Yn ol

Cloddio a Chynnal Tyllau a Ffosydd ar gyfer Gweithrediadau Safleoedd ar Waith Adeiladu'r Rhwydwaith Nwy

URN: EUS GNC007

Sectorau Busnes (Suites): Gwaith Adeiladu'r Rhwydwaith Nwy

Datblygwyd gan: Energy & Utility Skills

Cymeradwy ar: 01 Rhag 2017

Lawrlwythwch fel PDF

Trosolwg

Mae'r safon galwedigaethol cenedlaethol hwn yn diffinio'r cymhwysedd gofynnol ar gyfer dehongli cyfarwyddiadau, cynllunio, trefnu a defnyddio arferion gweithio diogel tra'n paratoi a chynnal gwaith cloddio tyllau a ffosydd mewn strwythurau yn y ddaear a phalmentydd, gan ofalu am wasanaethau cyfleustodau ac is-strwythurau eraill, systemau cefnogi ffosydd a darparu trefniadau mynd i mewn ac allan.

Mae'r safon hwn yn gymwys i'r rheini sy'n gyfrifol am weithrediadau safleoedd yn ystod gwaith adeiladu'r rhwydwaith nwy. Bydd y gwaith hwn fel arfer yn cynnwys arwain a chyfarwyddo aelodau'r tîm a gwneud penderfyniadau ar y dull gweithredu a ddefnyddir wrth ymgymryd â'r gwaith.

Mae'r safon hwn yn cynnwys pedair elfen:

1. cloddio ar y safle yn unol â gofynion gweithredol

2. cynnal uniondeb y gwaith cloddio

3. defnyddio a chyfathrebu data a gwybodaeth yn effeithiol

4. datrys problemau sy'n deillio o'r gwaith cloddio

Meini prawf perfformiad

Mae'n rhaid eich bod chi'n gallu:

Cloddio ar y safle yn unol â gofynion gweithredol

1. pennu'r dull o gloddio sy'n addas ar gyfer deunyddiau'r arwyneb a'r is-arwyneb a gaiff eu tynnu oddi yno sy'n cydymffurfio â Chodau Ymarfer statudol a rheoliadol

2. cynnal asesiad risg ac adolygiad sy'n benodol i'r safle yn unol â gweithdrefnau'r cwmni

3. dethol, gwirio cyflwr y cyfarpar diogelwch personol dynodedig priodol a'u defnyddio

4. dethol a defnyddio'r cyfarpar sydd fwyaf addas ar gyfer y dull o gloddio

5. cadarnhau safle a maint y gwaith cloddio yn unol â chyfarwyddiadau a manyleb y gwaith

6. cloddio, nodi, dethol, gwahanu a storio deunyddiau yn unol â chyfarwyddiadau'r gwaith a Chodau Ymarfer

7. cwblhau'r gwaith cloddio mewn ffordd sy'n osgoi niwed i'r cyfarpar cyflenwi

8. lleihau'r perygl i'r amgylchedd naturiol yn unol â chanllawiau technegol a chadw rhigolau a chyrsiau dŵr yn glir bob amser

9. cefnogi a diogelu'r cyfarpar cyflenwi ar ddangos yn unol â chyfarwyddiadau'r gwaith a'r Codau Ymarfer perthnasol

10. tynnu deunyddiau sy'n weddill oddi yno yn unol â chyfarwyddiadau a gofynion y gwaith

11. cadarnhau dimensiynau a chyflwr y gwaith cloddio yn unol â chyfarwyddiadau a manyleb y gwaith

12. sicrhau y caiff yr holl waith ei gynnal yn unol â'r gweithdrefnau ac arferion cymeradwy a'r gofynion statudol

Cynnal uniondeb y gwaith cloddio

13. cadarnhau bod y dull cefnogi yn addas at y diben ar gyfer maint y gwaith cloddio a natur amodau'r ddaear a strwythurau cyfagos

14. gosod a thynnu dulliau cymorth oddi yno yn unol â chyfarwyddiadau a'r Codau Ymarfer perthnasol

15. cynnal cyflwr y gwaith cloddio drwy addasu'r dulliau cymorth a thynnu dŵr daear oddi yno yn ôl yr angen

16. diddymu a gwaredu dŵr daear o'r gwaith cloddio yn unol â gweithdrefnau cymeradwy

17. monitro a chynnal cyflwr dulliau cymorth yn ddiogel i fodloni'r gofynion yn unol â gweithdrefnau gweithio diogel gweithredol a sefydliadol

18. cymryd camau i ddatrys sefyllfaoedd sy'n gofyn am fesurau i ddelio ag awyrgylchoedd peryglus yn unol â'r Codau Ymarfer perthnasol a gweithdrefnau gweithio diogel

19. gosod trefniadau'r mynedfeydd ac allanfeydd ar gyfer y gwaith cloddio yn unol â'r gofynion statudol a'r gweithdrefnau a'r arferion cymeradwy

20. sicrhau y caiff yr holl wiriadau diogelwch eu cynnal cyn i unrhyw un fynd i mewn i gloddiad

21. cymryd camau i sicrhau bod yr asesiad risg penodol ar gyfer y safle yn darparu mesurau diogelwch digonol ar gyfer arferion gwaith er mwyn ymateb i sefyllfa lle y bydd cloddiad yn mynd yn fan cyfyngedig

22. cadarnhau bod cyflwr ardal y ddaear cyfagos i'r cloddiad yn ddiogel yn unol â'r Codau Ymarfer perthnasol

Defnyddio a chyfathrebu data a gwybodaeth

23. defnyddio'r wybodaeth yn y cyfarwyddiadau ar gyfer y gwaith a'r fanyleb i bennu safle'r gwaith a'r ardal i'w chloddio

24. rhoi gwybod am amodau andwyol a diffygion yn y gwaith cloddio a'r dulliau cymorth nad ydynt yn rhan o gyfrifoldeb deiliad y swydd, yn unol â'r Codau Ymarfer perthnasol

25. defnyddio gweithdrefnau ac arferion cymeradwy a gofynion statudol i bennu'r gofyniad ar gyfer cefnogi'r cloddiad

26. gwirio unrhyw amgylchiadau lle y mae'r wybodaeth yn ymddangos yn anghywir gyda'r personél dynodedig

27. defnyddio systemau gwybodaeth sefydliadol i gofnodi a storio data a gwybodaeth

Datrys problemau sy'n deillio o'r gwaith cloddio

28. datrys problemau sy'n deillio o'r gwaith cloddio sy'n rhan o ddyletswydd y swydd

29. rhoi gwybod am unrhyw niwed i gyfarpar cyflenwi yn brydlon i'r person dynodedig

30. cynghori cydweithwyr neu reolwyr am sefyllfaoedd lle y mae angen iddynt ymyrryd

31. atgyfeirio problemau ac amodau nad ydynt yn rhan o gyfrifoldeb y swydd i berson dynodedig gan ddefnyddio gweithdrefnau cymeradwy

Gwybodaeth a Dealltwriaeth

You need to know and understand:

Cyffredinol

1. prif gyfrifoldebau'r cyflogwr a'r cyflogai o dan y

Ddeddf Iechyd a Diogelwch yn y Gwaith

2. prif gyfrifoldebau'r cyflogwr a'r cyflogai o dan ddeddfwriaeth amgylcheddol

3. llinellau adrodd, rolau, cyfrifoldebau a lefel awdurdod y cwmni

4. gweithdrefnau diogel ar gyfer trin deunyddiau peryglus

5. gweithdrefnau cofnodi a chyflwyno adroddiadau am ddamweiniau sefydliadol

6. yr amrywiaeth a'r defnydd o gyfarpar diogelwch personol ar gyfer y gwaith

7. arferion cloddio diogel fel y nodir yn HSG47

8. y systemau rheoli sy'n gymwys ar gyfer rheoli diogelwch gweithio ar gloddiadau

Cloddio

9. y ddeddfwriaeth sy'n llywodraethu'r cymorth ar gyfer cloddiadau

10. gweithdrefnau diogel ar gyfer trin yr amrywiaeth o gyfarpar cefnogi cloddiadau

11. y prif ddulliau o gloddio gan gynnwys cloddio â llaw a chloddio â pheiriannau

12. y cyfarpar a ddefnyddir ar gyfer cloddio â llaw a chloddio â pheiriannau gan gynnwys cyfarpar a reolir â llaw a chyfarpar pŵer ynghyd â chyfarpar modur

13. y mathau o arwynebau ac is-arwynebau

14. y mathau o ddeunyddiau'r is-arwynebau a ddefnyddir ar gyfer arwynebau palmentydd gwahanol

15. prif ofynion statudol y gweithwyr sy'n ymwneud â'r gwaith cloddio o ran diogelwch personol, gweithgarwch cloddio, cymorth cyfarpar cyflenwi a'r cymorth ar gyfer y gwaith cloddio

16. yr angen am fanciwr cymwys wrth gwblhau gwaith cloddio â pheiriant

17. gofynion deddfwriaeth gan gynnwys darpariaethau statudol a rheoliadol

18. dethol, defnyddio a gofalu am gyfarpar a reolir â llaw a chyfarpar pŵer

19. gwaith cynnal a chadw hanfodol ar gyfer cyfarpar a reolir â llaw a chyfarpar pŵer

20. y mathau o niwed i gyfarpar cyflenwi a allai godi wrth ddefnyddio arferion cloddio anghywir

21. y peryglon i ddiogelwch wrth ddefnyddio arferion cloddio anghywir

22. y canlyniadau posibl o weithgarwch cloddio anghywir

23. mathau a swyddogaeth y cyflenwadau gwahanol y gellir dod o hyd iddynt mewn gwaith cloddio, gan gynnwys cyfleustodau a chyfarpar asiantaeth eraill a gwasanaethau uwchben y ddaear, strwythurau adeiledig a rhinweddau naturiol

24. sut i nodi'r mathau gwahanol o gyflenwadau mewn gwaith cloddio

25. yr effaith bosibl o dywydd cyfnewidiol ar y gwaith cloddio

26. y canlyniadau posibl o fethu â gosod strwythurau cefnogi ffosydd cywir

27. pwysigrwydd yr economi wrth ddefnyddio cyfarpar pŵer a chyfarpar modur ar gyfer y gwaith cloddio

28. dulliau diogel o storio a gwaredu deunyddiau a allai beryglu'r amgylchedd

29. sut y gall deunyddiau anghywir niweidio'r cyfarpar cyflenwi neu'r is-strwythur, y costau i ail-wneud y gwaith a'r oedi i raglen y gwaith

30. sut y gall dulliau storio anghywir ar gyfer deunyddiau olygu nad ydynt yn addas i'w defnyddio ynghyd â goblygiadau cost yn dilyn hynny.

31. gweithdrefnau ac arferion cymeradwy yng nghyd-destun y gweithrediadau, y gweithgarwch gwaith a'r gweithlu

32. gweithdrefnau ac arferion y diwydiant ar gyfer gwaith cloddio gan gynnwys gofynion amgylcheddol, sefydliadol, rheoleiddiol, mewn argyfwng, gweithredol, cydymffurfiaeth ag iechyd, diogelwch â'r amgylchedd, gweithdrefnau'r cwmni ac asesiadau risg o fewn cylch gorchwyl dyletswydd yr ymgeisydd.

33. rolau a dyletswyddau pobl yn y tîm gweithrediadau'r safle/y ffordd fawr

34. strwythurau rheoli safle ar gyfer gweithrediadau safleoedd.

35. yr amgylchiadau lle y dylid atgyfeirio problemau nad ydynt yn rhan o gyfrifoldeb deiliad y swydd i'r bobl ddynodedig

36. cyfrifoldebau'r cyflogwr a'r cyflogai o dan y

Ddeddf Iechyd a Diogelwch yn y Gwaith ar gyfer gwaith cloddio

37. y canllawiau iechyd a diogelwch sy'n llywodraethu'r gwaith cloddio

38. gweithdrefnau diogel ar gyfer trin yr amrywiaeth o gyfarpar cloddio

39. gweithdrefnau diogel ar gyfer trin deunyddiau peryglus

40. gweithdrefnau cofnodi a chyflwyno adroddiadau am ddamweiniau

41. amrywiaeth a'r defnydd o gyfarpar diogelwch personol a ddefnyddir ar waith cloddio

42. prif weithdrefnau ac arferion y diwydiant er mwyn pennu gofynion y safle ac adnoddau, gan gynnwys gofynion amgylcheddol, sefydliadol, rheoleiddiol, mewn argyfwng, gweithredol, cydymffurfiaeth ag Iechyd, Diogelwch â'r Amgylchedd, gweithdrefnau priodol y cwmni ac asesiadau risg o fewn cylch gorchwyl dyletswydd deiliad y swydd.

43. sut i adnabod man cyfyngedig a'r perygl y gall cloddiad fynd yn fan cyfyngedig, y peryglon cysylltiedig â'r gweithdrefnau i'w dilyn

44. pwysigrwydd defnyddio'r cyfarpar monitro awyrgylch priodol

45. gweithdrefnau ar gyfer rhoi gwybod am gynnydd y gwaith, problemau a gwyriadau i raglenni'r gwaith a'u cofnodi

46. dulliau paratoi gwahanol o ran cefnogi ffosydd, gan gynnwys dulliau gosod a gwirio

47. dulliau ac egwyddorion systemau cymorth ar gyfer cloddio gan gynnwys systemau pren, dalennau, mecanyddol, hydrolig a niwmatig

48. deunyddiau i'w defnyddio ar gyfer systemau cefnogi gwaith cloddio gan gynnwys pren, dalen fetel

49. yr amgylchiadau lle y mae'n rhaid gosod cyfarpar cefnogi gwaith cloddio

50. systemau cymorth ar gyfer cloddio ar gyfer dyfnderau cloddio a mathau gwahanol o bridd

51. systemau cefnogi gwaith cloddio ar gyfer cloddiadau a allai ymsuddo

52. achosion o ansefydlogrwydd mewn ardaloedd a gaiff eu cloddio, gan gynnwys mathau o bridd, presenoldeb dŵr daear, gollyngiadau o bibellau dŵr a draenio

53. sefyllfaoedd lle y mae angen defnyddio systemau pwmpio cloddiadau o bosibl

54. y peryglon a allai godi o weithio mewn cloddiadau heb system awyru naturiol neu gynorthwyol, o allanfeydd nwy a nwyon a gaiff eu cynhyrchu'n naturiol, cyfarpar cyflenwi niweidiol a niwed i gyfarpar electronig

55. y canlyniadau i ddiogelwch y gweithlu, cyfarpar cyflenwi, is-strwythurau eraill, cynnydd gwaith a'r gost os na chaiff uniondeb y gwaith cloddio ei gynnal

Cwmpas/ystod

Cyfarpar cyflenwi - y cyfarpar cyflenwi ar gyfer cyfleustodau ac asiantaethau eraill, gwasanaethau uwchben y ddaear a thanddaearol, strwythurau adeiledig a'r amgylchedd naturiol (e.e. sylfeini, gwreiddiau coed a chyrsiau dŵr naturiol)

Arwyneb ac is-arwyneb - hyblyg, cyfansoddol, gwaith adeiladu anhyblyg a modiwlar ar balmentydd, ymylon, y ddaear naturiol

Gweithdrefnau ac arferion cymeradwy – gweithdrefnau amgylcheddol, statudol, rheoleiddiol, mewn argyfwng, iechyd a diogelwch, sefydliadol a'r cwmni ac asesiadau risg

Cloddio a Chynnal Tyllau a Ffosydd ar gyfer Gweithrediadau Safleoedd ar Waith Adeiladu'r Rhwydwaith Nwy

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol