Yn ol

Pennu'r Gofynion Adnoddau sydd eu hangen er mwyn Cyflawni Amcanion ar gyfer Gwaith Adeiladu'r Rhwydwaith Nwy

URN: EUS GNC016

Sectorau Busnes (Suites): Gwaith Adeiladu'r Rhwydwaith Nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn yn ymwneud â darparu'r adnoddau dynol a deunyddiau sydd eu hangen i gyflawni gweithgarwch gwaith penodol ar asedau'r rhwydwaith nwy. Mae'n cynnwys y prosesau a'r gweithdrefnau sydd angen eu dilyn i sicrhau bod y gwaith a gwblhawyd yn cydymffurfio â'r manylebau sicrhau ansawdd a gweithredu a bennir gan y sefydliad.

Mae'r safon hwn yn gymwys i'r rheini sy'n gyfrifol am weithrediadau yn ystod gwaith adeiladu'r rhwydwaith nwy. Bydd y gwaith hwn fel arfer yn cynnwys arwain a chyfarwyddo aelodau'r tîm a gwneud penderfyniadau ar y dull gweithredu a ddefnyddir wrth ymgymryd â'r gwaith.

Mae'r safon hwn yn cynnwys pum elfen:

1. pennu'r adnoddau sydd eu hangen i gwblhau'r gwaith

2. pennu'r ffynhonnell a darparu amserlenni ar gyfer yr adnoddau sydd eu hangen

3. sicrhau bod adnoddau ar gael i gyflawni'r gwaith yn unol â'r amserlen benodol

4. defnyddio a chyfathrebu data a gwybodaeth

5. datrys problemau yn effeithiol ac yn effeithlon

Meini prawf perfformiad

Mae'n rhaid eich bod chi'n gallu:

Pennu'r adnoddau sydd eu hangen i gwblhau'r gwaith

1. pennu'r lleoliad gwaith gan ddefnyddio dogfennaeth y cwmni a chyfarwyddiadau'r gwaith

2. cynnal asesiad o'r adnoddau penodol ar gyfer y dasg yn unol â gweithdrefnau'r diwydiant a gweithdrefnau'r cyflogwr

3. llunio cynllun adnoddau er mwyn sicrhau y gellir ymgymryd â'r gwaith caffael

4. ystyried a dogfennu'r opsiynau adnoddau a allai sicrhau y gellir defnyddio dulliau gweithredu amgen

Pennu'r ffynhonnell a darparu amserlenni ar gyfer yr adnoddau sydd eu hangen

5. llunio opsiynau ar gyfer sefyllfaoedd lle y caiff adnoddau eu defnyddio o bosibl

6. pennu opsiwn a ffefrir a chadarnhau argaeledd adnoddau

7. caffael adnoddau yn unol â gweithdrefnau'r cyflogwr

8. ymgysylltu â chyflenwyr adnoddau i gadarnhau y cânt eu cyflenwi yn unol â'r amserlen y cytunir arni

Sicrhau bod adnoddau ar gael i gyflawni'r gwaith yn unol â'r amserlen benodol

9. cadarnhau y caiff adnoddau eu cynnal yn unol â'r amserlen y cytunir arni

10. rhoi gwybod am unrhyw adnoddau sydd ar goll neu adnoddau diffygiol i'r cyflenwr a chytuno ar broses i'w hatgyweirio

11. sicrhau bod y personél a ddefnyddir yn bodloni'r gofynion penodol o ran cymhwysedd a gallu

12. rhoi gwybod am unrhyw ddiffygion yn yr adnoddau a allai effeithio ar gyflawni'r canlyniadau gofynnol

Defnyddio a chyfathrebu data a gwybodaeth

13. rhoi gwybod am gyfarpar neu adnoddau nad ydynt ar gael neu sy'n ddiffygiol

14. darllen a dehongli cyfarwyddiadau a dogfennaeth y gwaith

15. sicrhau bod y personél a ddefnyddir i gwblhau'r gwaith yn gwbl ymwybodol o'r dasg ac unrhyw ofynion penodol

16. rhoi gwybod am gwblhau'r gwaith a dogfennu yn unol â gweithdrefnau'r cyflogwr

17. trefnu i symud ac ailgylchu'r holl ddeunyddiau sy'n weddill yn unol ag ystyriaethau amgylcheddol a gweithdrefnau'r cyflogwr

Datrys problemau yn effeithiol ac yn effeithlon

18. nodi unrhyw broblemau ac ymateb iddynt yn unol â chyfyngiadau dyletswyddau eich swydd

19. rhoi gwybod am unrhyw broblemau nad ydynt yn rhan o gyfrifoldeb y swydd i'r personél dynodedig

Gwybodaeth a Dealltwriaeth

You need to know and understand:

Cyffredinol

1. prif gyfrifoldebau'r cyflogwr a'r cyflogai o dan y

Ddeddf Iechyd a Diogelwch yn y Gwaith a sut i gydymffurfio â nhw

2. prif gyfrifoldebau'r cyflogwr a'r cyflogai o dan ddeddfwriaeth amgylcheddol

3. llinellau adrodd, rolau, cyfrifoldebau a lefel awdurdod y cwmni

4. nodi a defnyddio gweithdrefnau diogel ar gyfer trin deunyddiau peryglus a deunyddiau nad ydynt yn beryglus

5. yr amrywiaeth a'r defnydd o gyfarpar diogelwch personol ar gyfer y gwaith a'r gweithdrefnau ar gyfer gwirio bod y cyfarpar yn addas at y diben

6. gweithdrefnau cyflwyno adroddiadau statudol, sefydliadol ac mewn argyfwng

Pennu Gofynion Adnoddau

7. gweithdrefnau a phrosesau'r cwmni ar gyfer rhoi gwybod am broblemau gyda'r personél ac adnoddau deunyddiau

8. polisïau a gweithdrefnau caffael sefydliadol

9. sut i ddarllen a dehongli'r gweithdrefnau a'r ffynonellau gwybodaeth a ddefnyddir i sicrhau bod cyfarpar yn addas at y diben, yn ddiogel i'w defnyddio ac y cânt eu cynnal a chadw'n gywir

10. y cyfarpar diogelwch personol sydd angen eu gwisgo wrth ymgymryd â'r gweithgarwch gwaith

11. sut i gynnal arferion gweithio diogel ac amgylcheddol drwy gydol y gwaith

12. sut i leihau risgiau i chi eich hunain ac i eraill wrth ymgymryd â'r gweithgarwch gwaith

13. cyfarwyddiadau gwaith, systemau gwybodaeth a chyflwyno adroddiadau a dogfennaeth y sefydliad

Pennu'r Gofynion Adnoddau sydd eu hangen er mwyn Cyflawni Amcanion ar gyfer Gwaith Adeiladu'r Rhwydwaith Nwy

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol