Gosod, adeiladu, cynnal, datgysylltu a symud gwaith dros dro

Meini Prawf Perfformiad 1
Dehongli gwybodaeth

K1   pa weithdrefnau a ddatblygwyd gan y sefydliad i adrodd am wybodaeth amhriodol ac adnoddau anaddas, yn ogystal â'u cywiro, a sut i'w gweithredu

K2   pa fathau o wybodaeth sydd ar gael, beth yw eu ffynhonnell a sut i'w dehongli

K3   beth yw gweithdrefnau'r sefydliad ar gyfer datrys problemau â'r wybodaeth a pham mae'n bwysig eu dilyn

Meini Prawf Perfformiad 2
Arferion gwaith diogel

K4   faint o wybodaeth y mae'n rhaid i weithwyr ei deall i gydymffurfio â'r ddeddfwriaeth berthnasol a chyfredol a chanllawiau swyddogol a sut i'w chymhwyso

K5   sut y dylid ymateb i argyfyngau a phwy ddylai ymateb

K6   beth yw gweithdrefnau diogelwch y sefydliad ar gyfer offer, cyfarpar ac eiddo personol

K7   beth yw'r gweithdrefnau ar gyfer adrodd am ddamweiniau a phwy sy'n gyfrifol am wneud hynny

K8   pam, pryd a sut y dylid defnyddio cyfarpar rheoli iechyd a diogelwch

K9   sut i weithredu arferion gwaith sy'n amgylcheddol gyfrifol er mwyn cydymffurfio â'r ddeddfwriaeth gyfredol a chanllawiau swyddogol

Meini Prawf Perfformiad 3
Dewis adnoddau

K10   beth yw nodweddion, ansawdd, defnyddiau, cynaliadwyedd, cyfyngiadau a diffygion yr adnoddau a sut y dylid cywiro diffygion

K11   sut y dylid defnyddio'r adnoddau a sut i adrodd am unrhyw broblemau sy'n gysylltiedig â nhw

K12   beth yw gweithdrefnau'r sefydliad ar gyfer dewis adnoddau, pam y cawsant eu datblygu a sut i'w defnyddio

K13   pa beryglon sy'n gysylltiedig â'r adnoddau a'r dulliau gweithio a sut i ddelio â'r rhain

Meini Prawf Perfformiad 4
Lleihau'r risg o ddifrod

K14   sut i ddiogelu gwaith rhag difrod a phwrpas diogelu

K15   pam y dylid g*waredu gwastraff* yn ddiogel a sut i wneud hyn

Meini Prawf Perfformiad 5
Bodloni gofynion y contract

K16   sut i ymgymryd â dulliau gweithio i fodloni'r gofynion a sut i adrodd am broblemau

K17   sut i gynnal a chadw offer a chyfarpar

Meini Prawf Perfformiad 6
Amser a neilltuwyd

K18   beth yw'r rhaglen i'r gwaith gael ei wneud o fewn yr amser amcangyfrifedig a neilltuwyd a pham y dylid cadw at derfynau amser

Meini Prawf Perfformiad 1

1   dehongli lluniadau, gofynion, amserlenni, datganiadau dull, asesiadau risg a gwybodaeth gweithgynhyrchwyr sy'n gysylltiedig â'r gwaith sydd i'w wneud 

Meini Prawf Perfformiad 2

2   osgoi risg drwy gydymffurfio â'r wybodaeth a roddir am y dilynol

        2.1   dulliau gweithio

        2.2   defnyddio cyfarpar rheoli iechyd a diogelwch yn ddiogel

        2.3   defnyddio cyfarpar mynediad yn ddiogel 

        2.4   defnyddio, storio a thrin deunyddiau, offer a chyfarpar yn ddiogel

        2.5   risgiau penodol i iechyd

Meini Prawf Perfformiad 3

3   dewis adnoddau sy'n gysylltiedig â'ch gwaith eich hun

        3.1   deunyddiau, cydrannau a gosodiadau 

        3.2   offer a chyfarpar 

Meini Prawf Perfformiad 4

4   diogelu'r gwaith a'r ardal o'i gwmpas rhag difrod

5   cynnal lle gweithio clir a thaclus

6   gwaredu gwastraff yn unol â'r ddeddfwriaeth gyfredol

Meini Prawf Perfformiad 5

7   dangos sgiliau mesur, marcio allan, alinio, addasu, cydosod, adeiladu, codi, dodi, lefelu, plymio, gosod, gwirio, monitro, addasu, atgyfnerthu, ffitio, rhoi'n sownd, sicrhau, datgysylltu a symud

8   defnyddio a chynnal a chadw offer llaw, offer pŵer cludadwy a chyfarpar ategol

9   Gosod, adeiladu, cynnal, datgysylltu a symud yn unol â'r cyfarwyddiadau gweithio a roddir ar gyfer o leiaf bedwar o'r canlynol fel gwaith dros dro i ganiatáu neu alluogi adeiladu parhaol

        9.1   sgriniau, byrddau a gorchuddion amddiffynnol

        9.2   llwybrau i mewn ac allan

        9.3   offer cynnal

        9.4   strwythurau cynnal

        9.5   cyfarpar symud

        9.6   offer gwyro

        9.7   cyfleusterau safle

        9.8   sefydlogi

Meini Prawf Perfformiad 6

10   cwblhau'ch gwaith eich hun o fewn yr amser amcangyfrifedig a neilltuwyd i ddiwallu anghenion galwedigaethau eraill a/neu'r cleient

Gwaredu gwastraff

1   cyfrifoldebau amgylcheddol, gweithdrefnau'r sefydliad, gwybodaeth gweithgynhyrchwyr, rheoliadau statudol a chanllawiau swyddogol

Argyfyngau

2   ymateb y gweithiwr i sefyllfaoedd yn unol ag awdurdodiad sefydliadol a sgiliau personol

2.1   tanau, gollyngiadau ac anafiadau

2.2   argyfyngau sy'n ymwneud â gweithgareddau galwedigaethol

Peryglon

3   y rhai hynny a nodir drwy asesiad risg, fel rhan o ddull gweithio, yng ngwybodaeth dechnegol gweithgynhyrchwyr ac mewn rheoliadau statudol a chanllawiau swyddogol

Cyfarpar rheoli iechyd a diogelwch

4   y cyfarpar a nodir gan yr egwyddorion atal ar gyfer defnydd galwedigaethol, mathau o gyfarpar a phwrpas pob math, sefyllfaoedd gwaith a'r amgylchedd gwaith cyffredinol

        4.1   mesurau diogelu ar y cyd

        4.2   system awyru a gwacáu leol

        4.3   cyfarpar diogelu personol

        4.4   cyfarpar diogelu anadlol

Gwybodaeth

5   lluniadau, gofynion, amserlenni, datganiadau dull, asesiadau risg, data electronig, cyfarwyddiadau ysgrifenedig a llafar, trwyddedau, gwybodaeth gweithgynhyrchwyr a rheoliadau cyfredol sy'n ymwneud ag adeiladau, strwythurau a chanllawiau swyddogol sy'n gysylltiedig â gosod, adeiladu, cynnal a chadw, datgysylltu a symud gwaith dros dro

Deddfwriaeth a chanllawiau swyddogol

6   mae hyn yn ymwneud â chyfrifoldebau'r gweithiwr am ddamweiniau posibl, peryglon i iechyd a'r amgylchedd wrth weithio yn y gweithle, o dan lefel y tir, mewn lleoedd cyfyng, ar uchder, ag offer a chyfarpar ac â deunyddiau a sylweddau ac wrth symud a storio deunyddiau drwy eu codi a'u cario a defnyddio cyfarpar codi mecanyddol

Cynnal a chadw

7   gofal y gweithiwr am offer llaw, offer pŵer cludadwy a chyfarpar ategol 

Dulliau gweithio

8   cymhwyso gwybodaeth i sicrhau arferion, gweithdrefnau a sgiliau gwaith diogel ac iach mewn perthynas â'r dull/maes gwaith a'r deunyddiau a ddefnyddir i

        8.1   nodi gofynion ansawdd y cytunwyd arnynt

        8.2   bodloni gofynion y cytunwyd arnynt

        8.3   nodi rolau'r goruchwyliwr gwaith dros dro a'r cydlynydd gwaith dros dro

        8.4   adnabod nodweddion, ffactorau hanfodol gwaith dros dro, a rhyngwyneb â strwythurau presennol a gwaith parhaol

        8.5   nodi mecanweithiau rheoli gwaith dros dro

        8.6   gwirio adnoddau o ran math, nifer a difrod ac adrodd am anghysondebau

        8.7   gosod, adeiladu, cynnal a chadw, datgysylltu a symud sgriniau, byrddau a gorchuddion amddiffynnol er mwyn cyfyngu ar fynediad a chynnal cadernid yr eitemau a warchodir

        8.8   gosod, adeiladu, cynnal a chadw, datgysylltu a symud llwybrau i mewn ac allan, llwybrau newydd ac addasiadau i lwybrau presennol, gan gynnwys llwybrau i gerddwyr, llwybrau cerbydau, pontydd, deciau, agoriadau, grisiau, rampiau, mannau pasio a pharcio

        8.9   cydosod, adeiladu, alinio, codi, gosod adeiladwaith, datgysylltu a chael gwared ag offer sy'n cynnal llwythi

        8.10   cydosod, adeiladu, alinio, codi, gosod adeiladwaith, datgysylltu a chael gwared ag offer cynnal sy'n dal pethau yn eu lle, gan gynnwys ffurfwaith, ffugwaith a systemau cefnogi cloddiadau

        8.11   nodi'r meini prawf, y nodweddion a'r gwahaniaethau rhwng systemau cefnogi perchnogol a phwrpasol

        8.12   archwilio a chynnal a chadw strwythurau ategol gan gynnwys sgaffaldiau, ffurfwaith, ffugwaith, propiau, offer cefnogi cloddiadau a systemau sychu

        8.13   gwirio cyflwr, cymorth ac amddiffyniad cyfleustodau

        8.14   nodi'r meini prawf ar gyfer gwirio, archwilio, arolygu ac ardystio gwaith dros dro parhad /

        8.15   gosod offer symud gan gynnwys nenbontydd, teclynnau codi, sgipiau, cafnau llithro, cludyddion, sugnyddion, pympiau a phibellau

        8.16   cynnal a chadw offer symud a dargyfeirio, gan gynnwys addasiadau drwy atgyfnerthu

        8.17   nodi'r meini prawf ar gyfer datgysylltu, diogelu ac ailgysylltu cyfleustodau

        8.18  ffitio, gosod, lleoli, alinio, sicrhau, datgysylltu a symud offer cynnal a systemau cario, o dan ac uwchben y ddaear, i ddargyfeirio offer cludo cyfleustodau gan gynnwys trydan, cyfathrebiadauu, dŵr (budr, rwyneb a ffres), nwy ac aer

        8.19   gweithio gyda pheiriannau, o'u cwmpas ac yn agos iawn atynt

        8.20   nodi'r meini prawf ar gyfer cyfarwyddo ac arwain symudiadau a gweithrediadau cerbydau, offer a pheiriannau

        8.21   mesur, marcio allan, trosglwyddo, gosod allan a chynnal llinellau, plymio a lefelu

        8.22   monitro traul ar waith dros dro ac adrodd ar hynny

        8.23   nodi, penderfynu a rhoi gwybod pryd mae angen sgiliau a gwybodaeth arbenigol ychwanegol

        8.24   nodi gofynion penodol ar gyfer strwythurau o ddiddordeb arbennig, adeiladwaith traddodiadol (cyn 1919) ac arwyddocâd hanesyddol

        8.25   defnyddio offer llaw, offer pŵer cludadwy a chyfarpar

        8.26   gweithio ar uchder

        8.27   defnyddio cyfarpar mynediad

9   gwaith tîm a chyfathrebu

10   anghenion galwedigaethau eraill sy'n gysylltiedig â gosod, adeiladu, cynnal a chadw, datgymalu a symud gwaith dros dro

Problemau

11   y rhai hynny sy'n codi o wybodaeth, adnoddau a dulliau gweithio

        11.1   eich awdurdod eich hun i unioni sefyllfa

        11.2   gweithdrefnau adrodd y sefydliad

Rhaglen

12   mathau o siartiau cynnydd, amserlenni ac amseroedd amcangyfrifedig

13   gweithdrefnau'r sefydliad ar gyfer adrodd am amgylchiadau a fydd yn effeithio ar y rhaglen waith

Diogelu gwaith

14   diogelu gwaith rhag difrod a achosir gan weithgareddau cyffredinol yn y gweithle, galwedigaethau eraill a thywydd garw

Adnoddau

15   deunyddiau, cydrannau a chyfarpar mewn perthynas â niferoedd, ansawdd, meintiau a chynaliadwyedd mathau safonol ac arbenigol o

        15.1   mesurau diogelu

        15.2   deunyddiau

        15.3   offer cynnal

        15.4   cydrannau, ffitiadau a gosodiadau

        15.5   offer llaw, offer pŵer cludadwy a chyfarpar

16   nodi niferoedd, hyd, arwynebedd, cyfaint a gwastraff sy'n gysylltiedig â'r dull a'r weithdrefn ar gyfer gosod, adeiladu, cynnal a chadw, datgysylltu a symud gwaith dros dro

Gweithdrefnau diogelwch

17   safle, gweithle, cwmni a gweithiwr