Yn ol

Profi tyndra a chliriad uniongyrchol nwy

URN: EUSDSG3.6

Sectorau Busnes (Suites): Defnyddio nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn ar gyfer peirianwyr nwy a fydd yn cynnal y profion tyndra a chliriad uniongyrchol ar gyfer gosodiadau nwy naturiol (domestig) bach. Mae'r safon hwn hefyd yn cwmpasu'r gweithgarwch gwaith o gynllunio, datgomisiynu a chomisiynu gosodiadau nwy.

Meini prawf perfformiad

Mae'n rhaid eich bod chi'n gallu:

Cynllunio a pharatoi gweithgarwch gwaith ar gyfer profion tyndra a chlirio uniongyrchol

1. Llunio asesiad risg a datganiad dull sy'n ymgorffori'r darpariaethau diogelwch ar gyfer y safle gwaith, mynediad i'r safle gwaith, symud y gweithlu, aelodau o'r cyhoedd, symud a diogelu deunyddiau a chyfarpar yn ddiogel ar gyfer y gwaith

2. Arolygu'r safle gwaith, cynnal profion tyndra a chlirio uniongyrchol, am unrhyw ddifrod neu ddiffygion i'r nodweddion adeiladu sydd eisoes yn bodoli a'u cofnodi

3. Cynghori deiliad yr eiddo ar unrhyw ddiffygion a ganfyddir a chytuno ar y gwaith a gynllunir

4. Diogelu safle'r gwaith a ffabrig yr adeilad rhag achosi difrod posibl yn ystod y broses o gynnal profion tyndra a chlirio uniongyrchol

5. Cadarnhau bod lleoliad y cyflenwad nwy a'r ddarpariaeth o system awyru yn bodloni'r gofynion ar gyfer cynnal profion tyndra a chlirio uniongyrchol

6. Gwirio a chadarnhau bod yr holl ddeunyddiau, cyfarpar a'r cyfarpar ar gyfer profion ar gyfer y broses o ddatgomisiynu, cynnal profion tyndra a chlirio uniongyrchol ar gael yn ôl yr angen a'u bod yn addas at y diben

7. Cadarnhau bod y cyflenwad nwy, cyflenwad daearu a'r ddarpariaeth o system awyru yn bodloni gofynion safonau'r diwydiant ar gyfer y gwaith gosod

8. Cynnal yr holl wiriadau a'r profion angenrheidiol er mwyn cadarnhau bod y cyflenwad nwy yn bodloni gofynion y diwydiant ar gyfer y gwaith gosod

9. Gwirio'r gosodiadau sy'n bodoli am unrhyw gyfarpar ac elfennau o systemau nad ydynt yn ddiogel a defnyddio gweithdrefnau'r diwydiant nwy ar gyfer sefyllfaoedd peryglus fel y bo angen

Profion tyndra a chlirio uniongyrchol ar gyfer elfennau a systemau nwy yn ôl safonau'r diwydiant a chyfarwyddiadau'r gwneuthurwr

10. Cadarnhau bod yr holl waith gosod ar gyfer y pibellau yn cydymffurfio â manyleb y gwneuthurwr a safonau'r diwydiant

11. Cynnal yr holl waith paratoi ar gyfer y profion tyndra a chlirio uniongyrchol er mwyn cydymffurfio â safonau'r diwydiant

12. Gwirio y bydd amodau o fewn system nwy yn sicrhau y gellir cynnal profion tyndra a chlirio uniongyrchol yn ddiogel

13. Dethol a defnyddio'r cyfarpar cywir ar gyfer cynnal profion tyndra a chlirio uniongyrchol

14. Mesur, cyfrifo a chofnodi cyfaint gosodiadau'r system nwy ar gyfer profion tyndra a chlirio uniongyrchol

15. Sicrhau bod y system awyru ar gyfer y profion tyndra a chlirio uniongyrchol yn bodloni gofynion safonau'r diwydiant

16. Symud elfennau nwy sydd eisoes yn bodoli oddi yno yn ôl y gofyn

17. Sicrhau bod systemau nwy sydd eisoes yn bodoli yn lân a heb unrhyw weddillion

18. Cynnal y profion tyndra a chlirio uniongyrchol er mwyn lleihau'r difrod i eiddo'r cwsmer a nodweddion adeiladu

19. Defnyddio gweithdrefnau profion tyndra i gadarnhau uniondeb y system yn ôl safonau'r diwydiant

20. Dilyn gweithdrefnau cymeradwy os bydd y gosodiad yn methu'r prawf tyndra

21. Defnyddio gweithdrefnau clirio er mwyn cadarnhau cyflenwad diogel o nwy i'r system a'r cyfarpar nwy a osodwyd

22. Hyfforddi deiliad yr eiddo ar sut i wetihredu'r system nwy, falfiau a'r elfennau yn gywir a darparu copi o unrhyw lenyddiaeth ar eu cyfer

23. Cymryd camau gweithdredu rhagofalus er mwyn atal y defnydd anawdurdodedig o gyfarpar nwy heb eu comisiynu, systemau ac elfennau nwy drwy weithdrefnau ynysu a'r defnydd o hysbysiadau rhybudd

Defnyddio a chyfathrebu data a gwybodaeth er mwyn cwblhau'r gwaith o ddatgomisiynu, cynnal profion tyndra a chlirio uniongyrchol i safonau'r diwydiant

24. Ymgysylltu â deiliad yr eiddo a phobl eraill a gaiff eu heffeithio gan y gwaith yn ystod y prosesau cynllunio, datgomisiynu a phrosesau profi tyndra a chlirio uniongyrchol i sicrhau'r aflonyddwch lleiaf ar y gwaith

25. Defnyddio dogfennau normadol, safonau'r diwydiant, Safonau Prydeinig a gwybodaeth o gyfarwyddiadau cymwys gwneuthurwr ar gyfer system nwy a'r cyfarpar i sicrhau y caiff y gwaith ei gwblhau yn unol â'r fanyleb

26. Cynghori ar unrhyw oedi i'r gwaith, sefyllfaoedd peryglus a chamau unioni gofynnol i'r rheini sydd angen y wybodaeth

27. Sicrhau bod y cwsmer yn fodlon â'r gwaith terfynol

28. Cwblhau cofnodion a dogfennaeth yn cadarnhau y caiff profion tyndra a chlirio uniongyrchol eu cynnal yn ddiogel ar gyfer systemau ac elfennau nwy

29. Cwblhau cofnodion datgomisiynu'r system nwy

Datrys problemau o fewn eich dyletswydd a'ch cymhwysedd eich hun a allai effeithio ar y broses o ddatgomisiynu, cynnal profion tyndra a chlirio uniongyrchol

30. Unioni problemau o fewn eich cyfrifoldeb a'ch cymhwysedd eich hun a rhoi gwybod am ddiffygion mewn gwasanaethau mewnbwn nwy a daearu

31. Datrys problemau yn unol â gweithdrefnau cymeradwy yn yr achosion canlynol:

31.1 lle y bydd gwiriadau a phrofion cyn ymgymryd â phrofion tyndra a chlirio uniongyrchol yn datgelu diffygion mewn systemau neu elfennau nwy

31.2 lle nad yw systemau ac elfennau nwy a gaiff eu profi am dyndra a chliriad yn bodloni'r gofyniad dylunio

31.3 lle na ellir adfer yr elfennau na'r system nwy i'w perfformiad llawn

Gwybodaeth a Dealltwriaeth

You need to know and understand:

Gwybodaeth Gyffredinol

1. Rheoliadau a chanllawiau sy'n llywodraethu iechyd a diogelwch yn y gweithle, diogelwch amgylcheddol a'r defnydd o asesiadau risg

2. Deddfwriaeth sy'n cwmpasu dyletswyddau cyffredinol y gweithredwr ar gyfer eu diogelwch eu hunain a diogelwch eraill

3. Cyfyngiadau eich ymreolaeth a'ch dyletswydd eich hun

Profion tyndra a chlirio uniongyrchol

4. Y ffactorau iechyd, diogelwch ac amgylcheddol sydd angen eu hymgorffori i'r asesiad risg ar gyfer y prosesau o gynnal profion tyndra a chlirio uniongyrchol

5. Mynediad diogel a gweithio gydag uchderau gan gynnwys darparu mynediad diogel i weithio gydag uchderau, neu mewn mannau cyfyngedig

6. Y dulliau o weithio sy'n diogelu addurniad adeiladau, eiddo cwsmeriaid a'r systemau a'r elfennau sydd eisoes yn bodoli

7. Y cyfarpar, deunyddiau ac elfennau sydd eu hangen ar gyfer cynnal profion tyndra a chlirio uniongyrchol

8. Gofynion gofalu a chynnal a chadw cyfarpar, a gwiriadau ar gyfer cyflwr diogel

9. Sut i storio cyfarpar, deunyddiau ac elfennau'n ddiogel er mwyn lleihau colled neu wastraff

10. Y peryglon posibl a allai godi o'r holl weithgarwch o gynnal profion tyndra a chlirio uniongyrchol a'r gwiriadau i'w cwblhau cyn i'r gwaith gychwyn

11. Y camau i'w cymryd os na fydd deunyddiau, elfennau a chyfarpar ar gael ar y safle i alluogi'r gweithgarwch o gynnal profion tyndra a chlirio uniongyrchol

12. Sut a ble i gael mynediad at y wybodaeth ofynnol a'i dehongli'n gywir, gan gynnwys dogfennau normadol, dogfennau canllawiau safonau'r diwydiant, Safonau Prydeinig a chyfarwyddiadau'r gwneuthurwr sy'n gymwys i'r cyfarpar, i sicrhau y caiff y gwaith ei gwblhau i gydymffurfio â safonau'r fanyleb a'r diwydiant

13. Defnyddio dulliau, profion a gweithdrefnau ynysu diogel er mwyn datgomisiynu systemau neu elfennau nwy

14. Y gweithdrefnau ar gyfer datgomisiynu systemau nwy dros dro neu'n barhaol gan gynnwys defnyddio bondiau parhad dros dro

15. Y rhagofalon i sicrhau nad yw'r systemau nwy sydd wedi'u datgomisiynu yn achosi perygl diogelwch

16. Y mesurau i atal systemau nwy sydd wedi'u datgomisiynu rhag cael eu defnyddio mewn gweithrediadau drwy hysbysiadau diogelwch a rhybudd

17. Yr angen i ymgysylltu ag eraill lle y gellir effeithio ar eu gweithdrefnau a'u harferion drwy wahardd gweithrediad y system nwy

18. Y camau yn ystod y broses o ddatgomisiynu a chynnal profion tyndra a chlirio uniongyrchol lle y bydd angen cydweithio ac ymgysylltu â masnachau a deiliaid eiddo eraill o bosibl

19. Arferion y diwydiant a safonau gwaith ar gyfer cynhyrchu a gosod elfennau, systemau, falfiau a phibellau nwy i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

20. Y mathau o ddeunyddiau a gosodiadau pibellau sy'n addas er mwyn cario nwy gan gynnwys tiwbio dur, haearn hydrin, copr, dur gloyw gwrymiog, polyethylen a phlwm

21. Y mathau o osodiadau pibellau sy'n addas er mwyn cario nwy gan gynnwys uniadau capilari, cywasgu, gweithio i'w gosod, ar y cyd ac sydd wedi'u sgriwio

22. Arferion y diwydiant a safonau'r gwaith ar gyfer y deunyddiau a'r gosodiadau uno sy'n addas i gario nwy, gan gynnwys cysylltu â phrif bibellau cyfansawdd

23. Y gofynion lleoli ac atgyweirio ar gyfer elfennau, systemau, falfiau a phibellau nwy i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

24. Y gweithdrefnau a'r dulliau gwaith ar gyfer cysylltu:

24.1 er mwyn mewnosod gwasanaethau gan gynnwys; systemau nwy, daearu ac awyru

24.2 pibellau, falfiau ac elfennau ar gyfer systemau a chyfarpar nwy newydd ac sydd eisoes yn bodoli

25. Sut i gadarnhau bod y cyflenwad nwy a'r system awyru yn ddigonol ar gyfer datgomisiynu, cynnal prawf tyndra a chlirio uniongyrchol ar gyfer y system nwy, cyfarpar a'r elfennau

26. Sut i fesur, cyfrifo a chofnodi cyfaint gosodiadau'r system nwy ar gyfer profion tyndra a chlirio uniongyrchol

27. Y cyfarpar a'r gofynion deddfwriaethol ar gyfer cynnal profion tyndra i systemau, elfennau a chyfarpar nwy

28. Y gweithdrefnau profion tyndra i gadarnhau uniondeb y system nwy newydd a'r cyfarpar sydd eisoes yn bodoli lle y bo'n gymwys

29. Y gweithdrefnau profion tyndra i gadarnhau uniondeb y system nwy sydd eisoes yn bodoli a'r cyfarpar sydd eisoes yn bodoli lle y bo'n gymwys er mwyn sicrhau nad yw'r gosodiad yn uwch nag uchafswm y pwysedd a ganiateir

30. Cydnabod setiau rheoleiddio pwysedd canolig lle y mae uchafswm y pwysedd gweithredu (MOP) yn allanfa'r falf rheolaeth frys (ECV) yn uwch na 75mbar ond nid yw'n uwch na 2bar, a ph'un a gaiff falf mewnfa mesurydd (MIV) ei osod

31. Gweithdrefnau profion tyndra i gadarnhau uniondeb systemau nwy lle y mae uchafswm y pwysedd gweithredu (MOP) yn allanfa'r falf rheolaeth frys (ECV) yn uwch na 75mbar ond nid yw'n uwch na

2bar, a lle y caiff falf mewnfa mesurydd (MIV) ei osod neu beidio

32. Arferion a gweithdrefnau'r diwydiant ar gyfer olrhain ac atgyweirio nwy yn gollwng

33. Y broses, y gweithdrefnau, y cyfarpar a'r gofynion deddfwriaethol er mwyn clirio elfennau, cyfarpar a systemau nwy yn uniongyrchol

34. Yr arferion a'r dilyniannau er mwyn clirio elfennau, cyfarpar a systemau nwy yn uniongyrchol

35. Yr arferion a'r dilyniannau er mwyn comisiynu elfennau, falfiau a systemau nwy i safonau'r diwydiant

36. Y mesurau i atal systemau nwy sydd heb eu comisiynu rhag cael eu defnyddio mewn gweithrediadau drwy hysbysiadau diogelwch a rhybudd

37. Sut i gwblhau'r holl ddogfennaeth a chofnodion profion tyndra a chlirio uniongyrchol er mwyn eu gadael gyda deiliad yr eiddo

38. Gweithdrefnau trosglwyddo'r system ac arddangos gweithrediad elfennau a systemau nwy i ddefnyddwyr terfynol

39. Y camau i'w cymryd pan fydd problemau'n codi yn y gweithgarwch gwaith

40. Strwythurau rheoli gwaith a dulliau adrodd am gynnydd gwaith a'i gofnodi neu broblemau sy'n oedi cynnydd

41. Sut i gasglu a gwaredu cynnwys systemau a allai fod yn beryglus i iechyd neu'r amgylcheddau yn ddiogel

42. Sut i ynysu cyfarpar nwy, systemau nwy ac elfennau nad ydynt yn ddiogel ynghyd â defnyddio gweithdrefnau sefyllfaoedd peryglus y diwydiant nwy

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Mae “Ffyrnau” yn cyfeirio at Ffyrnau Rhydd-Sefyll, Gosodedig, Platiau Poeth, Griliau, Ffyrnau Mawr, Tanwydd Deuol.

Mae "Cyfarpar Hamdden" yn cyfeirio at Wresogyddion Tai Gwydr, Barbeciwiau, Gwresogyddion Patio, Cyfarpar 'Flambeaux' Nwy a Goleuadau Nwy Awyr Agored

Mae "Gosodiadau nwy naturiol bach" yn cyfeirio at Systemau ac Elfennau Nwy Naturiol domestig o falf rheolaeth frys (ECV). Bydd gan y gosodiad y canlynol; uchafswm y pwysedd gweithredu (MOP) yn allanfa'r ECV nad yw'n uwch na 2mbar, pwysedd gweithredu (OP) yn allanfa'r mesurydd cynradd o 21mbar (nominal), tryfesur nominal nad yw'n fwy na 35mm, uchafswm y capasiti graddedig drwy'r mesurydd cynraff o 16m3/h (U16), ac uchafswm y cyfaint gosod (IV) yn cyflenwi annedd unigol neu safleoedd annomestig o 0.035m3

Mae "Safle Gwaith" yn cyfeirio at yr ardal lle y caiff y gwaith ei gynnal a'r holl arfaloedd a fydd y gwaith yn effeithio arnynt

Mae "Gwasanaethau a Systemau" yn cyfeirio at ddŵr, gwres canolog, nwy, cyflenwad trydan, gwaredu cyddwyso, simneiau a systemau awyru

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

01 Rhag 2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

DSG 3.6

Galwedigaethau Perthnasol

Peirianegol, Gwyddoniaeth a Thechnegwyr Peirianegol

Cod SOC

5314

Geiriau Allweddol

nwy, tyndra, profion, uniongyrchol, clirio, cyfleustod, cyfleustodau