Gosod Cyfarpar ar gyfer Gweithio'n Ddiogel ar Safleoedd Adeiladu yn ystod Gwaith Adeiladu'r Rhwydwaith Nwy

URN: EUS GNC005
Sectorau Busnes (Cyfresi): Gwaith Adeiladu'r Rhwydwaith Nwy
Datblygwyd gan: Energy & Utility Skills
Cymeradwy ar: 2017

Trosolwg

​Mae'r safon galwedigaethol cenedlaethol hwn yn diffinio'r cymhwysedd gofynnol i ddilyn cyfarwyddiadau a manylebau gwaith er mwyn paratoi adnoddau a gwahanu ardaloedd ar gyfer gwaith ar safleoedd adeiladu. Mae'n gofyn am gymhwysedd mewn dehongli cyfarwyddiadau, cynlluniau a manylebau a gwahanu ardaloedd ar gyfer gwaith ar safleoedd adeiladu.

Mae'r safon hwn yn gymwys i'r rheini sy'n gyfrifol am weithrediadau safleoedd yn ystod gwaith adeiladu'r rhwydwaith nwy. Bydd y gwaith hwn fel arfer yn cynnwys arwain a chyfarwyddo aelodau'r tîm a gwneud penderfyniadau ar y dull gweithredu a ddefnyddir wrth ymgymryd â'r gwaith.
Mae'r safon hwn yn cynnwys tair elfen:
1. cynllunio, paratoi, gwahanu a diogelu safle'r gwaith
2. paratoi adnoddau ar gyfer y gwaith ar y safle
3. defnyddio a chyfathrebu data a gwybodaeth

Mae safon galwedigaethol cenedlaethol ar wahân (EUSGNC 004) ar gael
yn arbennig ar gyfer y rheini sy'n gweithio ar y ffordd fawr gyhoeddus


Meini prawf perfformiad

Mae'n rhaid eich bod chi'n gallu:

​Cynllunio, paratoi, gwahanu a diogelu safle'r gwaith

1. lleoli a chadarnhau'r ardal ar gyfer y gwaith yn unol â chyfarwyddiadau a'r gofynion penodol
2. cynllunio'r gwaith er mwyn sicrhau ei fod yn tarfu cyn lleied â phosibl ar bobl eraill a cheisio osgoi anghyfleustra iddynt yn unol â'r gweithdrefnau ac arferion cymeradwy
3. cynnal asesiad risg penodol i'r safle er mwyn nodi peryglon ac i bennu'r amrywiaeth o gyfarpar rheoli a diogelu sydd eu hangen ar gyfer y gwaith
4. adolygu asesiadau risg yn unol â gweithdrefnau'r cwmni.
5. dethol gwirio a defnyddio'r cyfarpar diogelwch personol dynodedig 
6. gosod yr ardal ar gyfer y gwaith yn unol â'r gofynion penodol
7. darparu ar gyfer diogelwch ardal y gwaith a'r amgylchedd naturiol lle y caiff peryglon eu nodi 
8. cynnal diogelwch y safle lle nad yw'r gwaith wedi'i gwblhau

Paratoi adnoddau ar gyfer y gwaith ar y safle

9. dethol y cyfarpar i fodloni gofyniad y gwaith a gynlluniwyd yn unol â chyfarwyddiadau a manylebau'r gwaith
10. cadarnhau bod cyflenwadau'r cyfarpar yn addas ar gyfer gofyniad y gwaith, eu bod o'r ansawdd gofynnol a bod digon ohonynt ar gael
11. gosod a sicrhau cyfanrwydd cyfarpar ar gyfer gweithio'n ddiogel
12. storio cyfarpar yn unol â'r gofynion gweithredol a sefydliadol
13. cynnal diogelwch cyfarpar yn unol â'r gofynion gweithredol a sefydliadol

Defnyddio a chyfathrebu data a gwybodaeth

14. defnyddio'r wybodaeth yn y cyfarwyddiadau ar gyfer y gwaith a'r gofynion penodol i leoli safle'r gwaith
15. defnyddio gweithdrefnau ac arferion cymeradwy drwy gydol y gweithgarwch gwaith i sicrhau y cydymffurfir â gofynion sefydliadol a statudol cymeradwy
16. gwirio unrhyw amgylchiadau lle y mae'r wybodaeth yn ymddangos yn anghywir gyda'r personél awdurdodedig
17. defnyddio systemau gwybodaeth sefydliadol i gofnodi a storio data a gwybodaeth
18. rhoi gwybod am unrhyw brinder a diffygion i'r person dynodedig
19. atgyfeirio problemau ac amodau nad ydynt yn rhan o gyfrifoldeb y swydd i berson dynodedig gan ddefnyddio gweithdrefnau cymeradwy


Gwybodaeth a Dealltwriaeth

You need to know and understand:

​Cyffredinol

1. prif gyfrifoldebau'r cyflogwr a'r cyflogai o dan y
Ddeddf Iechyd a Diogelwch yn y Gwaith
2. prif gyfrifoldebau'r cyflogwr a'r cyflogai o dan ddeddfwriaeth amgylcheddol
3. llinellau adrodd, rolau, cyfrifoldebau a lefel awdurdod y cwmni
4. gweithdrefnau diogel ar gyfer trin deunyddiau peryglus
5. gweithdrefnau cofnodi a chyflwyno adroddiadau am ddamweiniau sefydliadol
6. yr amrywiaeth a'r defnydd o gyfarpar diogelwch personol ar gyfer y gwaith
7. y rheoliadau presennol ar gyfer dylunio a rheoli gwaith adeiladu a sut maent yn effeithio ar eich maes gwaith

Paratoi Adnoddau a Safle'r Gwaith

8. rolau a dyletswyddau pobl yn y tîm gweithrediadau
9. strwythurau rheoli safle ar gyfer gweithrediadau safleoedd
10. pwysigrwydd atgyfeirio problemau sydd y tu allan i ddyletswydd deiliad y swydd i bobl ddynodedig
11. gweithdrefnau ar gyfer rhoi gwybod am gynnydd y gwaith, problemau a gwyriadau i raglenni'r gwaith a'u cofnodi
12. pwysigrwydd cadarnhau bod lleoliad y gwaith wedi cael ei nodi'n gywir
13. y mathau o wybodaeth sydd wedi'i chynnwys mewn cyfarwyddiadau ysgrifenedig, manylebau a lluniadau
14. gofynion allweddol ar gyfer gosod safle effeithiol
15. peryglon cyffredin ar waith safleoedd a rhagofalon diogelwch addas at y diben, a dulliau atal 
16. y gweithdrefnau a'r camau gweithredu y dylid eu cymryd mewn argyfwng
17. yr amrywiaeth o gyfarpar diogelwch yn unol â gweithrediadau safleoedd
18. prif ofynion y ddeddfwriaeth diogelwch sy'n llywodraethu gwaith safleoedd 
19. deunyddiau sy'n achosi perygl iechyd a dulliau trin yn ddiogel
20. y cyfarpar diogelu personol i'w defnyddio ar weithrediadau safleoedd
21. technegau priodol ar gyfer codi a thrin deunyddiau a'r cyfarpar a ddefnyddir ar waith safleoedd


Cwmpas/ystod

​Cyfarpar - arwyddion rhybudd, bariau, cyfarpar rheoli traffig a cherddwyr

Gweithdrefnau ac arferion cymeradwy – gweithdrefnau amgylcheddol, statudol, rheoleiddiol, mewn argyfwng, iechyd a diogelwch, sefydliadol a'r cwmni ac asesiadau risg

Asedau – pibellau, gosodiadau rheolwyr gwasanaethau diwydiannol a masnachol, rheolwyr ardaloedd, prif bibellau a gwasanaethau


Cwmpas Perfformiad


Gwybodaeth Cwmpas


Gwerthoedd


Ymddygiadau


Sgiliau


Geirfa


Dolenni I NOS Eraill


Cysylltiadau Allanol


Fersiwn rhif


Dyddiad Adolygu Dangosol

2021

Dilysrwydd

Ar hyn o bryd

Statws

Gwreiddiol

Sefydliad Cychwynnol

Energy & Utility Skills

URN gwreiddiol

EUS GNC005

Galwedigaethau Perthnasol

Arweinwyr Tîm Nwy, Crefftwyr a Thechnegwyr

Cod SOC

8149

Geiriau Allweddol

nwy, rhwydwaith, rhwydwaith nwy, gosod, cyfarpar