Yn ol

Gosod mesuryddion a rheoleiddwyr nwy sy'n uwch na 1076m3/awr

URN: EUSDSG3.14

Sectorau Busnes (Suites): Defnyddio nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn ar gyfer peirianwyr nwy sydd angen gosod a chyfnewid mesuryddion a rheoleiddwyr sy'n uwch na 1076m3/awr ar systemau nwy â phwysedd isel a chanolig ac mae'n cynnwys yr amrywiaeth canlynol o fesuryddion: Dadleoliad Casgliadol a Chadarnhaol. Mae'r safon hwn yn cwmpasu'r gweithgarwch gwaith o gynllunio, gosod, cyfnewid, datgysylltu, datgomisiynu a chomisiynu'r mesuryddion a'r rheoleiddwyr hynny.

Meini prawf perfformiad

Mae'n rhaid eich bod chi'n gallu:

1. Nodi, cofnodi a chytuno ar ofynion gwaith y cwsmer yn unol â gofynion statudol a gofynion y diwydiant

2. Arolygu safle'r gwaith ac edrych ar ddiagramau safle fel y bo angen ar gyfer unrhyw nodweddion strwythurol pwysig a allai effeithio ar y gwaith o'u gosod a'u cofnodi

3. Gwirio bod lleoliad arfaethedig y mesurydd a'r rheoleiddiwr nwy a’r cynhwysydd yn bodloni gofynion safonau'r gwneuthurwr a'r diwydiant i'w lleoli a'u clirio

4. Cadarnhau argaeledd gwasanaethau mewnbwn a bod y cyflenwad nwy, daearu trydanol a'r ddarpariaeth o system awyru yn bodloni gofynion safonau gwneuthurwr a diwydiant ar gyfer y gwaith gosod

5. Llunio asesiad risg a datganiad dull sy'n ymgorffori'r darpariaethau diogelwch ar gyfer y safle gwaith, mynediad i'r safle gwaith, symud y gweithlu, aelodau o'r cyhoedd, symud a diogelu deunyddiau a chyfarpar yn ddiogel ar gyfer y gwaith

6. Arolygu safle'r gwaith ar gyfer unrhyw ddifrod neu ddiffygion yn y nodweddion adeiladu sydd eisoes yn bodoli a'u nodi cyn ymgymryd â'r gwaith gosod

7. Cynghori deiliad yr eiddo ar unrhyw ddiffygion a ganfyddir

8. Diogelu safle'r gwaith a ffabrig yr adeilad rhag achosi difrod posibl yn ystod y broses o ddatgomisiynu a gosod

9. Derbyn cadarnhad gan ddeiliad yr eiddo cyn i'r gwaith gychwyn er mwyn sicrhau eu bod yn cytuno ar y gwaith a gynllunnir

10. Gwirio a chadarnhau'r canlynol:

10.1. bod yr holl ddeunyddiau a chyfarpar sydd eu hangen ar gyfer y broses o ddatgomisiynu, gosod a chomisiynu ar gael yn ôl yr angen a'u bod yn addas at y diben

10.2. p'un a yw'r mesurydd a'r rheoleiddiwr nwy yn osodiad mesurydd cynradd neu eilaidd

10.3. bod gan y cyflenwad nwy naill ai bwysedd isel neu ganolig

10.4. bod lleoliad y falf rheolaeth frys (ECV) a falf mewnfa mesurydd (MIV) yn hygyrch, wedi'u labelu'n gywir a'u bod yn gweithredu'n gywir

10.5. lleoliad unrhyw falfiau dargyfeirio, falfiau cau a phwyntiau'r profion pwyseddau er mwyn sicrhau eu bod yn hygyrch, wedi'u labelu'n gywir ac y caiff y gweithrediad cywir ei gyflawni

10.6. bod lleoliad y mesurydd a'r rheoleiddiwr nwy yn bodloni gofynion safonau'r gwneuthurwr a'r diwydiant o ran lleoliad a chliriadau

10.7. bod lleoliad y mesurydd tai yn bodloni gofynion safonau'r

gwneuthurwr a'r diwydiant o ran lleoliad a chliriadau ar gyfer gosodiadau â phwysedd isel a chanolig

10.8. y gellir lleoli cynhwysydd y mesurydd a phellteroedd cyfagos blychau mesuryddion a gollyngiadau fentiau a'u bod yn bodloni gofynion safonau'r gwneuthurwr a'r diwydiant ar gyfer gosodiadau â phwysedd canolig

10.9. bod gosodiad y mesurydd a'r rheoleiddiwr nwy yn cael ei ddiogelu rhag unrhyw ddifrod mecanyddol posibl a bod y diogelwch hwn yn bodloni gofynion safonau'r diwydiant

10.10. lleoliad y cyflenwad nwy presennol a'i agosrwydd at wasanaethau eraill a allai effeithio ar y gosodiadau. Agosrwydd at gyfarpar switsio trydanol, gwres a chyfarpar y broses.

10.11. bod y cyflenwad nwy a'r ddarpariaeth o system awyru yn bodloni gofynion safonau gwneuthurwr y mesurydd a'r rheoleiddiwr nwy a'r diwydiant ar gyfer y gosodiad

11. Cynnal yr holl wiriadau a'r profion angenrheidiol er mwyn cadarnhau bod y cyflenwad nwy a'r system ddaearu yn bodloni gofynion y gwneuthurwr a'r diwydiant ar gyfer y gwaith gosod

12. Gwirio'r gosodiadau sy'n bodoli am unrhyw gyfarpar ac elfennau o systemau nad ydynt yn ddiogel a defnyddio gweithdrefnau'r diwydiant nwy ar gyfer sefyllfaoedd peryglus fel y bo angen

13. Gwirio a chadarnhau bod holl gofnodion y profion pwysedd ar gyfer y system nwy ac elfennau wedi'u cwblhau

Datgomisiynu mesuryddion a rheoleiddwyr nwy sy'n uwch na 1076m3/awr ar systemau nwy â phwysedd isel a chanolig

14. Gwirio y bydd amodau o fewn y systemau nwy a daearu yn sicrhau y gellir datgomisiynu'n ddiogel

15. Dethol a defnyddio'r cyfarpar cywir ar gyfer gweithgarwch datgomisiynu

16. Gosodiadau â mesurydd dargyfeirio - sicrhau bod falfiau'r system ddargyfeirio wedi'u hagor cyn tynnu'r mesurydd nwy oddi yno er mwyn sicrhau parhau yn y cyflenwad nwy a nodi hyd y cyfnod y caiff y system ei dargyfeirio

17. Defnyddio dulliau, profion a gweithdrefnau dynodedig ar gyfer ynysu'n ddiogel er mwyn datgomisiynu mesuryddion nwy, systemau daearu, systemau nwy ac elfennau

18. Cymryd camau gweithredu rhagofalus er mwyn sicrhau nad yw mesuryddion a rheoleiddwyr nwy, systemau daearu, systemau nwy ac elfennau sydd wedi'u datgomisiynu dros dro yn cyflwyno perygl diogelwch

19. Datgysylltu a symud mesuryddion a rheoleiddwyr nwy, systemau nwy ac elfennau oddi yno fel y bo angen

20. Ar ôl symud mesurydd nwy oddi yno'n barhaol, dylid marcio unrhyw bibellau nwy â hysbysiad er mwyn nodi bod y bibell yn cynnwys nwy

21. Defnyddio gweithdrefnau clirio i gadarnhau bod y mesurydd nwy a osodwyd wedi'i ddatgomisiynu'n barhaol yn ddiogel drwy glirio nwy ag aer

Gosod, Cyfnewid a Thynnu mesuryddion a rheoleiddwyr nwy sy'n uwch na 1076m3/awr oddi yno ar systemau nwy â phwysedd isel a chanolig

22. Cynnal gwaith paratoi a gynlluniwyd er mwyn bodloni'r gofynion gosod

23. Cynnal y prosesau gosod a gynlluniwyd er mwyn lleihau'r niwed i eiddo'r cwsmer a nodweddion adeiladu

24. Dethol a defnyddio'r cyfarpar cywir ar gyfer gweithgarwch gosod

25. Symud elfennau o systemau nwy a daearu sydd eisoes yn bodoli yn ôl gofyn y cynllun gosod

26. Gwirio mesurydd a rheoleiddiwr nwy newydd am unrhyw ddiffygion, bod y seiliau yn addas, bod unrhyw becynnau wedi'u tynnu oddi yno a bod y llwybrau nwy yn glir

27. Cynhyrchu ac adeiladu elfennau o'r system mesurydd a rheoleiddiwr nwy fel y bo angen yn ôl y cynllun y gosodiad

28. Lleoli'r mesurydd a'r rheoleiddiwr nwy a chadarnhau eu bod yn cydymffurfio â'r lleoliad a'r cliriad sydd eu hangen yn ôl gofyn safonau'r gwneuthurwr a'r diwydiant

29. Lleoli unrhyw hidlwyr a phwyntiau'r profion pwysedd a chadarnhau eu bod yn cydymffurfio â'r lleoliad a'r cliriad sydd eu hangen yn ôl gofyn safonau'r gwneuthurwr a'r diwydiant

30. Darparu'r system awyru ofynnol ar gyfer gosodiadau a systemau mesuryddion a rheoleiddwyr nwy newydd neu ailosodiadau

31. Sicrhau bod systemau nwy sydd eisoes yn bodoli yn lân a heb unrhyw weddillion

32. Atgyweirio a chysylltu elfennau o systemau nwy a daearu â gosodiad y mesurydd a'r rheoleiddiwr nwy

33. Sicrhau y caiff y mesurydd nwy ei orchuddio â nwy yn unol â chyfarwyddiadau'r gwneuthurwr ar osodiadau mesuryddion dadleoli rotari

34. Cap, plwg neu falf o unrhyw dapiau na chaiff eu defnyddio ac unrhyw bwyntiau fentiau neu gliriadau

35. Defnyddio gweithdrefnau profion tyndra a chlirio i gadarnhau uniondeb y mesurydd a'r rheoleiddiwr nwy a'r system nwy a osodwyd

36. Cwblhau ac atodi hysbysiad argyfwng ar y mesurydd neu'n agos at neu ar yr ECV os yw'n bell o'r mesurydd cynradd

37. Cymryd camau gweithredu rhagofalus er mwyn atal y defnydd anawdurdodedig o fesuryddion a rheoleiddwyr nwy, cyfarpar nwy, systemau nwy ac elfennau sydd heb eu comisiynu drwy weithdrefnau ynysu a'r defnydd o hysbysiadau rhybudd

Comisiynu a chomisiynu mesuryddion a rheoleiddwyr nwy sy'n uwch na 1076m3/awr ymlaen llaw ar systemau nwy â phwysedd isel a chanolig

38. Cadarnhau bod yr holl waith gosod ar gyfer y mesurydd a'r rheoleiddiwr nwy yn cydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a'r Safonau Adeiladu

39. Gwirio y bydd amodau o fewn y systemau nwy a thrydan yn sicrhau y gellir comisiynu'n ddiogel

40. Dethol a defnyddio'r cyfarpar cywir ar gyfer gweithgarwch comisiynu

41. Gwirio a chadarnhau bod pwyseddau gweithredu'r system nwy yn cydymffurfio â safonau'r diwydiant a'u bod rhwng 19 a 23mbar, a chysylltu â'r cyflenwr nwy os byddant yn anghywir

42. Sicrhau y caiff yr addasiadau a'r gweithdrefnau ail-selio mesuryddion a rheoleiddwyr eu perfformio gan Osodwyr Mesuryddion Cymeradwy

43. Ail-gadarnhau bod y gofynion awyru yn cydymffurfio â safonau'r diwydiant ar gyfer y gwaith gosod

44. Gosodiadau mesuryddion dadleoliad rotari - sicrhau bod y mesurydd wedi'i orchuddio ag olew yn gywir yn unol â chyfarwyddiadau'r gwneuthurwr

45. Gwirio a chadarnhau gweithrediad y mesurydd a'r rheoleiddiwr nwy ac elfennau er mwyn sicrhau eu bod yn gweithredu'n ddiogel ac yn gweithredu yn unol â chyfarwyddiadau'r gwneuthurwr, safonau'r diwydiant a'r Safonau Prydeinig

46. Gwirio a chadarnhau bod system a'r cyfarpar daearu yn gweithredu'n ddiogel ac yn unol â safonau'r diwydiant

47. Gosodiadau â mesurydd dargyfeirio – sicrhau bod falfiau'r system ddargyfeirio wedi'u cau a'u hail-selio ar ôl comisiynu gosodiad y mesurydd nwy a nodi hyd y cyfnod y mae'r system wedi'i dargyfeirio

48. Hyfforddi deiliad yr eiddo ar sut i weithredu gosodiad y mesurydd a'r rheoleiddiwr nwy yn gywir a darparu copi o unrhyw lenyddiaeth ar eu cyfer

Defnyddio a chyfathrebu data a gwybodaeth er mwyn cwblhau'r gwaith o ddatgomisiynu, gosod a chomisiynu

49. Ymgysylltu â deiliad yr eiddo a phobl eraill a gaiff eu heffeithio gan y gwaith yn ystod y prosesau cynllunio, datgomisiynu, gosod a chomisiynu i sicrhau'r aflonyddwch lleiaf ar y swydd

50. Defnyddio dogfennau normadol, safonau'r diwydiant, Safonau Prydeinig a gwybodaeth o gyfarwyddiadau'r gwneuthurwr ar gyfer yr elfennau, mesurydd a'r rheoleiddiwr nwy i sicrhau y caiff y gwaith ei gwblhau yn unol â'r fanyleb

51. Cynghori ar unrhyw oedi i'r gwaith, sefyllfaoedd peryglus a chamau unioni gofynnol i'r rheini sydd angen y wybodaeth

52. Sicrhau bod y cwsmer yn fodlon â'r gwaith terfynol

53. Cwblhau cofnodion a dogfennaeth yn cadarnhau bod elfennau, mesurydd a'r rheoleiddiwr nwy yn cael eu comisiynu'n ddiogel

54. Cwblhau cofnodion datgomisiynu mesurydd nwy a'r system nwy

Datrys problemau o fewn eich maes cyfrifoldeb a'ch cymhwysedd eich hun a allai effeithio ar y broses o ddatgomisiynu, gosod a chomisiynu

55. Unioni problemau o fewn eich cyfrifoldeb a'ch cymhwysedd eich hun a rhoi gwybod am ddiffygion mewn gwasanaethau mewnbwn nwy a daearu

56. Datrys problemau yn unol â gweithdrefnau cymeradwy yn yr achosion canlynol:

56.1. lle y mae gwiriadau a phrofion cyn ymgymryd â'r gwaith o gomisiynu yn datgelu diffygion yn y mesurydd a'r rheoleiddiwr nwy, y system nwy ac elfennau

56.2. lle nad yw'r mesurydd a'r rheoleiddiwr nwy, y system nwy ac elfennau a gaiff eu comisiynu yn bodloni'r gofynion dylunio

56.3. lle na ellir adfer y mesurydd a'r rheoleiddiwr nwy, y system nwy a'r elfennau i'w perfformiad llawn

Gwybodaeth a Dealltwriaeth

You need to know and understand:

Gwybodaeth Gyffredinol

1. Rheoliadau a chanllawiau sy'n llywodraethu iechyd a diogelwch yn y gweithle, diogelwch amgylcheddol a'r defnydd o asesiadau risg

2. Deddfwriaeth sy'n cwmpasu dyletswyddau cyffredinol y gweithredwr ar gyfer eu diogelwch eu hunain a diogelwch eraill

3. Cyfyngiadau eich ymreolaeth a'ch dyletswydd eich hun

Datgomisiynu, gosod a chomisiynu mesuryddion a rheoleiddwyr nwy sy'n uwch na 1076m30awr ar systemau nwy â phwysedd isel a chanolig

4. Y ffactorau iechyd, diogelwch ac amgylcheddol y mae angen eu hymgorffori i'r asesiad risg ar gyfer y broses osod annomestig

5. Mynediad diogel a gweithio gydag uchderau

6. Y cyfarpar sydd eu hangen er mwyn sicrhau mynediad diogel i weithio gydag uchder, neu mewn mannau cyfyngedig

7. Y dulliau o weithio sy'n diogelu addurniad adeiladau, eiddo cwsmeriaid a'r systemau a'r elfennau sydd eisoes yn bodoli

8. Gofynion gofalu a chynnal a chadw cyfarpar, a gwiriadau ar gyfer cyflwr diogel

9. Y cyfarpar, deunyddiau a'r elfennau sydd eu hangen ar gyfer datgomisiynu, gosod a chomisiynu'r cyfarpar/system nwy – gweithdrefnau archebu, cyflenwi, cynghori, gwirio a chynnal

10. Sut i storio cyfarpar, deunyddiau ac elfennau'n ddiogel er mwyn lleihau colled neu wastraff

11. Y peryglon posibl a allai godi o'r holl weithgarwch o ddatgomisiynu, gosod a chomisiynu a'r gwiriadau i'w cwblhau cyn i'r gwaith gychwyn

12. Y camau i'w cymryd os na fydd deunyddiau, elfennau a chyfarpar ar gael ar y safle i alluogi’r gweithgarwch datgomisiynu, gosod a chomisiynu

13. Sut a ble i gael mynediad at y wybodaeth ofynnol a'i dehongli'n gywir, gan gynnwys dogfennau normadol, dogfennau canllawiau safonau'r diwydiant, Safonau Prydeinig a chyfarwyddiadau'r gwneuthurwr sy'n gymwys i'r cyfarpar, i sicrhau y caiff y gwaith ei gwblhau i gydymffurfio â safonau'r fanyleb a'r diwydiant

14. Sut i gael mynediad at y wybodaeth ofynnol a'i dehongli gan gynnwys y dogfennau normadol, dogfennau'n ymwneud â safon y diwydiant, Safonau Prydeinig a chyfarwyddiadau'r gwneuthurwr

sy'n berthnasol i'r mesurydd a'r rheoleiddiwr nwy er mwyn sicrhau y caiff y gwaith ei gwblhau yn unol â safonau'r fanyleb a'r diwydiant

15. Sut i fesur a chofnodi manylion y gwaith gosod a'r safle at ddibenion rhag-gynhyrchu

16. Sut i gadarnhau bod gofynion y cyflenwad nwy, cyflenwad daearu a'r system awyru yn ddigonol er mwyn gosod y mesurydd a'r rheoleiddiwr nwy a'r elfennau newydd neu er mwyn ymestyn y system neu ychwanegu elfennau at bwyseddau isel a chanolig

17. Defnyddio dulliau, profion a gweithdrefnau dynodedig ar gyfer ynysu'n ddiogel er mwyn datgomisiynu mesuryddion a rheoleiddwyr nwy, systemau nwy, elfennau a systemau daearu

18. Y gweithdrefnau ar gyfer datgomisiynu mesuryddion a rheoleiddwyr nwy, systemau nwy ac elfennau dros dro ac yn barhaol gan gynnwys defnyddio bondiau parhad dros dro

19. Y rhagofalon i sicrhau nad yw'r mesuryddion a rheoleiddwyr nwy, systemau nwy ac elfennau sydd wedi'u datgomisiynu yn achosi perygl diogelwch

20. Y mesurau i atal mesuryddion a rheoleiddwyr nwy, systemau nwy ac elfennau sydd wedi'u datgomisiynu rhag cael eu defnyddio mewn gweithrediadau drwy hysbysiadau diogelwch a rhybudd

21. Yr angen i ymgysylltu ag eraill lle y gellir effeithio ar eu gweithdrefnau a'u harferion drwy wahardd gweithrediad y mesurydd a'r rheoleiddiwr nwy, system nwy ac elfennau

22. Y camau yn ystod y broses o ddatgomisiynu, gosod a chomisiynu lle y bydd angen cydweithio ac ymgysylltu â masnachau a deiliaid eiddo eraill o bosibl

23. Sut i nodi'r canlynol:

23.1. gosodiadau'r mesurydd nwy sy'n ymgorffori falfiau cau a gofynion gosod safonau'r gwneuthurwr a'r diwydiant

23.2. gosodiadau â phwysedd isel a chanolig a gofynion gosod safonau'r gwneuthurwr a'r diwydiant

23.3. gosodiadau'r mesurydd nwy sy'n ymgorffori mesurydd dargyfeirio

24. Arferion y diwydiant a safonau'r gwaith er mwyn cynhyrchu a gosod falfiau rheolaeth frys (ECVs) a falfiau mewnfa mesurydd (MIVs)

25. Y gweithdrefnau a'r dulliau gwaith ar gyfer cysylltu er mwyn mewnosod gwasanaethau gan gynnwys; systemau nwy, daearu ac awyru

26. Arferion y diwydiant a'r safonau gwaith ar gyfer y canlynol:

26.1. cynhyrchu a gosod mesuryddion a rheoleiddwyr nwy annomestig casgliadol a dadleoliad cadarnhaol fel gosodiad mesurydd cynradd neu eilaidd

26.2. cynhyrchu a gosod mesuryddion a rheoleiddwyr nwy annomestig casgliadol a dadleoliad cadarnhaol ac elfennau ar osodiadau â phwyseddau isel a chanolig, i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

26.3. datgomisiynu, gosod a chomisiynu mesuryddion a rheoleiddwyr nwy casgliadol a dadleoliad cadarnhaol â mesurydd dargyfeirio

26.4. cynhyrchu a gosod hidlwyr a phwyntiau profion pwysedd

26.5. cynhyrchu a gosod mesuryddion a rheoleiddwyr nwy annomestig casgliadol a dadleoliad cadarnhaol ac elfennau mewn mesuryddion tai ac adrannau, gan gynnwys gosodiadau â phwysedd isel a chanolig

26.6. gosod cyfarpar diogelwch rhag difrod mecanyddol ar gyfer mesuryddion a rheoleiddwyr nwy casgliadol annomestig a dadleoliad cadarnhaol ac elfennau

26.7. lleoliad cyflenwad nwy a gwasanaethau eraill a allai effeithio ar y gosodiad gan ystyried y ffactorau a allai effeithio ar y lleoliad

26.8. y ddarpariaeth o system awyru wrth osod mesuryddion a rheoleiddwyr nwy casgliadol annomestig a dadleoliad cadarnhaol Arferion y diwydiant a safonau'r gwaith ar gyfer cynhyrchu a gosod hidlwyr a phwyntiau profion

26.9. cynhyrchu a gosod mesuryddion a rheoleiddwyr nwy annomestig casgliadol a dadleoliad cadarnhaol ac elfennau mewn mesuryddion tai ac adrannau, gan gynnwys gosodiadau â phwysedd isel a chanolig

26.10. cynhyrchu a gosod cyfarpar diogelwch rhag difrod mecanyddol ar gyfer mesuryddion a rheoleiddwyr nwy casgliadol annomestig a dadleoliad cadarnhaol ac elfennau

27. Y gofynion lleoli ac atgyweirio mesuryddion a rheoleiddwyr nwy casgliadol domestig ac annomestig a dadleoliad cadarnhaol ac elfennau ar osodiadau â phwyseddau isel a chanolig, i gydymffurfio â manyleb y gwneuthurwr, safonau'r diwydiant, Rheoliadau Diogelwch Nwy (Gosod a Defnyddio), Safonau Prydeinig a Rheoliadau Adeiladu

28. Sut i nodi gosodiadau mesurydd nwy sy'n ymgorffori mesurydd dargyfeirio

29. Y broses a'r gweithdrefnau, y cyfarpar a'r gofynion deddfwriaethol ar gyfer cynnal profion tyndra a chlirio ar gyfer mesuryddion a rheoleiddwyr nwy casgliadol annomestig a dadleoliad cadarnhaol, systemau nwy ac elfennau ar bwyseddau isel a chanolig yn unol â'r Safonau Prydeinig presennol. Yr arferion a'r dilyniannau ar gyfer comisiynu mesuryddion a rheoleiddwyr nwy casgliadol annomestig a dadleoliad cadarnhaol ac elfennau yn unol â manyleb y gwneuthurwr a safonau'r diwydiant

30. Y gweithdrefnau er mwyn gwirio gweithrediad a pherfformiad cywir mesuryddion a rheoleiddwyr nwy casgliadol annomestig a dadleoliad cadarnhaol ac elfennau a'u gwirio yn erbyn y fanyleb dylunio a Safonau Prydeinig

31. Y gweithdrefnau er mwyn gwirio gweithrediad mesuryddion a rheoleiddwyr nwy dadleoliad cadarnhaol domestig ac annomestig ac elfennau er mwyn sicrhau eu bod yn gweithredu'n ddiogel ac yn gweithredu yn unol â chyfarwyddiadau'r gwneuthurwr a safonau'r diwydiant

32. Y gweithdrefnau er mwyn gwirio y caiff gosodiadau mesuryddion dadleoliad rotari eu gorchuddio ag olew yn gywir yn unol â chyfarwyddiadau'r gwneuthurwr

33. Y gweithdrefnau er mwyn gwirio a chadarnhau bod pwysedd gweithredu'r system nwy yn gywir a'r camau i'w cymryd os yw'n anghywir

34. Y gweithdrefnau ar gyfer gwneud addasiadau i reoleiddwyr mesuryddion

35. Sut i gwblhau'r holl ddogfennaeth, labeli a chofnodion o ran gosodiadau mesuryddion nwy domestig ac annomestig a'u comisiynu er mwyn eu gadael gyda deiliad yr eiddo gan gynnwys Meincnodau, cofnod diogelwch nwy y Landlord/Perchennog y Cartref, hysbysiadau argyfwng, labeli ECV, cofnodion profion pwyseddau, labeli dargyfeirio, labeli pwysedd canolig, nodi manylion y mesurydd ar gyfer y cyflenwr nwy ar ddogfennaeth y gwaith a label y mesurydd, ac ati.

36. Gweithdrefnau trosglwyddo'r system ac arddangos gweithrediad mesuryddion a rheoleiddwyr nwy dadleoliad cadarnhaol domestig ac annomestig ac elfennau i ddefnyddwyr terfynol

37. Y camau i'w cymryd pan fydd problemau'n codi yn y gweithgarwch gwaith

38. Strwythurau rheoli gwaith a dulliau adrodd am gynnydd gwaith a'i gofnodi neu broblemau sy'n oedi cynnydd

39. Sut i gasglu a gwaredu cynnwys systemau a allai fod yn beryglus i iechyd neu'r amgylcheddau yn ddiogel

40. Sut i ynysu cyfarpar nwy, systemau nwy ac elfennau nad ydynt yn ddiogel ynghyd â defnyddio gweithdrefnau sefyllfaoedd peryglus y diwydiant nwy

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Mae “Ffyrnau” yn cyfeirio at Ffyrnau Rhydd-Sefyll, Gosodedig, Platiau Poeth, Griliau, Ffyrnau Mawr, Tanwydd Deuol.

Mae "Cyfarpar Hamdden" yn cyfeirio at Wresogyddion Tai Gwydr, Barbeciwiau,Gwresogyddion Patio, Cyfarpar 'Flambeaux' Nwy a Goleuadau Nwy Awyr Agored

Mae "Mesuryddion Casgliadol" yn cyfeirio at; Fesuryddion tyrbin, Mesuryddion agennau, Mesuryddion Venturi, Mesuryddion tiwb pitot, Mesuryddion mewnosod, Anemomedrau Gwifren Boeth, Rotafesuryddion a mesuryddion Uwchsonig

Mae "Mesuryddion Dadleoliad Cadarnhaol" yn cyfeirio at; Mesuryddion diaffram, Mesuryddion Dadleoliad Rotari a Mesuryddion Tyrbin

Mae "Safle Gwaith" yn cyfeirio at yr ardal lle caiff y gwaith ei gyflawni a'r holl ardaloedd y bydd y gwaith yn effeithio arnynt.

Mae "pwysedd isel" yn cyfeirio at bwyseddau mewnfa'r mesurydd hyd at 75mbar

Mae "pwysedd canolig" yn cyfeirio at bwyseddau mewnfa'r mesurydd rhwng 75mbar a 2bar

Mae "Mesurydd cynradd" yn cyfeirio at y mesurydd sydd agosaf at bibell gwasanaeth ac â llif i lawr ar gyfer canfod cyfaint y nwy a gyflenwir drwy'r bibell honno gan gyflenwr

Mae "Mesurydd eilaidd" yn cyfeirio at fesurydd, heblaw am fesurydd cynradd, er mwyn canfod faint o nwy a gaiff ei ddarparu gan berson i'w ddefnyddio gan berson arall

Mae "Gwasanaethau a Systemau" yn cyfeirio at ddŵr, gwres canolog, nwy, cyflenwad trydan, gwaredu cyddwyso, simneiau a systemau awyru

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

01 Rhag 2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

DGS 3.14

Galwedigaethau Perthnasol

Peirianegol, Gwyddoniaeth a Thechnegwyr Peirianegol

Cod SOC

5314

Geiriau Allweddol

gosod , nwy, mesuryddion , rheoleiddwyr, 1076m, cyfleustod, cyfleustodau