Achub yn uniongyrchol mewn argyfwng a chael pobl sydd wedi’u hanafu o fannau cyfyng
Trosolwg
Mae'r safon hon yn ymwneud â chyfarwyddo tîm i achub a chael pobl sydd wedi'u hanafu o fannau cyfyng. Nid oes angen i chi gael mynediad. Mae man cyfyng yn unrhyw le, gan gynnwys unrhyw siambr, tanc, cerwyn, seilo, pwll, ffos, pibell, carthffos, ffliw, ffynnon neu fan tebyg lle ceir risg benodol y gellir ei rhagweld yn rhesymol oherwydd ei natur gaeedig. Gallai'r risgiau arwain at anaf difrifol neu farwolaeth o ganlyniad i dân, ffrwydrad, nwy, mygdarthau, anwedd, diffyg ocsigen, lefelau cynyddol o hylif, mygu neu gaethiwo gan solidau sy'n llifo'n rhydd.
Bydd angen i dîm argyfwng fod ar gael pan fydd yr asesiad risg ar gyfer man cyfyng yn pennu ei fod yn angenrheidiol. Mae tîm argyfwng yn dîm ymroddedig a gall fod yn dîm mewnol, contractwyr arbenigol neu'r gwasanaethau brys trwy drefnu ymlaen llaw.
Mae'r safon hon yn cynnwys cynllunio a pharatoi ar gyfer gweithrediadau argyfwng, cynnull timau achub pan fydd argyfyngau'n codi, cyfarwyddo a monitro gweithgareddau achub mewn argyfwng, ac adrodd a sicrhau safleoedd ar ôl digwyddiadau ac argyfyngau.
Mae'r safon hon ar gyfer unrhyw un fel peiriannydd, cydlynydd, rheolwr neu oruchwyliwr sy'n cyfarwyddo gweithgareddau tîm ar gyfer achub neu adfer mewn mannau cyfyng.
Meini prawf perfformiad
Mae'n rhaid eich bod chi'n gallu:
cynnal asesiadau risg deinamig o amodau a sefyllfaoedd mewn mannau cyfyng drwy gydol y gwaith achub ac adfer
asesu ac addasu cynlluniau achub er mwyn ystyried amodau a sefyllfaoedd
trefnu bod yr holl gyfarpar achub a diogelwch a bennir mewn systemau gwaith diogel, ar y safle cyn i'r gwaith ddechrau
rhoi cyfarpar argyfwng a dyfeisiau adfer a thrin y rhai sydd wedi cael damwain, mewn mannau neu safleoedd hawdd eu cyrraedd
cadarnhau bod y cyfarpar a'r offer achub a diogelwch yn addas ar gyfer gweithgareddau achub ac adfer
cynnal gwiriadau cyn defnyddio cyfarpar achub a diogelwch i gadarnhau eu bod yn gweithio ac yn addas i allu cydymffurfio â deddfwriaeth gyfredol, manylion gwneuthurwyr a chodau ymarfer cymeradwy cyn dechrau gweithio
cadarnhau bod yr holl gyfarpar diogelu personol (PPE) penodedig yn addas a bodd modd ei ddefnyddio gyda'r cyfarpar achub a diogelwch sydd i'w wisgo cyn ei ddefnyddio
datrys unrhyw broblemau gyda chyfarpar diogelwch a rhoi gwybod i'r bobl briodol am ddiffyg cydymffurfio
gwneud yn siŵr bod systemau cyfathrebu mewn argyfwng yn cael eu sefydlu a'u profi er mwyn sicrhau eu bod yn gweithio cyn i'r gwaith achub ac adfer ddechrau
sicrhau bod pob aelod o'r tîm argyfwng a gweithwyr cymorth perthnasol oddi ar y safle yn ymwybodol o'r trefniadau mewn argyfwng, a gwneud yn siŵr eu bod yn deall ar adegau priodol
dadansoddi'r holl wybodaeth sydd ar gael am ddigwyddiadau ac argyfyngau cyn dechrau achub ac adfer
cadarnhau bod trefniadau argyfwng, gweithdrefnau a systemau cyfathrebu ar waith cyn mynd i mewn
defnyddio aelodau o'r tîm argyfwng a chadarnhau bod pob aelod o'r tîm argyfwng yn gwybod beth yw eu rolau ac yn eu deall cyn i'r gwaith achub ac adfer ddechrau
gwneud yn siŵr bod pob aelod o'r tîm argyfwng yn eu lle gydag offer diogelu personol priodol cyn dechrau mynd i mewn
sefydlu parthau gwahardd er mwyn atal pobl heb awdurdod rhag mynd i mewn16. gwneud yn siŵr bod pob aelod o'r tîm argyfwng yn cadw at weithdrefnau gweithio diogel a chyfarwyddiadau gwneuthurwyr ar gyfer cludo, gosod, addasu a defnyddio cyfarpar achub a diogelwch.
gwneud yn siŵr bod pob aelod o'r tîm argyfwng yn mynd i mewn i fannau cyfyng fel y rhagnodwyd ar gyfer argyfyngau ac yn cynnal ffordd ddiogel o ddianc
gwneud yn siŵr bod pob aelod o'r tîm argyfwng yn cynnal gweithgareddau achub ac adfer yn unol â gweithdrefnau
cyflwyno cyfarpar ac offer achub a diogelwch mewn mannau cyfyng fel y nodir yng nghyfarwyddiadau a gweithdrefnau'r cyflogwyr
monitro gweithdrefnau achub ac adfer yn barhaus
cyfathrebu'n rheolaidd â thimau gwaith argyfwng ar bob cam o weithgareddau achub ac adfer
asesu, blaenoriaethu a thrin y rhai sydd wedi'u hanafu yn unol â gweithdrefnau brys
dilyn a gweithdrefnau brys a'u cynnal drwy gydol digwyddiadau ac argyfyngau
monitro amodau a risgiau mewn mannau cyfyng yn ogystal â chyfarpar achub a diogelwch yn barhaus yn ystod gwaith achub ac adfer
gwirio a chofnodi darlleniadau amgylcheddol yn rheolaidd a newid gweithgareddau achub ac adfer er mwyn datrys problemau a ddangosir gan wybodaeth o gyfarpar monitro
cymryd camau ar unwaith er mwyn rheoli risgiau a chywiro unrhyw weithgaredd, cyfarpar ac amodau amgylcheddol anniogel
trefnu bod cymorth cyntaf sylfaenol ar gael pan fo hynny'n briodol ar gyfer y rhai sydd wedi'u hanafu a'u hadfer i'r wyneb
rhoi digon o wybodaeth berthnasol i'r gwasanaethau brys wrth drosglwyddo'r rhai sydd wedi'u hanafu
adfer a symud cyfarpar ac offer o fannau cyfyng yn unol â gweithdrefnau pan ganiateir hynny
sefydlu a chynnal parthau gwahardd mewn mannau perthnasol yn unol â gweithdrefnau deddfwriaethol ar gyfer ymchwilio ar ôl digwyddiad
cofnodi argyfyngau a'u hamgylchiadau ac adrodd amdanynt yn unol â gweithdrefnau deddfwriaethol y sefydliad
rhoi'r cyfarpar a ddefnyddiwyd yn y man dynodedig er mwyn rhoi gwasanaeth iddo ar ôl ei ddefnyddio
Gwybodaeth a Dealltwriaeth
You need to know and understand:
prif egwyddorion mannau cyfyng cyfredol, y ddeddfwriaeth a'r rheoliadau iechyd a diogelwch sy'n ymwneud ag achub mewn argyfyngau mewn mannau cyfyng a defnyddio cyfarpar diogelwch
y codau ymarfer a'r canllawiau sydd wedi'u cymeradwyo ar gyfer gweithio mewn mannau cyfyng
sut i gael gafael ar systemau gwaith diogel ar gyfer mannau cyfyng a'u dehongli
goblygiadau polisïau diod a chyffuriau'r sefydliad
y gweithdrefnau ar gyfer mynd i'r afael ag argyfyngau, digwyddiadau a damweiniau fu ond y dim iddynt ddigwydd, achub ac adfer
yr hyn sydd wedi'i gynnwys mewn cynlluniau argyfwng gan gynnwys sut i ddelio â marwolaethau
cyfrifoldebau tîm achub a'i aelodau unigol
sut i ddefnyddio awdurdodiadau gwaith a thrwyddedau
y diffiniad o gynlluniau dosbarthu a'r hyn sy'n diffinio mannau cyfyng a'u natur a'u nodweddion
diffiniadau o sefyllfaoedd peryglus a gwahanol fathau o beryglon a chategorïau ohonynt
y mathau o fannau a allai fynd yn gyfyng gan fod risg a nodwyd yno
y peryglon, y sylweddau a'r sefyllfaoedd sy'n gysylltiedig â mannau cyfyng
asesiad deinamig o sut i leihau'r risg o anaf i chi'ch hun, cydweithwyr a'r cyhoedd
y camau y gellir eu cymryd i leihau risg hyd at lefel dderbyniol er mwyn achub ac adfer
mathau o gyfarpar diogelwch, dianc ac argyfwng, sut i'w ddefnyddio, a'i gyfyngiadau
sut a ble i leoli cyfarpar achub
sut i baratoi ar gyfer y tywydd ac ymdopi ag ef
y dulliau a'r technegau ar gyfer defnyddio cyfarpar diogelu personol a'i wisgo
cyfarwyddiadau gwneuthurwyr sy'n ymwneud ag archwilio a defnyddio cyfarpar diogelwch, dianc ac argyfwng gan gynnwys cyfarpar diogelu rhag cwympo, cyfarpar achub cynorthwyol, cyfarpar anadlu hunangynhwysol a llinell aer
ffynonellau gwybodaeth am ddigwyddiadau ac argyfyngau gan gynnwys mapiau, lluniadau technegol, darlleniadau o gyfarpar monitro, adroddiadau gan y person wrth y llyw
eich rôl wrth arwain gwaith achub ac adfer mewn argyfwng o ran sicrhau bod aelodau'r tîm argyfwng a gwaith yn cadw'n ddiogel
cyfyngiadau'r cyfarpar anadlu sy'n cael ei ddefnyddio gan aelodau'r tîm argyfwng a gwaith ac am ba mor hir y gellir ei ddefnyddio
sut i ddefnyddio byrddau cyfrif a chofnodion o ddigwyddiadau ar gyfer rheoli gweithrediadau achub
rôl aelodau'r tîm argyfwng wrth roi cymorth cyntaf sylfaenol a phryd mae'n briodol iddynt wneud hynny
defnydd diffibrilwyr allanol awtomataidd (AED) ac unedau therapi ocsigen (dadebru) a phryd mae'n briodol eu defnyddio
y gweithdrefnau ar gyfer mynd i mewn a gweithdrefnau gweithio, a'r cysylltiad rhwng gweithdrefnau, cynlluniau achub ac asesiadau risg
pam mae'n bwysig bod yn effro i risgiau a pheryglon
y gwahanol fathau o gyfarpar monitro, eu cyfyngiadau a sut i'w defnyddio
gweithdrefnau diheintio
pam mae'n bwysig datrys problemau sy'n ymwneud ag aelodau'r tîm argyfwng neu waith ar unwaith a gyda phwy mae angen eu datrys, gan gynnwys pan fydd pobl neu sefydliadau eraill yn cymryd rhan
dulliau cyfathrebu ar gyfer cadw mewn cysylltiad â phobl eraill i'w defnyddio pan mae argyfyngau mewn mannau cyfyng
sut i beidio ag amharu ar safle er mwyn galluogi ymchwiliad pellach yn dilyn argyfyngau a sefyllfaoedd achub
cyfarwyddiadau a gweithdrefnau gwneuthurwyr ar gyfer paratoi offer a chyfarpar, eu harchwilio a'u defnyddio, a lle dylai cyfarpar diffygiol neu sydd wedi'i ddefnyddio gael ei roi er mwyn rhoi gwasanaeth iddo neu ei gynnal ar ôl ei ddefnyddio
y systemau adrodd ar gyfer sefyllfaoedd argyfwng a datrys problemau
y wybodaeth bwysig i'w rhoi i'r gwasanaethau brys am bobl sydd wedi'u hanafu a sut i roi gwybod am hyn