Yn ol

Ymateb i Argyfyngau wrth Brosesu'r Nwy y Rhoddir Gwybod Amdanynt

URN: EUSDSG3.16

Sectorau Busnes (Suites): Defnyddio nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn ar gyfer y peirianwyr nwy sy'n gweithio ar osodiadau nwy naturiol domestig ac mae'n diffinio'r cymwyseddau gofynnol i nodi, rheoli, monitro ac unioni argyfyngau wrth brosesu nwy. Caiff y gweithgarwch hwn ei gynnal er mwyn diogelu bywyd ac eiddo, i ddiogelu’r allanfa ac i adael y safle'n ddiogel.

**Nid yw'r safon hwn yn awgrymu bod un dull dilyniannol o ymateb i Argyfyngau wrth Gloddio Nwy y rhoddir gwybod amdanynt. Ni ellir rhagweld natur gollyngiadau nwy ac mae angen delio â nhw ar sail unigol. Dylid ymgymryd â chamau gweithredu â blaenoriaeth yn ôl gofyn pob adroddiad unigol. Dilynir "Polisïau a Gweithdrefnau" perthnasol y Darparwr Gwasanaeth Argyfwng wrth ddelio ag Argyfyngau wrth Gloddio Nwy. Fodd bynnag, disgwylir i ymgeiswyr arddangos cymhwysedd yn yr holl feysydd sgiliau, cymhwysedd a gwybodaeth a nodir er mwyn cydymffurfio â'r safon.

Meini prawf perfformiad

Mae'n rhaid eich bod chi'n gallu:

Derbyn, Defnyddio a Chyfathrebu Gwybodaeth a Data

1. Derbyn y wybodaeth am y gwaith yn ymwneud â'r argyfwng y rhoddwyd gwybod amdano gan gynnwys manylion am y lleoliad ac am bwy wnaeth roi gwybod amdano

2. Cadarnhau manylion gwybodaeth am y swydd gyda'r ganolfan rheoli anfoniadau ar gyfer argyfyngau er mwyn sicrhau y caiff y wybodaeth ei throsglwyddo'n gywir

3. Hysbysu'r ganolfan rheoli anfoniadau ar gyfer argyfyngau os na ellir cyrraedd y gollyngiad y rhoddwyd gwybod amdano yn unol â safonau cymeradwy.

4. Rhoi gwybod pan fyddwch wedi cyrraedd y safle, cysylltu â'r person/pobl a roddodd wybod am y gollyngiad a chael gwybodaeth ganddynt

5. Defnyddio gwybodaeth am y swydd ar y safle er mwyn helpu'r broses o leoli ac ynysu'r argyfwng yn effeithiol

6. Cyfathrebu â'r ganolfan rheoli anfoniadau ar gyfer argyfyngau yn barhaus yn ystod y broses o leoli'r argyfwng nwy ac yn dilyn hynny er mwyn sicrhau eu bod yn derbyn yr holl wybodaeth am y sefyllfa ar y safle a'r holl wybodaeth barhaus

7. Galw am adnoddau ychwanegol a chymorth gan wasanaethau ac awdurdodau mewn sefyllfaoedd digwyddiadau fel y bo'n briodol

8. Ymgysylltu â chyrff allanol gan gynnwys yr heddlu, gwasanaethau tân a HSE lle y bo'n gymwys, deiliad yr eiddo a phobl eraill a gaiff eu heffeithio gan y gwaith yn ystod yr argyfwng wrth brosesu'r nwy

9. Sicrhau bod y wybodaeth a ddarperir yn glir, cryno, cywir ac yn gyfredol

10. Rhoi gwybod am unrhyw oedi i'r gwaith i'r rheini sydd angen y wybodaeth

11. Cwblhau'r ddogfennaeth ofynnol gan nodi canlyniadau'r profion a'r camau a gymerwyd gan ddefnyddio systemau a dogfennaeth adrodd yn ôl y cwmni a sicrhau eu bod yn unol â gofynion statudol

12. Cwblhau cofnodion datgomisiynu systemau lle y bo'n gymwys

13. Os bydd y gollyngiad mewn argyfwng wrth brosesu, dylid cyfathrebu â'r tîm atgyweirio peirianneg wrth drosglwyddo'r gwaith iddynt er mwyn sicrhau bod yr holl wybodaeth ganddynt ynglŷn â'r gollyngiad y rhoddwyd gwybod amdano gan gynnwys unrhyw dystiolaeth ychwanegol a gasglwyd o safle'r gwaith

Defnyddio Cyfarpar Canfod Nwy a Diogelwch cymeradwy

14. Gwirio a chadarnhau bod yr holl ddeunyddiau, cyfarpar a'r cyfarpar er mwyn cynnal profion sydd eu hangen ar gyfer gweithgarwch yr argyfwng wrth gloddio nwy ar gael yn ôl yr angen a'u bod yn addas at y diben

15. Ar gyfer nwyon eraill a nodir ac sydd ynghlwm â'r gwaith, dylid cymryd y camau gweithredu priodol ar gyfer canfod nwy ac yn unol â pholisïau a gweithdrefnau'r cwmni

16. Dethol a defnyddio'r cyfarpar cywir ar gyfer gweithgarwch argyfyngau nwy

17. Gwirio bod y cyfarpar canfod nwy yn gymeradwy, cyfredol, wedi'u graddnodi'n gywir a'u bod yn addas ar gyfer gweithgarwch yr argyfwng arfaethedig wrth brosesu'r nwy

Asesu'r Risgiau i Fywyd, Eiddo a'r Amgylchedd yn ystod

Achosion brys

18. Cyrraedd yr argyfwng y rhoddwyd gwybod amdano heb unrhyw oedi er mwyn cydymffurfio â'r safonau ymateb

19. Canfod safleoedd a lleoliad cyflenwadau nwy a gwasanaethau a chyfleustodau eraill, cael mynediad at fap o systemau nwy lle y bo'n gymwys

20. Sicrhau bod cyfarpar diogelu a Chyfarpar Diogelu Personol ar gael i'w defnyddio yn unol ag asesiad risg penodol y safle gwaith

21. Defnyddio'r holl Gyfarpar Diogelu Personol a'r cyfarpar diogelwch priodol drwy gydol gweithgareddau'r argyfwng wrth brosesu nwy

22. Cynnal yr holl arsylwadau a'r gwiriadau gweledol ar y safle

23. Gwirio am ogleuon a nwyon yn mynd i mewn ac o amgylch yr eiddo lle y lleolir y gollyngiad y rhoddwyd gwybod amdano ac eiddo cyfagos lle y bo'n gymwys yn unol â safonau a gweithdrefnau'r diwydiant

24. Cymryd samplau awyrgylch lefel uchel ac isel a'u cofnodi o ofodau mewnol a gwagleoedd yn unol â safonau a gweithdrefnau'r diwydiant

25. Dilyn gweithdrefnau'r diwydiant er mwyn symud personél, ynysu cyfarpar nwy a thrydan ac i awyru eiddo fel y bo'n briodol

26. Cymryd camau rhagofalus er mwyn atal pobl heb awdurdod rhag cael mynediad i'r ardaloedd a gaiff eu gwacáu drwy ddefnyddio bariau, tâp ac arwyddion rhybudd

27. Cymryd samplau nwy priodol o eiddo a gwagleoedd na ellir cael mynediad iddynt a'u cofnodi yn unol â safonau a gweithdrefnau'r diwydiant

28. Defnyddio gweithdrefnau'r cwmni a'r diwydiant er mwyn cael mynediad gorfodol i eiddo sydd wedi'u cloi ac sy'n wag

29. Gwirio am nwyon yn mynd i mewn i'r eiddo a gwagleoedd cyfagos o wasanaethau a chyfleustodau a ddaw i mewn a nodi canfyddiadau yn unol â safonau a gweithdrefnau'r diwydiant

30. Cymryd y samplau nwy priodol mewnol ac allanol a'u cofnodi mewn pob agoriad damweiniol gan gynnwys; mewn gwagleoedd, dwythellau, carffosydd, seleri, dwythellau telathrebu, mewn peirannau a dodrefn stryd neu o'u hamgylch, mewn tai a siambrau llywodraethwyr neu o'u hamgylch ac ati, yn unol â safonau a gweithdrefnau'r diwydiant

31. Canfod maint y gollyngiad neu sefyllfa gydnabyddedig arall mewn argyfwng gan gynnwys faint o bobl ac eiddo a gaiff eu heffeithio neu a allai gael eu heffeithio

32. Nodi ac asesu unrhyw beryglon, lefel eu risg a'u difrifoldeb a nodi'r canfyddiadau

33. Parhau i fonitro'r gollyngiad neu unrhyw sefyllfa gydnabyddedig arall mewn argyfwng a gwirio'r holl grynodiadau nwy y tu allan a'r tu mewn i'r eiddo yr effeithir arnynt yn ystod y gwaith o atgyweirio ac yn dilyn y gwaith

34. Defnyddio gweithdrefnau profion tyndra er mwyn cadarnhau uniondeb unrhyw system nwy a chyfarpar a osodwyd

35. Lleoli'r gollyniad neu drosglwyddo'r gwaith i'r tîm atgyweirio peirianneg, lle y bo angen

36. Gweithio'n ddiogel bob amser yn unol â Rheoliadau Iechyd, Diogelwch a'r Amgylchedd ac arferion a gweithdrefnau cymeradwy'r diwydiant gan gynnwys; yr unigolyn ac eraill, gofynion sefydliadol, gofynion rheoleiddiol, gofynion statudol, polisïau'r cwmni ac asesiadau risg

Dileu a Lleihau'r Risgiau i Fywyd, Eiddo a'r Amgylchedd

yn ystod Argyfyngau Nwy

37. Cynnal asesiad risg penodol i'r safle sy'n ymgorffori'r darpariaethau diogelwch ar gyfer safle gwaith, mynediad i safle'r gwaith, symud y gweithlu, aelodau'r cyhoedd a symud a storio deunyddiau a chyfarpar yn ddiogel ar gyfer y gwaith cyn ymgymryd â'r gwaith

38. Arolygu safle'r gwaith cyn ymgymryd ag unrhyw weithgarwch yn ymwneud â gollyngiadau wrth brosesu nwy ar gyfer unrhyw ddifrod neu ddiffygion i'r nodweddion adeiladu presennol a hysbysu deiliad yr eiddo am unrhyw ddiffygion a'u cofnodi yn unol â gweithdrefnau'r cwmni

39. Diogelu safle'r gwaith ac adeiladwaith yr adeilad rhag unrhyw ddifrod y gallai'r gwaith yn ymwneud ag argyfwng wrth brosesu nwy ei achosi

40. Blaenoriaethu peryglon a chymryd camau i leihau'r risg, yn nhrefn blaenoriaeth

41. Cymryd camau gweithredu prydlon er mwyn nodi peryglon yn ddiogel a ellir eu hunioni'n ddiogel gan gynnwys; gwacáu, mynediad gorfodol, lleihau gollyngiadau, awyru, creu ardaloedd diogel, atal ysmygu, sicrhau bod diffoddyddion tân yn barod, defnyddio'r holl Gyfarpar Diogelu Personol a'r cyfarpar diogelu a gwlych ardal y gwaith lle y bo angen

42. Monitro effeithiolrwydd y mesurau rheoli risg a chymryd camau gweithredu prydlon ychwanegol lle y bo'n briodol

43. Creu a chynnal ardal waith ddiogel

44. Nodi'r ffynonellau tanio a'r ffynonellau tanio posibl a dileu neu leihau'r risg

45. Awyru'r eiddo, gwagleoedd, dwythellau, draeniau a nenfydau lle y bo'n briodol

46. Monitro ac ail-wirio safle'r gwaith yn rheolaidd a chofnodi unrhyw beryglon ychwanegol

47. Defnyddio gweithdrefnau profion tyndra er mwyn cadarnhau uniondeb y system nwy a chyfarpar a osodwyd

48. Lleoli'r gollyngiad, a'i atgyweirio lle y mae'n ymarferol gwneud hynny ac y gellir ei gyflawni mewn 30 munud gan ddilyn gweithdrefnau'r diwydiant

49. Lleoli'r gollyngiad a dilyn gweithdrefnau'r diwydiant ar gyfer trosglwyddo'r gwaith i'r tîm atgyweirio peirianneg lle y bo'n briodol

50. Defnyddio dulliau, profion a'r gweithdrefnau ynysu diogel er mwyn datgomisiynu cyfarpar a systemau nwy ac elfennau anniogel lle y bo'n briodol

51. Cymryd camau rhagofalus er mwyn sicrhau nad yw cyfarpar a systemau nwy ac elfennau sydd wedi'u datgomisiynu dros dro yn cyflwyno perygl diogelwch

52. Symud a datgysylltu cyfarpar a systemau nwy, elfennau a'r cap anniogel yn barhaol o'r cyflenwad nwy gan ddilyn y gosodiadau cywir yn ôl y gofyn

53. Ymgymryd ag atgyweiriad(au) parhaol lle y bo'n bosibl a'u gadael mewn cyflwr diogel lle nad yw hynny'n bosibl

54. Ymateb i adroddiadau o fygu, nwyo neu darthau a chynnal y profion a'r gwiriadau gofynnol yn ôl gofynion y diwydiant. Galw am gymorth mewn achosion o ddamweiniau a marwolaethau

55. Gofyn am gymorth yn ôl y gofyn

56. Monitro, ail-wirio a chofnodi lefelau'r crynodiad nwy y tu allan a'r tu mewn i'r eiddo neu safle'r gwaith yn rheolaidd lle y bo'n briodol neu yn ôl y gofyn

57. Rhoi gwybod am unrhyw ymyriadau i gyflenwadau nwy a phwyseddau gwael i'r person cywir

58. Asesu goblygiadau'r argyfwng, ymgymryd ag asesiad peryglon a chytuno ar y camau gweithredu i'w cymryd mewn ymgynghoriad â'r uwch berson ar y safle

59. Unioni ac ymateb i'r canlynol yn gywir:

59.1. adroddiadau am gyflenwadau sy'n amrywio

59.2. adroddiadau am ddiffyg nwy

59.3. adroddiadau am adar ac anifeiliaid y tu ôl i gyfarpar

60. Defnyddio'r fersiwn gyfredol o weithdrefn sefyllfaoedd anniogel y diwydiant lle y bo angen

Ymgymryd ag Arolygon Safleoedd er mwyn Pennu maint a lefelau

Crynodiadau'r Gollyngiadau Nwy

61. Cynnal arolwg o'r safle ac asesiad risg o'r sefyllfa er mwyn pennu'r canlynol;

61.1. p'un a yw'n Nwy Naturiol neu LPG

61.2. wedi'i reoli neu beidio

61.3. yn wasgariad o grynodiadau a darlleniadau nwy

61.4. p'un a yw'r gollyniad y tu allan i'r eiddo neu'n olrhain yn fewnol iddynt

61.5. lefel y crynodiadau a'r darlleniadau nwy dd) lleoliad yr eiddo agosaf

61.6. lleoliad unrhyw fannau cyfyng

61.7. unrhyw gyfleustodau eraill sy'n bresennol lle y gall nwy eu holrhain

61.8. presenoldeb ffynonellau tanio

61.9. lefel o awyru

61.10. unrhyw bryderon trydanol

61.11. argaeledd a mynediad i ddull ynysu ar gyfer yr eiddo i) deunydd y bibell nwy

61.12. unrhyw hanes o ollyngiadau

61.13. arwyddion gweledol o waith blaenorol ll) diffyg canlyniadau olrhain

62. Categoreiddio'r canlyniad o'r arolygiad safle a chymryd y camau angenrheidiol er mwyn blaenoriaethu gollyngiad mewn unrhyw sefyllfa anniogel yn unol â safonau a gweithdrefnau'r diwydiant

63. Cynnal arsylwadau gweledol ac ail-wirio mapiau system(au) nwy yn ôl y gofyn

64. y gweithdrefnau a'r meini er mwyn pennu a chadarnhau ei fod yn ddiogel i adael y safle yn dilyn y gwaith atgyweirio

Archwiliad Terfynol, Gadael y Safle Gwaith Uniongyrchol yn Ddiogel

65. Gwirio a chofnodi lefelau'r crynodiad nwy yn fewnol ac yn allanol i'r eiddo neu safle'r gwaith er mwyn sicrhau ei fod yn ddiogel i adael y safle ac ail-lenwi'r eiddo lle y bo'n briodol

66. Defnyddio gweithdrefnau profion tyndra a chlirio er mwyn ail-gadarnhau uniondeb y system nwy a chyfarpar a osodwyd

67. Dethol a defnyddio'r cyfarpar cywir ar gyfer gweithgarwch ail-gomisiynu

68. Gwirio y bydd amodau'r system nwy yn sicrhau y gellir ail-gomisiynu'n ddiogel

69. Ailosod a chlirio'r cyflenwad nwy ar gyfer y system a'r cyfarpar

70. Gwirio a chadarnhau bod pwyseddau gweithredu'r system nwy yn cydymffurfio â safonau'r diwydiant

71. Gwirio'r perfformiad hylosgi yn weledol lle y bo angen

72. Ail-gadarnhau bod system awyru bwrpasol wedi'u darpar ac nad yw wedi'i blocio

73. Dilyn gweithdrefnau a meini prawf y diwydiant er mwyn pennu a chadarnhau ei fod yn ddiogel i adael y safle yn dilyn y gwaith atgyweirio ac mewn achosion lle na chaiff unrhyw ollyngiad ei ganfod

74. Rhoi gwybod am ganfyddiadau, manylion a chamau gwithredu i'r person/pobl gofynnol.

Datrys problemau o fewn maes cyfrifoldeb a'ch cymhwysedd eich hun a allai effeithio ar yr argyfwng

75. Unioni problemau o fewn maes cyfrifoldeb a chymhwysedd eich hun a rhoi gwybod am fanylion unrhyw ddiffygion yn y cyfarpar a'r system nwy ac elfennau a'r camau gweithredu a gymerwyd i'r ganolfan rheoli anfoniadau ar gyfer argyfyngau, uwch berson ar safle; arweinydd tîm, rheolwr llinell cyntaf ac ati.

76. Datrys problemau yn unol â gweithdrefnau cymeradwy a) lle y mae gweithgarwch argyfwng wrth brosesu nwy yn datgelu diffygion yn y cyfarpar a'r system nwy ac elfennau

77. Datrys problemau yn unol â gweithdrefnau cymeradwy mewn achosion lle na ellir arfer cyfarpar a systemau nwy ac elfennau i'w perfformiad llawn

Gwybodaeth a Dealltwriaeth

You need to know and understand:

Gwybodaeth Gyffredinol

1. Rheoliadau a chanllawiau sy'n llywodraethu iechyd a diogelwch yn y gweithle, diogelwch amgylcheddol a'r defnydd o asesiadau risg

2. Deddfwriaeth sy'n cwmpasu dyletswyddau cyffredinol y gweithredwr ar gyfer eu diogelwch eu hunain a diogelwch eraill

3. Cyfyngiadau eich ymreolaeth a'ch dyletswydd eich hun

Ymateb i argyfyngau wrth brosesu nwy

4. Gwybodaeth o'r gweithdrefnau gweithredu perthnasol a'u defnyddio er mwyn ymateb i ollyngiadau nwy ac argyfyngau eraill

5. Y ffactorau iechyd, diogelwch ac amgylcheddol y mae angen eu hymgorffori i'r asesiad risg ar gyfer y gweithgarwch argyfwng wrth brosesu nwy

6. Mynediad diogel a gweithio gydag uchderau

7. Y cyfarpar sydd eu hangen er mwyn sicrhau mynediad diogel i weithio gydag uchder, neu mewn mannau cyfyngedig

8. Y dulliau o weithio sy'n diogelu'r adeilad, eiddo'r cwsmer a'r systemau a chyfarpar nwy ac elfennau sydd eisoes yn bodoli

9. Gofynion gofalu a chynnal a chadw cyfarpar, a gwiriadau ar gyfer cyflwr diogel

10. Y cyfarpar, deunyddiau a'r elfennau sydd eu hangen ar gyfer y gweitharwch argyfwng wrth brosesu nwy – gweithdrefnau archebu, cyflenwi, cynghori, gwirio a chynnal

11. Sut i storio cyfarpar, deunyddiau ac elfennau'n ddiogel er mwyn lleihau colled neu wastraff

12. Y camau i'w cymryd os na fydd deunyddiau, elfennau a chyfarpar ar gael ar y safle i gychwyn ar y gweithgarwch argyfwng wrth brosesu nwy

13. Y peryglon posibl a allai gofi o'r holl weithgarwch argyfwng wrth brosesu nwy a'r gwiriadau i'w cynnal cyn i'r gwaith gychwyn

14. Safonau gwasanaeth y cwmni er mwyn mynychu; gollyngiadau nwy a reolir a nas rheolir a gwaith ar fesuryddion diffygiol

15. Arferion a gweithdrefnau'r diwydiant ar gyfer cynnal gweithgarwch argyfwng wrth brosesu nwy ar bwyseddau isel a chanolig tra'n cydymffurfio â'r canlynol; safonau a gweithdrefnau'r diwydiant, Rheoliadau Diogelwch Nwy (Gosod a Defnyddio) Safonau Prydeinig

16. Arferion a gweithdrefnau'r diwydiant ar gyfer cynnal gweithgarwch argyfwng wrth brosesu nwy ar bwyseddau isel a chanolig gan gynnwys; gollyngiadau nwy y rhoddwyd gwybod amdanynt, allyriadau tarthau o gyfarpar nwy, tân neu ffrwydrad lle y tybir mai nwy yw achos sefyllfaoedd cyflenwad nwy a'r golled

17. Arferion a gweithdrefnau'r diwydiant yn ymwneud ag "un person yn gweithio"

18. Rheoliadau Diogelwch Nwy (Hawl Mynediad) a'u goblygiadau gan gynnwys; cael mynediad i eiddo, hysbysu'r ganolfan rheoli anfoniadau ar gyfer argyfyngau a'r rheolwr llinell a'r goblygiadau

19. Rheoliadau Mannau Cyfyngedig a'u goblygiadau gan gynnwys gweithio mewn gwagleoedd, siambrau, tyllau, ffosydd, pibellau, carffosydd, ffliwiau, ffynhonnau, ac ati.

20. Gwybodaeth am Adeiladu a'r cynlluniau ar gyfer eiddo domestig ac eiddo bach masnachol gan gynnwys mathau o: sylfeini; waliau; lloriau; nenfydau; toeau; a gwasanaethau eraill mewn eiddo

21. Sut i gael mynediad at y wybodaeth ofynnol a'i dehongli'n gywir mewn dogfennau normadol, dogfennau canllawiau safonau'r diwydiant, Safonau Prydeinig ac Ewropeaidd a gweithdrefnau'r cwmni ar gyfer gweithgarwch argyfwng wrth brosesu nwy, i sicrhau y caiff y gwaith ei gwblhau yn unol â'r fanyleb a safonau'r diwydiant

22. Gweithdrefnau Iechyd a Diogelwch yn unol â gofynion sefydliadol a deddfwriaethol

23. Arferion a gweithdrefnau'r diwydiant a'r camau i'w cymryd er mwyn nodi peryglon yn ddiogel a ellir eu hunioni'n ddiogel gan gynnwys; gwacáu, mynediad gorfodol, lleihau gollyngiadau, awyru a chreu ardaloedd diogel

24. Y mesurau a'r camau gweithredu rhagofalus i'w cymryd mewn amgylchedd a allai fod yn nwyol gan gynnwys: lleihau'r risg o danio,

sicrhau y caiff ei awyru'n ddigonol, lleoli cerbydau a chyfarpar, defnyddio bondiau parhau dros dro, atal ysmygu, sicrhau bod diffoddyddion tân yn barod, defnyddio'r holl Gyfarpar Diogelu Personol a'r cyfarpar diogel a gwlychu ardal y gwaith

25. Adnabod y ffynonellau tanio posibl ar gyfer gweithgarwch wrth brosesu nwy

26. Y gwetihdrefnau, mesurau a'r camau gweithdrefnau rhagofalus i'w cymryd mewn amgylchedd a allai gynnwys carbon monocsid gan gynnwys gweithrediadau larwm CO; gwacáu, mynediad gorfodol a sicrhau y caiff ei awyru'n ddigonol

27. Effeithiau a symptomau carbon monocsid a rhoi cyngor allweddol i bobl y gallai'r tarthau effeithio arnynt

28. Y broses o ddethol a gweithredu cyfarpar canfod nwy

29. Technegau a gweithdrefnau'r diwydiant ar gyfer y canlynol:

29.1. defnyddio cyfarpar canfod nwy

29.2. cadarnhau diogelwch trydanol a Diffyg Trydan

29.3. defnyddio cyfarpar canfod trydan megis "Voltstick"

30. Dulliau, profion a'r gweithdrefnau ynysu diogel er mwyn datgomisiynu systemau a chyfarpar nwy ac elfennau

31. Y gweithdrefnau er mwyn datgomisiynu systemau a chyfarpar nwy ac elfennau dros dro ac yn barhaol gan gynnwys y defnydd o fondiau parhad dros dro

32. Y camau rhagofalus er mwyn sicrhau nad yw systemau a chyfarpar nwy ac elfennau sydd wedi'u datgomisiynu yn cyflwyno perygl diogelwch

33. Y mesurau i atal systemau a chyfarpar nwy ac elfennau sydd wedi'u datgomisiynu ac sydd heb eu comisiynu rhag cael eu defnyddio mewn gweithrediadau gan ddefnyddio hysbysiadau diogelwch a rhybudd

34. Yr angen i ymgysylltu ag eraill lle y gellir effeithio ar eu gweithdrefnau a'u harferion drwy wahardd y systemau a chyfarpar nwy ac elfennau

35. Y pwyntiau yn y gweithgarwch argyfwng wrth brosesu nwy lle y mae'n bosibl y bydd angen cydweithio ac ymgysylltu â gwasanaethau bryd, masnachau eraill a deiliaid eiddo

36. Y gwetihdrefnau a'r dulliau gwaith ar gyfer ail-gysylltu â gwasanaethau mewnbwn nwy a chysylltu elfennau i systemau nwy

37. Y broses a'r gweithdrefnau, y cyfarpar a'r gofynion deddfwriaethol ar gyfer cynnal profion tyndra a chlirio nwy ar gyfer systemau a chyfarpar nwy

38. Y defnydd, cwmpas, gofynion a'r gweithdrefnau ar gyfer profion tyndra a chlirio i gydymffurfio â safonau cymeradwy y diwydiant

39. Sut i nodi canlyniadau'r profion a'r camau a gymerwyd gan ddefnyddio systemau a dogfennaeth adrodd yn ôl y cwmni a sicrhau eu bod yn unol â gofynion statudol ar gyfer yr holl weithgarwch argyfwng wrth brosesu nwy

40. Yr arferion a'r dilyniannau ar gyfer ail-gomisiynu systemau a chyfarpar nwy

41. Sut i gadarnhau bod gwasanaethau mewnbwn nwy, simneiau ac awyru yn ddigonol ar gyfer systemau a chyfarpar nwy ac elfennau

42. Dulliau Gosod a Chysylltu Systemau Simneiau Ffliw Agored a Chyfarpar Wedi'u Selio mewn Ystafelloedd

43. Arferion a gweithdrefnau'r diwydiant ar gyfer delio â thanau a ffrwydradau a allai ddigwydd oherwydd y gollyngiad nwy neu beidio gan gynnwys gofynion RIDDOR

44. Arferion a gweithdrefnau'r diwydiant ar gyfer y canlynol:

44.1. uwchgyfeirio gollyngiadau nwy gan gynnwys pryd, sut a phwy i roi gwybod amdanynt iddynt

44.2. ail-lenwi eiddo ar ôl gwacáu

44.3. nodi ac ymateb i gymylau nwy

44.4. ymateb i ymyriadau i gyflenwadau nwy ac adroddiadau o bwysedd isel

44.5. asesu goblygiadau'r argyfwng, ymgymryd ag asesiadau perygl a chytuno ar y camau gweithredu i'w cymryd mewn ymgynghoriad â'r person/pobl cyfrifol

45. Technegau a gweithdrefnau'r diwydiant ar gyfer tynnu dŵr o wasanaethau gan gynnwys y defnydd o gyfarpar tynnu dŵr

46. Arferion a gweithdrefnau'r diwydiant ar gyfer cyflenwi cyfarpar gwresogi a choginio amgen lle y bydd nwyon na chaiff nwy ei ddargludo

47. Rhinweddau a nodweddion LPG

48. Arferion a gweithdrefnau'r diwydiant ar gyfer ymateb i'r canlynol:

48.1. gollyngiadau nwy, tanau a ffrwydradau o LPG

48.2. gollyngiadau nwy, tanau a ffrwydradau mewn eiddo annomestig

48.3. ymyriadau i gyflenwadau nwy ac adroddaidau o bwyseddau isel mewn eiddo annomestig

48.4. nwy yr amheuir a gafodd ei ddwyn

48.5. dim sefyllfaoedd y gellir eu holrhain gan gynnwys ail-wiriadau

48.6. adar ac anifeiliaid y tu ôl i gyfarpar

48.7. diffyg mynediad i eiddo

49. Arferion a gweithdrefnau'r diwydiant ar gyfer trosglwyddo a gadael y safle

50. Technegau a gweithdrefnau'r diwydiant ar gyfer cyfnewid falfiau rheolaeth fryd (ECVs) a falfiau rheoli mewnfa mesuryddion (MIVs)

51. Technegau a gweithdrefnau'r diwydiant ar gyfer gosod

mesuryddion Nwy Naturiol a mesuryddion tai ac adrannau

52. Y camau i'w cymryd pan fydd problemau'n codi yn y gweithgarwch gwaith

53. Sut i ynysu systemau a chyfarpar nwy ac elfennau anniogel a defnyddio gweithdrefn y diwydiant nwy ar gyfer sefyllfaoedd anniogel

54. Sut i ddefnyddio'r fersiwn gyfredol o Weithdrefn Sefyllfaeodd Anniogel y Diwydiant gan gynnwys y sefyllfaoedd canlynol; pryder am ddiogelwch, mewn perygl, yn beryglus yn uniongyrchol a RIDDOR

55. Arferion a gweithdrefnau'r diwydiant ar gyfer delio ag archwiliadau digwyddiadau'n ymwneud â nwy

56. Gofynion statudol ar gyfer nodi canlyniadau'r profion a'r camau a gymerwyd a defnyddio systemau a dogfennaeth adrodd yn ôl y cwmni

57. Strwythurau rheoli gwaith a'r dulliau o roi gwybod am gynnydd gwaith neu broblemau o ran oedi a'u cofnodi Sut i gasglu a gwaredu cynnwys systemau a allai fod yn beryglus i iechyd neu'r amgylchedd

58. Sut i gasglu a gwaredu cynnwys systemau a allai fod yn beryglus i iechyd neu'r amgylchedd

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Mae “Ffyrnau” yn cyfeirio at Ffyrnau Rhydd-Sefyll, Gosodedig, Platiau Poeth, Griliau, Ffyrnau Mawr, Tanwydd Deuol.

Mae "Cyfarpar Hamdden" yn cyfeirio at Wresogyddion Tai Gwydr, Barbeciwiau, Gwresogyddion Patio, Cyfarpar 'Flambeaux' Nwy a Goleuadau Nwy Awyr Agored

Mae'r "Gwaith Prosesu" yn cyfeirio at osodiadau nwy y falf rheolaeth frys a mesurydd cyfarpar lle y caiff nwy ei losgi. Mae'n cynnwys safleoedd Diwydiannol, Masnachol a Domestig.

Mae "Argyfyngau drwy brosesu nwy" yn cyfeirio at ollyngiadau nwy a Reolir a Nas Rheolir, adroddiadau am nwyo, tarthau, cyflenwadau sy'n amrywio, diffyg nwy a ffliwiau wedi'u blocio oherwydd adar/anifeiliaid y tu ôl i gyfarpar.

Mae "Argyfwng cydnabyddedig" yn cyfeirio at ollyngiadau nwy, ffrwydrad neu CO/tarthau

Mae "Safle Gwaith" yn cyfeirio at yr ardal lle caiff y gwaith ei gyflawni a'r holl ardaloedd y bydd y gwaith yn effeithio arnynt.

Mae "Gollyngiad nwy a reolir" yn cyfeirio at ollyngiad nwy sydd wedi cael eu hatal drwy ddiffodd y falf rheolaeth frys

Mae "Gollyngiad nwy nas rheolir" yn cyfeirio at ollyngiad nwy lle na ellir cadarnhau ei fod wedi'i ddiffodd neu ei reoli

Mae "System awyru ddigonol" yn cyfeirio at system awyru ddigonol er mwyn sicrhau na fydd unrhyw ollyngiadau bach yn datblygu i fod yn gymysgedd ffrwydrol

Mae "Tarthau" yn cyfeirio at ollyngiad cynnyrch hylosgi neu garbon monocsid

Mae "LPG" yn cyfeirio at nwy petrolewm hylifedig a gaiff ei gyflenwi naill ai gan lwythi o osodiadau tanciau neu silindrau

Mae "Pwysedd canolig" yn cyfeirio at bwysedd sy'n uwch na 75mbar ond nad ydynt yn uwch na 2bar

Mae "Pwysedd canolraddol" yn cyfeirio at bwyseddau sy'n uwch na 2bar ond nad ydynt yn uwch na 7bar

Mae "Pwysedd isel" yn cyfeirio ar bwysedd nad yw'n uwch na 75mbar

Mae "RIDDOR" yn cyfeirio at Reoliadau Adrodd ar Anafiadau, Clefydau neu Ddigwyddiadau Peryglus

Mae "Man cyfyng" yn cyfeirio at fan sydd â mynedfa neu allanfa cyfyngedig, sy'n ddigon mawr i berson allu mynd i mewn i gyflawni tasgau ac sydd heb ei ddylunio ar gyfer deiliadaeth barhaus wedi'i gyflunio e.e. siambr, twll, ffos, pibell, ffos, ffliw, ffynnon, gwagle ac ati.

Mae "Gwasanaethau a Systemau" yn cyfeirio at ddŵr, gwres canolog, nwy, cyflenwad trydan, gwaredu cyddwyso, simneiau a systemau awyru

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

01 Rhag 2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

DSG 3.16

Galwedigaethau Perthnasol

Peirianegol, Gwyddoniaeth a Thechnegwyr Peirianegol

Cod SOC

5314

Geiriau Allweddol

delio, y rhoddir gwybod amdanynt, nwy, wrth brosesu, defnyddio, argyfwng, argyfyngau, cyfleustod, cyfleustodau