Slingio llwythi a signalu i symud llwythi crog

Mae'r safon hon yn ymwneud â dehongli gwybodaeth, mabwysiadu arferion gwaith diogel, iach ac amgylcheddol gyfrifol, dewis cydrannau a chyfarpar, paratoi ategolion codi ar gyfer slingio, cysylltu a sicrhau llwythi, signalu i symud llwythi crog a'u harwain i gyrchfan y cytunwyd arno a gadael y llwyth mewn cyflwr diogel

Mae'r safon hon ar gyfer pobl sy'n gweithio'n annibynnol neu mewn tîm i baratoi a slingio llwythi a signalu gweithredwyr peiriannau sy'n codi ac yn trosglwyddo llwythi crog i'w symud. Gall gweithwyr, goruchwylwyr a rheolwyr ddefnyddio'r safon hon

---

​

P1 dehongli'r wybodaeth a roddir am ddefnyddio peiriannau a chadarnhau ei pherthnasedd

P2 trefnu gydag eraill ym mha drefn y dylid gwneud y gwaith

P3 cydymffurfio â'r ddeddfwriaeth berthnasol a chyfredol, dogfennau statws cyfreithiol arbennig, canllawiau swyddogol a gweithdrefnau'r sefydliad i gynnal arferion gwaith diogel ac iach

P4 dewis adnoddau peirianyddol ar gyfer y dulliau gweithio a'r gweithrediadau i'w cyflawni

P5 cydymffurfio â gweithdrefnau'r sefydliad i leihau'r risg o ddifrod i'r gwaith a'r ardal o'i gwmpas

P6 cydymffurfio â'r wybodaeth a roddir yn y contract i wneud y gwaith yn effeithlon yn unol â'r gofynion

P7 cwblhau'r gwaith o fewn yr amser a neilltuwyd yn unol â'r rhaglen waith

---

Meini Prawf Perfformiad 1
Dehongli gwybodaeth

K1 pa weithdrefnau a ddatblygwyd gan y sefydliad i adrodd am wybodaeth amhriodol ac adnoddau anaddas, yn ogystal â'u cywiro, a sut i'w gweithredu

K2 pa fathau o wybodaeth sydd ar gael, beth yw eu ffynhonnell a sut i'w dehongli

K3 beth yw gweithdrefnau'r sefydliad ar gyfer datrys problemau â'r wybodaeth a pham mae'n bwysig eu dilyn

Meini Prawf Perfformiad 2
Trefnu gydag eraill

K4 sut mae aelodau'r tîm yn cyfleu syniadau i'w gilydd

K5 sut mae adnoddau'n cael eu trefnu i gyd-fynd â'r cynnydd a wnaed yn y gwaith

K6 pa sgiliau sydd eu hangen i wneud y gwaith

*
Meini Prawf Perfformiad 3*
Arferion gwaith diogel

K7 faint o wybodaeth y mae'n rhaid i weithwyr ei deall i gydymffurfio â'r ddeddfwriaeth berthnasol a chyfredol, Codau Ymarfer cymeradwy a chanllawiau swyddogol a sut i'w chymhwyso

K8 sut y dylid ymateb i argyfyngau a phwy ddylai ymateb

K9 beth yw gweithdrefnau diogelwch y sefydliad ar gyfer peiriannau, offer, cyfarpar ac eiddo personol

K10 beth yw'r gweithdrefnau ar gyfer adrodd am ddamweiniau a phwy sy'n gyfrifol am wneud hynny

K11 pam, pryd a sut y dylid defnyddio cyfarpar rheoli iechyd a diogelwch

K12 sut i weithredu arferion gwaith sy'n amgylcheddol gyfrifol er mwyn bodloni gofynion y ddeddfwriaeth gyfredol a chanllawiau swyddogol

Meini Prawf Perfformiad 4
Dewis adnoddau

K13 beth yw nodweddion, ansawdd, defnyddiau, cynaliadwyedd, cyfyngiadau a diffygion yr adnoddau a sut y dylid cywiro diffygion

K14 sut y dylid defnyddio'r adnoddau a sut i adrodd am unrhyw broblemau sy'n gysylltiedig â nhw

K15 beth yw gweithdrefnau'r sefydliad ar gyfer dewis adnoddau, pam y cawsant eu datblygu a sut i'w defnyddio

K16 pa beryglon sy'n gysylltiedig â'r adnoddau a'r dulliau gweithio a sut i ddelio â'r rhain

*
Meini Prawf Perfformiad 5*
Lleihau'r risg o ddifrod

K17 sut i ddiogelu gwaith rhag difrod a phwrpas diogelu

K18 pam y dylid gwaredu gwastraff yn ddiogel a sut i wneud hyn

*
Meini Prawf Perfformiad 6*
Bodloni gofynion y contract

K19 sut i ymgymryd â dulliau gweithio i fodloni'r gofynion a sut i adrodd am broblemau

K20 sut i gynnal a chadw peiriannau, offer a chyfarpar

*
Meini Prawf Perfformiad 7*
Amser a neilltuwyd

K21 beth yw'r rhaglen i'r gwaith gael ei wneud o fewn yr amser amcangyfrifedig a neilltuwyd a pham y dylid cadw at derfynau amser

​

---

---

​Meini Prawf Perfformiad 1
1 dehongli lluniadau, gofynion, amserlenni, asesiadau risg, datganiadau dull (cynlluniau codi) a gwybodaeth gweithgynhyrchwyr sy'n ymwneud â'r gweithrediadau peirianyddol a'r gwaith sydd i'w wneud 

Meini Prawf Perfformiad 2
2 trefnu'ch gwaith eich hun

3 cyfleu'r gweithrediadau peirianyddol a'r gwaith sydd i'w wneud i aelodau'r tîm a galwedigaethau cysylltiedig eraill

Meini Prawf Perfformiad 3
4 osgoi risg drwy gydymffurfio â'r wybodaeth a roddir am ddiogelwch sy'n ymwneud ag o leiaf bump o'r dilynol

4.1 dulliau gweithio

4.2 defnyddio mesurau rheoli iechyd a diogelwch yn ddiogel

4.3 defnyddio a storio offer a chyfarpar yn ddiogel

4.4 defnyddio, storio a thrin ategolion codi'n ddiogel

4.5 defnyddio cyfarpar mynediad yn ddiogel

4.6 risgiau penodol i iechyd

Meini Prawf Perfformiad 4
5 dewis adnoddau sy'n gysylltiedig â'ch gwaith eich hun

5.1 ategolion codi, cymhorthion codi, offer llaw a chyfarpar ategol

5.2 cyfarpar signalu a chyfathrebu

Meini Prawf Perfformiad 5
6 diogelu'r gwaith a'r ardal o'i gwmpas rhag difrod

7 atal difrod a chynnal lle gweithio glân

8 gwaredu gwastraff yn unol â'r ddeddfwriaeth gyfredol

Meini Prawf Perfformiad 6
9 dangos sgiliau mesur, bwrw amcan, amcangyfrif, cyfrifo, ffitio, gosod, profi, cydbwyso, dehongli, archwilio, barnu, esbonio, paratoi, nodi, hysbysu, cyfarwyddo, arwyddo, lleoli, addasu, ffurfweddu, symud, sicrhau, signalu a throsglwyddo

10 defnyddio a chynnal a chadw ategolion codi, cymhorthion codi a chyfarpar signalu a chyfathrebu

11 archwilio a pharatoi ategolion codi cyn slingio

12 slingio o leiaf dri o'r llwythi dilynol fel rhan o alwedigaeth benodol neu bob un o'r llwythi dilynol fel galwedigaeth a signalu peiriannau i'w codi a'u symud yn unol â'r cyfarwyddiadau gweithio a roddir
12.1 cytbwys

12.2 anghytbwys

12.3 llac

12.4 wedi'u bwndelu

12.5 cynhwysydd

12.6 drwm

12.7 llwyth lle na all gweithredwr y peiriant weld ei lwybr symud llawn

13 arwain a symud llwythi crog i gyrchfannau y cytunwyd arnynt, yn ogystal â'u gosod ynddynt, yn unol â'r cyfarwyddiadau gweithio a roddir drwy ddefnyddio signalau llaw a'r dulliau dilynol hefyd pan mai slingio a signalu yw'r alwedigaeth
13.1 cyfarpar signalu â llaw

13.2 cyfarpar cyfathrebu electronig

Meini Prawf Perfformiad 7
14 cwblhau'ch gwaith eich hun o fewn yr amser amcangyfrifedig a neilltuwyd i ddiwallu anghenion galwedigaethau eraill a/neu'r cleient

---

Cyfathrebu
1 trafodaethau, brasluniau, data electronig, sesiynau briffio, signalu a chyfathrebu ar radio

Gwaredu gwastraff
2 cyfrifoldebau amgylcheddol, gweithdrefnau'r sefydliad, gwybodaeth gweithgynhyrchwyr, rheoliadau statudol a chanllawiau swyddogol

Argyfyngau
3 ymateb y gweithiwr i sefyllfaoedd yn unol ag awdurdodiad sefydliadol a sgiliau personol
3.1 tanau, gollyngiadau ac anafiadau
3.2 argyfyngau sy'n ymwneud â gweithgareddau galwedigaethol

Peryglon
4 y rhai hynny a nodir drwy asesiadau risg/asesiadau Rheoliadau Rheoli Sylweddau Peryglus i Iechyd, fel rhan o ddull gweithio, yng ngwybodaeth dechnegol gweithgynhyrchwyr ac mewn rheoliadau statudol a chanllawiau swyddogol

Cyfarpar rheoli iechyd a diogelwch
5 y cyfarpar a nodir gan yr egwyddorion atal ar gyfer defnydd galwedigaethol, mathau o gyfarpar a phwrpas pob math, sefyllfaoedd gwaith a'r amgylchedd gwaith cyffredinol
5.1 mesurau diogelu ar y cyd
5.2 system awyru a gwacáu leol
5.3 cyfarpar diogelu personol
5.4 cyfarpar diogelu anadlol

Gwybodaeth
6 lluniadau, gofynion, amserlenni, datganiadau dull, asesiadau risg, cynlluniau codi, cyfarwyddiadau gweithio, gwybodaeth gweithgynhyrchwyr a gweithdrefnau a Chodau Ymarfer cymeradwy
**

Deddfwriaeth, Codau Ymarfer cymeradwy a chanllawiau swyddogol**
7 mae hyn yn ymwneud â chyfrifoldebau'r gweithiwr am ddamweiniau posibl, peryglon i iechyd a'r amgylchedd wrth weithio yn y gweithle, o dan lefel y tir, mewn lleoedd cyfyng, ar uchder, ag offer a chyfarpar ac â deunyddiau a sylweddau ac wrth symud/storio deunyddiau, codi a chario a defnyddio cyfarpar codi mecanyddol

Cynnal a chadw
8 gofal y gweithiwr am ategolion codi, cymhorthion codi a chyfarpar signalu a chyfathrebu

Dulliau gweithio
9 cymhwyso gwybodaeth i sicrhau arferion, gweithdrefnau a sgiliau gwaith diogel ac iach mewn perthynas â'r dull/maes gwaith a'r deunyddiau a ddefnyddir i

9.1 nodi'r gwahaniaethau rhwng slingio a signalu, cyfarwyddo ac arwain cerbydau a pheiriannau a chyfarwyddo ac arwain peiriannau nad ydynt yn cael eu defnyddio ar gyfer codi
9.2 cadarnhau'r awdurdod, y dyletswyddau a'r cyfrifoldebau a roddwyd
9.3 nodi nodweddion cyfarpar ac ategolion codi
9.4 nodi a dehongli tystysgrifau dilys ar gyfer cynnal a chadw, arolygu ac archwilio'n drylwyr
9.5 codi a throsglwyddo pobl
9.6 slingio llwythi cytbwys, anghytbwys, llac, byw, wedi'u bwndelu, cynhwysydd a drwm a llwythi na all gweithredwr y cyfarpar eu gweld
9.7 cyfathrebu drwy ddefnyddio signalau llaw, cyfarpar signalu â llaw (goleuadau, ffyn, menig fflworoleuol a baneri) a chyfarpar cyfathrebu electronig (cyrn siarad yn uchel a radios)
9.8 cadarnhau dulliau cyfathrebu
9.9 nodi mannau dall, parthau mathru posibl a phethau eraill sy'n cyfyngu ar allu'r gyrrwr i weld
9.10 ystyried nodweddion y llwyth gan gynnwys craidd disgyrchiant a phwyntiau codi i bennu'r dull slingio
9.11 pennu ac edrych ar lwybr y llwyth cyn ac wrth iddo gael ei godi gan gynnwys pellteroedd, cliriadau a'r lle glanio
9.12 dewis, trin, archwilio a defnyddio (cydosod, gosod ac addasu) ategolion a chymhorthion codi
9.13 nodi'r meini prawf ar gyfer datddefnyddio ategolion codi
9.14 nodi, penderfynu a rhoi gwybod pryd mae angen sgiliau a gwybodaeth benodol
9.15 cysylltu ategolion codi a slingio llwythi'n ddiogel
9.16 sicrhau bod llwythi'n gytbwys ac nad ydynt yn siglo
9.17 cysylltu a defnyddio cyfarpar arwain llwythi (rhaffau)
9.18 arwain a gosod llwythi crog drwy ddefnyddio dulliau cyfathrebu cydnabyddedig a dilyn gweithdrefnau gweithredu y cytunwyd arnynt
9.19 glanio a lleoli llwythi'n ddiogel
9.20 tynnu, dadosod a storio ategolion codi
9.21 defnyddio offer llaw a chyfarpar ategol
10 gwaith tîm a chyfathrebu
11 anghenion galwedigaethau eraill sy'n gysylltiedig â slingio llwythi a signalu i symud llwythi crog

Problemau
12 y rhai hynny sy'n codi o wybodaeth, adnoddau a dulliau gweithio
12.1 eich awdurdod eich hun i unioni sefyllfa
12.2 gweithdrefnau adrodd y sefydliad

Rhaglen
13 mathau o siartiau cynnydd, amserlenni ac amseroedd amcangyfrifedig
14 gweithdrefnau'r sefydliad ar gyfer adrodd am amgylchiadau a fydd yn effeithio ar y rhaglen waith

Diogelu gwaith
15 diogelu gwaith rhag difrod a achosir gan weithgareddau cyffredinol yn y gweithle, galwedigaethau eraill a thywydd garw

Adnoddau
16 deunyddiau, cydrannau a chyfarpar mewn perthynas â niferoedd, ansawdd, meintiau a chynaliadwyedd mathau safonol ac arbenigol o
16.1 ategolion codi
16.2 cyfarpar signalu a chyfathrebu
16.3 offer llaw a chyfarpar ategol
17 nodi pwysau, niferoedd, hyd ac arwynebedd sy'n gysylltiedig â'r dull/gweithdrefn ar gyfer slingio llwythi a signalu i symud llwythi crog

**

Gweithdrefnau diogelwch**
18 safle, gweithle, cwmni a gweithiwr

Sgiliau
19 eich galwedigaeth eich hun a galwedigaethau sy'n gysylltiedig â'r gwaith

---

---

---

---

---

---

---

---

30 Gorff 2019

---

Ar hyn o bryd

---

Gwreiddiol

---

CITB

---

VR402

---

Gyrru a Gweithredu Peiriannau Symudol

---

8229

---

Cyfathrebu ar radio; Cyfarpar codi; Cymhorthion codi; Cyfarpar signalu a chyfathrebu; Cyfarpar signalu â llaw

---