu'n ddiogel ac yn unol â chyfarwyddiadau'r gwneuthurwr

36. Hyfforddi deiliad yr eiddo ar sut i wetihredu'r cyfarpar a'r system nwy yn gywir a darparu copi o lenyddiaeth cyfarpar ar eu cyfer

37. Cymryd camau gweithdredu rhagofalus er mwyn atal y defnydd anawdurdodedig o gyfarpar nwy heb eu comisiynu, systemau nwy, systemau ac elfennau trydanol drwy weithdrefnau ynysu a'r defnydd o hysbysiadau rhybudd

Defnyddio a chyfathrebu data a gwybodaeth er mwyn cwblhau'r gwaith o ddatgomisiynu, cynnal a chadw a chomisiynu

38. Ymgysylltu â deiliad yr eiddo a phobl eraill a gaiff eu heffeithio gan y gwaith yn ystod y prosesau cynllunio, datgomisiynu, gosod a chomisiynu i sicrhau'r aflonyddwch lleiaf ar y gwaith

39. Defnyddio dogfennau normadol, safonau'r diwydiant, Safonau Prydeinig a gwybodaeth o gyfarwyddiadau'r gwneuthurwr ar gyfer y cyfarpar i sicrhau y caiff y gwaith ei gwblhau yn unol â'r fanyleb

40. Cynghori ar unrhyw oedi i'r gwaith, sefyllfaoedd peryglus a chamau unioni gofynnol i'r rheini sydd angen y wybodaeth

41. Sicrhau bod y cwsmer yn fodlon â'r gwaith terfynol

42. Cwblhau cofnodion a dogfennaeth yn cadarnhau bod elfennau, systemau a chyfarpar nwy yn cael eu cynnal a chadw'n ddiogel

43. Cwblhau cofnodion comisiynu a datgomisiynu cyfarpar a'r system nwy fel y bo angen a sicrhau y cânt eu storio'n ddiogel

Datrys problemau o fewn eich dyletswydd a'ch cymhwysedd eich hun a allai effeithio ar y broses o ddatgomisiynu, cynnal a chadw a chomisiynu

44. Unioni problemau o fewn eich cyfrifoldeb a'ch cymhwysedd eich hun a rhoi gwybod am ddiffygion mewn gwasanaethau mewnbwn nwy a thrydan

45. Datrys problemau yn unol â gweithdrefnau cymeradwy yn yr achosion canlynol:

45.1. lle y mae gwiriadau a phrofion cyn ymgymryd â'r gwaith cynnal a chadw yn datgelu diffygion mewn cyfarpar nwy, system nwy neu elfennau

45.2. lle nad yw cyfarpar nwy, systemau nwy ac elfennau a gaiff eu comisiynu yn bodloni'r gofynion dylunio

45.3. lle na ellir adfer cyfarpar nwy, y system nwy neu'r elfennau i'w perfformiad llawn

Gwybodaeth a Dealltwriaeth

You need to know and understand:

Gwybodaeth Gyffredinol

1. Rheoliadau a chanllawiau sy'n llywodraethu iechyd a diogelwch yn y gweithle, diogelwch amgylcheddol a'r defnydd o asesiadau risg

2. Deddfwriaeth sy'n cwmpasu dyletswyddau cyffredinol y gweithredwr ar gyfer eu diogelwch eu hunain a diogelwch eraill

3. Cyfyngiadau eich ymreolaeth a'ch dyletswydd eich hun

Dadgomisiynu, cynnal a chadw a chomisiynu cyfarpar gwresogi gwagleoedd domestig â nwy

4. Y ffactorau iechyd, diogelwch ac amgylcheddol sydd angen eu hymgorffori i'r asesiad risg ar gyfer y broses cynnal a chadw domestig

5. Mynediad diogel a gweithio gydag uchderau

6. Y cyfarpar sydd eu hangen er mwyn sicrhau mynediad diogel i weithio gydag uchder, neu mewn mannau cyfyngedig

7. Y dulliau o weithio sy'n diogelu addurniad adeiladau, eiddo cwsmeriaid a'r systemau a'r elfennau sydd eisoes yn bodoli

8. Gofynion gofalu a chynnal a chadw cyfarpar, a gwiriadau ar gyfer cyflwr diogel

9. Y cyfarpar, deunyddiau a'r elfennau sydd eu hangen ar gyfer y cyfarpar nwy a datgomisiynu, cynnal a chadw a chomisiynu'r system nwy – gweithdrefnau archebu, cyflenwi, cynghori, gwirio a chynnal

10. Sut i storio cyfarpar, deunyddiau ac elfennau'n ddiogel er mwyn lleihau colled neu wastraff

11. Y peryglon posibl a allai godi o'r holl weithgarwch o ddatgomisiynu, cynnal a chadw a chomisiynu a'r gwiriadau i'w cwblhau cyn i'r gwaith gychwyn

12. Y camau i'w cymryd os na fydd deunyddiau, elfennau a chyfarpar ar gael ar y safle i alluogi'r gweithgarwch datgomisiynu, cynnal a chadw a chomisiynu

13. Sut i gael mynediad at y wybodaeth ofynnol a'i dehongli'n gywir, gan gynnwys dogfennau normadol, dogfennau canllawiau safonau'r diwydiant, Safonau Prydeinig a chyfarwyddiadau'r gwneuthurwr sy'n gymwys i'r cyfarpar, i sicrhau y caiff y gwaith ei gwblhau i gydymffurfio â safonau'r fanyleb a'r diwydiant

14. Sut i gadarnhau bod gofynion y gwasanaethau a'r system yn ddigonol ar gyfer cyfarpar, systemau neu elfennau nwy sydd eisoes yn bodoli

15. Defnyddio dulliau, profion a gweithdrefnau ynysu diogel er mwyn datgomisiynu systemau ac elfennau nwy a thrydan

16. Y gweithdrefnau ar gyfer datgomisiynu cyfarpar a systemau dros dro neu'n barhaol gan gynnwys defnyddio bondiau parhad dros dro

17. Y rhagofalon i sicrhau nad yw cyfarpar neu systemau sydd wedi'u datgomisiynu yn achosi perygl diogelwch

18. Y mesurau i atal cyfarpar neu systemau sydd wedi'u datgomisiynu rhag cael eu defnyddio mewn gweithrediadau drwy hysbysiadau diogelwch a rhybudd

19. Yr angen i ymgysylltu ag eraill lle y gellir effeithio ar eu gweithdrefnau a'u harferion drwy wahardd gweithrediad y cyfarpar nwy a'r system nwy

20. Y camau yn ystod y broses o ddatgomisiynu, cynnal a chadw ac ail-gomisiynu lle y bydd angen cydweithio ac ymgysylltu â masnachau a deiliaid eiddo eraill o bosibl

21. Arferion y diwydiant a safonau gwaith ar gyfer cynhyrchu a gosod tanau nwy domestig, gwresogyddion wal, systemau nwy ac elfennau i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

22. Y gofynion lleoli ac atgyweirio ar gyfer tanau nwy domestig, gwresogyddion wal, systemau nwy ac elfennau i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

23. Y gweithdrefnau a'r dulliau gwaith ar gyfer cysylltu:

23.1. er mwyn mewnosod gwasanaethau gan gynnwys; systemau nwy, trydanol, awyru a simneiau

23.2. tanau nwy domestig, gwresogyddion wal ac elfennau ar gyfer systemau nwy, trydanol, awyru a simneiau newydd a systemau sydd eisoes yn bodoli

24. Y broses a'r gweithdrefnau, y cyfarpar a'r gofynion deddfwriaethol ar gyfer cynnal profion tyndra, clirio a thrydanol ar gyfer cyfarpar, systemau ac elfennau er mwyn sicrhau eu bod yn gweithio'n ddiogel

25. Yr arferion a'r dilyniannau ar gyfer:

25.1. y broses o gynnal a chadw tanau nwy domestig, gwresogyddion wal, systemau nwy ac elfennau yn unol â manyleb y gwneuthurwr a safonau'r diwydiant

25.2. ail-gomisiynu tanau nwy domestig, gwresogyddion wal, systemau nwy ac elfennau yn unol â manyleb y gwneuthurwr a safonau'r diwydiant

26. Y gweithdrefnau er mwyn gwirio'r canlynol:

26.1. bod tanau nwy domestig, gwresogyddion wal, systemau nwy ac elfennau yn gweithredu ac yn perfformio'n gywir a'u gwirio yn erbyn y fanyleb dylunio

26.2. bod tanau nwy domestig, gwresogyddion wal, systemau nwy ac elfennau'n gweithredu ac yn perfformio'n gywir a sicrhau eu bod yn gweithredu'n ddiogel

26.3. a chadarnhau pwyseddau gweithredu'r system nwy

26.4. cadarnhau pwyseddau gweithredu'r cyfarpar a'r gyfradd nwy

27. Y profion, gwiriadau a'r defnydd o ddadansoddwyr nwyon ffliw sy'n cadarnhau addasrwydd y perfformiad hylosgi nwy

28. Y profion a'r gwiriadau i gadarnhau uniondeb, addasrwydd a pherfformiad y systemau

29. Sut i gwblhau'r holl ddogfennaeth a chofnodion cynnal a chadw er mwyn eu gadael gyda'r eiddo Y mesurau i atal cyfarpar a systemau nwy sydd heb eu comisiynu rhag cael eu defnyddio mewn gweithrediadau drwy hysbysiadau diogelwch a rhybudd

30. Gweithdrefnau trosglwyddo'r system ac arddangos gweithrediad disodli tanau nwy domestig, gwresogyddion wal, systemau nwy ac elfennau i ddefnyddwyr terfynol

31. Y camau i'w cymryd pan fydd problemau'n codi yn y gweithgarwch gwaith

32. Strwythurau rheoli gwaith a dulliau adrodd am gynnydd gwaith a'i gofnodi neu broblemau sy'n oedi cynnydd

33. Sut i gasglu a gwaredu cynnwys systemau a allai fod yn beryglus i iechyd neu'r amgylchedd yn ddiogel

34. Sut i ynysu cyfarpar nwy, systemau nwy ac elfennau nad ydynt yn ddiogel ynghyd â defnyddio gweithdrefnau sefyllfaoedd peryglus y diwydiant nwy

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Mae “Ffyrnau” yn cyfeirio at Ffyrnau Rhydd-Sefyll, Gosodedig, Platiau Poeth, Griliau, Ffyrnau Mawr, Tanwydd Deuol.

Mae "Cyfarpar Hamdden" yn cyfeirio at Wresogyddion Tai Gwydr, Barbeciwiau, Gwresogyddion Patio, Cyfarpar 'Flambeaux' Nwy a Goleuadau Nwy Awyr Agored

Mae "Tanau" yn cyfeirio at Danau Nwy Cychwynnol, ILFEs, DFEs,

Heb Ffliw, Tanau Ffliw Uniongyrchol, Stofiau Gwresogi a Thanau Nwy Cyddwyso. Bydd y rhain yn cynnwys Simneiau Agored, Simneiau Wedi'u Selio mewn Ystafelloedd a Simneiau wedi'u Drafftio â Ffan

Mae "Gwresogyddion Wal" yn cyfeirio at Wresogyddion Darfudol Heb Ffliw a Gwresogyddion Wedi'u Selio mewn Ystafelloedd.

Mae "Safle Gwaith" yn cyfeirio at yr ardal lle caiff y gwaith ei

gyflawni a'r holl ardaloedd y bydd y gwaith yn effeithio arnynt.

Mae "Gwasanaethau a Systemau" yn cyfeirio at ddŵr, gwres canolog, nwy, cyflenwad trydan, gwaredu cyddwyso, simneiau a systemau awyru

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

01 Rhag 2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

DSG 3.8

Galwedigaethau Perthnasol

Peirianegol, Gwyddoniaeth a Thechnegwyr Peirianegol

Cod SOC

5314

Geiriau Allweddol

gosod, gosodiad, domestif, nwy, gwagle, gwresogi gwagle, cyfarpar gwresogi, cyfleustod, cyfleustodau