Cynllunio, rheoli ac adolygu cydymffurfiad deddfwriaethol a diogelwch ar gyfer gwaith mewn mannau cyfyng

URN: EUSC06
Sectorau Busnes (Cyfresi): Mannau Cyfyng
Datblygwyd gan: Energy & Utility Skills
Cymeradwy ar: 2020

Trosolwg

Mae'r safon hon yn ymwneud â rheoli cydymffurfiad deddfwriaethol a diogelwch ar gyfer gwaith mewn mannau cyfyng. Mae man cyfyng yn unrhyw le, gan gynnwys unrhyw siambr, tanc, cerwyn, seilo, pwll, ffos, pibell, carthffos, ffliw, ffynnon neu fan tebyg lle ceir risg benodol y gellir ei rhagweld yn rhesymol oherwydd ei natur gaeedig. Gallai'r risgiau arwain at anaf difrifol neu farwolaeth o ganlyniad i dân, ffrwydrad, nwy, mygdarthau, anwedd, diffyg ocsigen, lefelau cynyddol o hylif, mygu neu gaethiwo gan solidau sy'n llifo'n rhydd.

Mae'n cynnwys cynllunio, trefnu a rheoli gwaith yn ddiogel mewn mannau cyfyng gan gynnwys rolau a chyfrifoldebau deddfwriaethol, ystyriaethau iechyd a diogelwch a gofynion o ran cyfarpar. Mae'n cynnwys:

  • cymhwyso gofynion deddfwriaethol a diwydiant perthnasol ar gyfer mannau cyfyng
  • datblygu asesiadau risg
  • penderfynu ar gamau rheoli addas
  • datblygu systemau gwaith diogel
  • sefydlu gweithdrefnau effeithiol ar gyfer defnyddio trwyddedau i weithio
  • datblygu trefniadau effeithiol ar gyfer argyfyngau
  • gweithredu a chynnal trefniadau effeithiol ar gyfer storio, adolygu ac archwilio dogfennau.

Mae'r safon hon ar gyfer rheolwyr sy'n gyfrifol am drefnu, cynllunio a rheoli cydymffurfiad deddfwriaethol a diogelwch ar gyfer gwaith mewn lleoedd cyfyng. Ni fydd y rheolwr o reidrwydd yn goruchwylio'r gwaith o dan sylw.


Meini prawf perfformiad

Mae'n rhaid eich bod chi'n gallu:

  1. nodi gweithgareddau gwaith sy'n cynnwys mannau cyfyng

  2. penderfynu ar ddosbarth y mannau cyfyng ar sail eu disgrifiad a'r tasgau gwaith pan fo hynny'n berthnasol

  3. nodi'r cymwyseddau sy'n ofynnol i ddatblygu systemau gwaith diogel ac effeithiol i reoli gweithgareddau gwaith mewn mannau cyfyng

  4. cael gwybod beth yw'r gofynion deddfwriaethol a sefydliadol ar gyfer gweithgareddau gwaith a gynhelir mewn mannau cyfyng

  5. pennu'r nifer lleiaf o bobl sydd eu hangen i ymgymryd â gweithgareddau gwaith mewn mannau cyfyng

  6. datblygu a gweithredu systemau gwaith addas a digonol ar gyfer mannau cyfyng

  7. nodi cymwyseddau'r bobl sydd eu hangen i weithio ym mhob man cyfyng a nodwyd

  8. penderfynu pryd a sut y dylid defnyddio trwyddedau i weithio mewn mannau cyfyng

  9. cadarnhau bod yr holl bobl berthnasol yn deall eu rolau a'u cyfrifoldebau

  10. monitro, archwilio ac adolygu systemau gwaith diogel yn ôl yr angen

  11. nodi peryglon sy'n gysylltiedig â gweithio mewn mannau cyfyng gan gynnwys pwy allai gael ei niweidio a sut

  12. gwerthuso risgiau a nodi'r camau rheoli sydd eu hangen i'w lliniaru

  13. cofnodi canfyddiadau asesiadau risg mewn dogfennaeth briodol

  14. adolygu a diweddaru asesiadau risg yn ôl yr angen i gynnal iechyd a diogelwch ar gyfer gwaith mewn mannau cyfyng

  15. defnyddio asesiadau risg i bennu'r math a nifer y camau rheoli ar gyfer peryglon penodol mewn mannau cyfyng er mwyn sicrhau bod iechyd a diogelwch yn cael eu cynnal

  16. pennu'r profion angenrheidiol er mwyn gwirio effeithiolrwydd camau rheoli ar gyfer y peryglon mewn mannau cyfyng

  17. nodi'r gweithdrefnau sy'n ofynnol ar gyfer gweithio'n ddiogel mewn mannau cyfyng

  18. pennu'r cofnodion sy'n gysylltiedig â'r camau rheoli a pha mor aml y caiff y rhain eu hadnewyddu a'u hadolygu

  19. pennu cyfansoddiad, cymwyseddau a galluoedd corfforol a niferoedd y timau gwaith i allu gweithio mewn mannau cyfyng gan ddefnyddio dulliau rheoli cydnabyddedig

  20. nodi'r cyfarpar arbenigol i reoli peryglon a ganfyddir a rhai a ragwelir

  21. pennu'r drefn ar gyfer sefydlu, dilysu a chynnal camau rheoli peryglon a rhoi gwybod i'r tîm gwaith amdanynt

  22. sefydlu trefniadau effeithiol ar gyfer delio â sefyllfaoedd argyfwng a allai godi

  23. pennu cwmpas y gwaith sy'n gorfod cael trwyddedau i weithio mewn mannau cyfyng

  24. nodi'r gweithwyr sydd eu hangen i weithredu'r camau rheoli a ddarperir gan drwyddedau i weithio

  25. cwblhau'r cofnodion a'r dogfennau angenrheidiol sy'n ofynnol gan drwyddedau i weithio

  26. sefydlu gweithdrefn er mwyn sicrhau bod timau gwaith yn cael eu hysbysu ynglŷn â'u rôl/rolau a'u dyletswyddau o dan drwyddedau i weithio

  27. pennu'r ymatebion argyfwng sy'n ofynnol ar gyfer tasgau penodol sydd wedi cael asesiad risg mewn mannau cyfyng

  28. pennu trefniadau addas a digonol ar gyfer cymorth cyntaf

  29. sicrhau bod gan yr holl weithwyr perthnasol y cymhwysedd a'r awdurdodiad perthnasol ar gyfer eu rôl

  30. sicrhau bod timau gwaith ac unrhyw gynorthwywyr allanol yn deall y gweithdrefnau ymateb i argyfwng a'r trefniadau cymorth cyntaf

  31. cwblhau dogfennaeth am fannau cyfyng a'u cadw yn unol â gofynion deddfwriaethol a sefydliadol

  32. adolygu'r dogfennau a ddefnyddir ar gyfer gweithgareddau gwaith mewn mannau cyfyng er mwyn sicrhau bod cofnodion cywir yn cael eu cynnal

  33. cynnal archwiliadau o'r system reoli a ddefnyddir i reoli gweithgareddau gwaith mewn mannau cyfyng er mwyn sicrhau bod cydymffurfiad statudol yn cael ei gynnal

  34. cynnal cymwysterau a hyfforddiant parhaus ar gyfer y rôl hon yn unol â gofynion deddfwriaethol


Gwybodaeth a Dealltwriaeth

You need to know and understand:

  1. prif egwyddorion mannau cyfyng cyfredol, iechyd a diogelwch a deddfwriaeth a rheoliadau amgylcheddol

  2. codau ymarfer, canllawiau a safonau sydd wedi'u cymeradwyo ar gyfer gweithio mewn mannau cyfyng

  3. yr ystod o asesiadau risg a allai fod angen eu cynhyrchu i gydymffurfio â gweithgareddau gwaith a gynhelir mewn man cyfyng

  4. y ddyletswydd ddeddfwriaethol a roddir i gyflogwr, rheolwr, goruchwyliwr a gweithredwr sy'n gysylltiedig â gweithgareddau gwaith mewn man cyfyng

  5. gofynion sefydliadol sy'n berthnasol i weithgareddau gwaith mewn man cyfyng

  6. y broses 5 cam o gynhyrchu asesiadau risg

  7. y peryglon sy'n gynhenid i fan cyfyng wrth ymgymryd â gweithgareddau gwaith

  8. y peryglon sy'n cael eu trosglwyddo i fan cyfyng wrth ymgymryd â gweithgareddau gwaith

  9. yr hierarchaeth sy'n ofynnol gan statudau ar gyfer rheoli peryglon

  10. cynlluniau dosbarthu ar gyfer cymhlethdod mynediad

  11. sut i bennu difrifoldeb peryglon a lefelau risg

  12. y grwpiau o bobl sy'n debygol o gael eu heffeithio gan weithgareddau gwaith sy'n gysylltiedig â mannau cyfyng

  13. y cymwyseddau sy'n ofynnol ar gyfer gweithwyr sy'n ymwneud â gweithgareddau gwaith mewn mannau cyfyng gan gynnwys gwaharddiadau meddygol, ffactorau dynol, materion ergonomig

  14. mathau o systemau awyru gan gynnwys o dan ba amgylchiadau y byddai defnyddio'r rhain yn fwyaf effeithiol

  15. yr offer monitro amgylcheddol sydd ar gael ar gyfer gweithgareddau gwaith mewn mannau cyfyng

  16. y cyfundrefnau monitro amgylcheddol sy'n ofynnol i allu gwneud gwaith yn ddiogel

  17. y cyfarpar sydd ar gael ar gyfer mynd i mewn i fannau cyfyng

  18. y cyfarpar a'r offer y gellir eu defnyddio yn yr amgylchedd gwaith o dan sylw

  19. sut i wneud yn siŵr bod y cyfarpar a'r offer yn addas at y diben

  20. y cyfarpar anadlol amddiffynnol sydd ar gael ar gyfer gweithgareddau gwaith mewn mannau cyfyng

  21. y cyfarpar anadlol amddiffynnol personol sydd ar gael ar gyfer gweithgareddau gwaith mewn mannau cyfyng

  22. y camau perthnasol ar gyfer rheoli "risgiau penodedig" yn effeithiol sy'n gysylltiedig â gweithgareddau gwaith mewn mannau cyfyng

  23. sut i werthuso effeithiolrwydd y camau rheoli sydd ar waith ar hyn o bryd a'r rhai arfaethedig

  24. gweithdrefnau diheintio

  25. yr elfennau sydd eu hangen ar gyfer system ddiogel a dulliau gweithio

  26. y ffynonellau gwybodaeth sydd ar gael i helpu i ddatblygu dull diogel o weithio

  27. y drefn ar gyfer cynnal gweithgareddau gwaith mewn mannau cyfyng

  28. y cyfarpar sydd ei angen i ymgymryd â gweithgareddau gwaith mewn mannau cyfyng

  29. rolau a chyfrifoldebau'r rhai sy'n ymwneud â gweithgareddau gwaith mewn mannau cyfyng

  30. y dulliau cyfathrebu sy'n addas ar gyfer gweithgareddau gwaith mewn mannau cyfyng

  31. pryd y dylid rhoi trwyddedau i weithio

  32. sut i roi trwyddedau i weithio

  33. perthnasedd trwyddedau i weithio ar gyfer gweithgareddau mewn mannau cyfyng

  34. yr elfennau sydd eu hangen ar gyfer trwyddedau i weithio

  35. rolau a chyfrifoldebau'r gweithwyr sy'n ymwneud â gweithgareddau mewn mannau cyfyng o dan system trwydded i weithio

  36. sut gall sefyllfaoedd argyfwng godi mewn mannau cyfyng

  37. rolau a chyfrifoldebau gweithwyr sy'n ymwneud â gweithgareddau gwaith mewn mannau cyfyng pe byddai argyfwng yn codi

  38. systemau cyfathrebu ac adrodd ar gyfer sefyllfaoedd argyfwng

  39. y gweithdrefnau ar gyfer mynd i'r afael ag argyfyngau

  40. y cyfarpar achub y gellir ei ddefnyddio mewn mannau cyfyng

  41. y camau cymorth cyntaf y gellir eu defnyddio mewn mannau cyfyng

  42. y gweithdrefnau ar gyfer mynd i'r afael â'r hyn sy'n digwydd o ganlyniad i argyfwng

  43. y systemau adrodd ar gyfer gweithgareddau gwaith arferol a datrys problemau

  44. y prosesau a ddefnyddir i bennu pa mor aml y caiff asesiadau risg eu hadolygu

  45. pa mor aml y mae angen cynnal hyfforddiant parhaus ar gyfer y rôl hon a sut a ble i gael mynediad ato


Cwmpas/ystod


Cwmpas Perfformiad


Gwybodaeth Cwmpas


Gwerthoedd


Ymddygiadau


Sgiliau


Geirfa


Dolenni I NOS Eraill


Cysylltiadau Allanol


Fersiwn rhif


Dyddiad Adolygu Dangosol

2025

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

EUSCS06

Galwedigaethau Perthnasol

Adeiladu, Technegwyr Gwyddoniaeth a Pheirianneg, Peiranneg

Cod SOC

2142

Geiriau Allweddol

Man cyfyng; risg uchel; risg ganolig; risg isel; risg benodol; cynllunio; trefnu; rheoli; adolygu; cydymffurfiad deddfwriaethol; cydymffurfio â diogelwch; systemau gwaith diogel; camau rheoli; trwyddedau i weithio; trefniadau argyfwng; gweithdrefnau