Gosod waliau a lloriau pren
Trosolwg
Mae'r safon hon yn ymwneud â dehongli gwybodaeth, mabwysiadu arferion gwaith diogel, iach ac amgylcheddol gyfrifol a dewis a defnyddio deunyddiau, cydrannau a chyfarpar ar gyfer gosod waliau a lloriau pren
Mae'r safon hon ar gyfer pobl sy'n gweithio ym maes galwedigaethol gosod strwythurau ffrâm bren (ac eithrio pyst a thrawstiau strwythurol) a gall gweithwyr, goruchwylwyr a rheolwyr adeiladu ei defnyddio
Meini prawf perfformiad
Mae'n rhaid eich bod chi'n gallu:
P1 dehongli'r wybodaeth a roddir am y gwaith a'r adnoddau i gadarnhau ei pherthnasedd
P2 cydymffurfio â'r ddeddfwriaeth berthnasol a phenodol a chanllawiau swyddogol i wneud eich gwaith a chynnal arferion gwaith diogel ac iach
P3 dewis nifer yr adnoddau sydd eu hangen ac ansawdd gofynnol yr
adnoddau hynny ar gyfer y dulliau gweithio
P4 cydymffurfio â gweithdrefnau'r sefydliad i leihau'r risg o ddifrod i'r gwaith a'r ardal o'i gwmpas
P5 cydymffurfio â'r wybodaeth a roddir yn y contract i wneud y gwaith yn effeithlon yn unol â'r gofynion
P6 cwblhau'r gwaith o fewn yr amser a neilltuwyd yn unol â'r rhaglen waith
Gwybodaeth a Dealltwriaeth
You need to know and understand:
Meini Prawf Perfformiad 1
Dehongli gwybodaeth
K1 pa weithdrefnau a ddatblygwyd gan y sefydliad i adrodd am wybodaeth amhriodol ac adnoddau anaddas, yn ogystal â'u cywiro, a sut i'w gweithredu
K2 pa fathau o wybodaeth sydd ar gael, beth yw eu ffynhonnell a sut i'w dehongli
K3 beth yw gweithdrefnau'r sefydliad ar gyfer datrys problemau â'r
wybodaeth a pham mae'n bwysig eu dilyn
**
Meini Prawf Perfformiad 2**
Arferion gwaith diogel
K4 faint o wybodaeth y mae'n rhaid i weithwyr ei deall i gydymffurfio â'r ddeddfwriaeth berthnasol a chyfredol a chanllawiau swyddogol a sut i'w chymhwyso
K5 pa fathau o ddiffoddwyr tân sydd ar gael a sut a phryd i'w defnyddio
K6 sut y dylid ymateb i argyfyngau a phwy ddylai ymateb
K7 beth yw gweithdrefnau diogelwch y sefydliad ar gyfer offer, cyfarpar ac eiddo personol
K8 beth yw'r gweithdrefnau ar gyfer adrodd am ddamweiniau a phwy sy'n gyfrifol am wneud hynny
K9 pam, pryd a sut y dylid defnyddio cyfarpar rheoli iechyd a diogelwch
K10 sut i weithredu arferion gwaith sy'n amgylcheddol gyfrifol er mwyn cydymffurfio â'r d*deddfwriaeth* gyfredol a chanllawiau swyddogol
Meini Prawf Perfformiad 3
Dewis adnoddau
K11 beth yw nodweddion, ansawdd, defnyddiau, cynaliadwyedd, cyfyngiadau a diffygion yr adnoddau a sut y dylid cywiro diffygion
K12 sut y dylid defnyddio'r adnoddau a sut i adrodd am unrhyw broblemau sy'n gysylltiedig â nhw
K13 beth yw gweithdrefnau'r sefydliad ar gyfer dewis adnoddau, pam y cawsant eu datblygu a sut i'w defnyddio
K14 pa beryglon sy'n gysylltiedig â'r adnoddau a'r dulliau gweithio a sut i ddelio â'r rhain
Meini Prawf Perfformiad 4
Lleihau'r risg o ddifrod
K15 sut i ddiogelu gwaith rhag difrod a phwrpas diogelu
K16 pam y dylid gwaredu gwastraff yn ddiogel a sut i wneud hyn
Meini Prawf Perfformiad 5
Bodloni gofynion y contract
K17 sut i ymgymryd â dulliau gweithio i fodloni'r gofynion a sut i adrodd am broblemau
K18 sut i gynnal a chadw offer a chyfarpar
**
Meini Prawf Perfformiad 6**
Amser a neilltuwyd
K19 beth yw'r rhaglen i'r gwaith gael ei wneud o fewn yr amser amcangyfrifedig a neilltuwyd a pham y dylid cadw at derfynau amser
Cwmpas/ystod
Cwmpas Perfformiad
Meini Prawf Perfformiad 1
1 dehongli lluniadau, gofynion, amserlenni, gwybodaeth ddigidol, datganiadau dull, asesiadau risg a gwybodaeth gweithgynhyrchwyr sy'n gysylltiedig â'r gwaith sydd i'w wneud
Meini Prawf Perfformiad 2
2 osgoi risg drwy gydymffurfio â'r wybodaeth a roddir am y dilynol
2.1 dulliau gweithio
2.2 defnyddio cyfarpar rheoli iechyd a diogelwch yn ddiogel
2.3 defnyddio cyfarpar mynediad a/neu blatfformau gweithio'n ddiogel
2.4 defnyddio, storio a thrin deunyddiau, offer a chyfarpar yn ddiogel
2.5 risgiau penodol i iechyd
Meini Prawf Perfformiad 3
3 dewis adnoddau sy'n gysylltiedig â'ch gwaith eich hun
3.1 deunyddiau, cydrannau a gosodiadau
3.2 offer a chyfarpar
Meini Prawf Perfformiad 4
4 diogelu'r gwaith a'r ardal o'i gwmpas rhag difrod
5 cynnal lle gweithio clir a thaclus
6 gwaredu gwastraff yn unol â'r ddeddfwriaeth gyfredol
Meini Prawf Perfformiad 5
7 dangos sgiliau mesur, marcio allan, ffitio, alinio, lleoli a sicrhau
8 defnyddio a chynnal a chadw offer llaw, offer pŵer cludadwy a chyfarpar ategol
9 gosod y dilynol yn unol â'r cyfarwyddiadau gweithio a roddir
9.1 platwadnau
9.2 waliau a lloriau ffrâm bren (strwythurol ac anstrwythurol)
9.3 colofnau a thrawstiau strwythurol wedi'u hymgorffori
Meini Prawf Perfformiad 6
10 cwblhau'ch gwaith eich hun o fewn yr amser amcangyfrifedig a neilltuwyd i ddiwallu anghenion galwedigaethau eraill a/neu'r cleient
Gwybodaeth Cwmpas
Gwaredu gwastraff
1 cyfrifoldebau amgylcheddol, gweithdrefnau'r sefydliad, gwybodaeth gweithgynhyrchwyr, rheoliadau statudol a chanllawiau swyddogol
Argyfyngau
2 ymateb y gweithiwr i sefyllfaoedd yn unol ag awdurdodiad sefydliadol a sgiliau personol
2.1 tanau, gollyngiadau ac anafiadau
2.2 argyfyngau sy'n ymwneud â gweithgareddau galwedigaethol
Diffoddwyr tân
3 dŵr, CO2, ewyn a phowdr a'u defnyddiau
Peryglon
4 y rhai hynny a nodir drwy asesiad risg, fel rhan o ddull gweithio, yng ngwybodaeth dechnegol gweithgynhyrchwyr ac mewn rheoliadau statudol a chanllawiau swyddogol
Cyfarpar rheoli iechyd a diogelwch
5 y cyfarpar a nodir gan yr egwyddorion atal ar gyfer defnydd galwedigaethol, mathau o gyfarpar a phwrpas pob math, sefyllfaoedd gwaith a'r amgylchedd gwaith cyffredinol
5.1 mesurau diogelu ar y cyd
5.2 system awyru a gwacáu leol
5.3 cyfarpar diogelu personol
5.4 cyfarpar diogelu anadlol
Gwybodaeth
6 lluniadau, gofynion, amserlenni, gwybodaeth ddigidol a modelu 3D, datganiadau dull, asesiadau risg, gwybodaeth gweithgynhyrchwyr, canllawiau swyddogol a rheoliadau adeiladu cyfredol sy'n ymwneud â gosod waliau a lloriau pren
Deddfwriaeth a chanllawiau swyddogol
7 mae hyn yn ymwneud â chyfrifoldebau'r gweithiwr am ddamweiniau posibl, peryglon i iechyd a'r amgylchedd wrth weithio yn y gweithle, mewn lleoedd cyfyng, ar uchder, ag offer a chyfarpar ac â deunyddiau a sylweddau ac wrth symud a storio deunyddiau drwy eu codi a'u cario a defnyddio cyfarpar codi mecanyddol
Cynnal a chadw
8 gofal y gweithiwr am offer llaw, offer pŵer cludadwy a chyfarpar ategol
Dulliau gweithio
9 cymhwyso gwybodaeth i sicrhau arferion, gweithdrefnau a sgiliau gwaith diogel ac iach mewn perthynas â'r dull, y maes gwaith a'r deunyddiau a ddefnyddir i
9.1 tynnu a throsglwyddo data o luniadau ar gyfer gosod waliau a lloriau pren
9.2 rhoi gwybodaeth ar gyfer modelu gwybodaeth am adeiladu
9.3 nodi cydrannau waliau a lloriau
9.4 llinellu, lefelu a gosod platwadnau gan gynnwys cyrsiau a philenni atal lleithder a meini prawf rhyngweithio
9.5 gosod paneli wal a llawr (strwythurol ac anstrwythurol), distiau a decin rhydd a cholofnau a thrawstiau strwythurol wedi'u hymgorffori (pren a dur) â llaw ac â chyfarpar codi mecanyddol
9.6 gosod mesurau propio, cleddu a diogelu dros dro
9.7 ffurfio uniadau sy'n gysylltiedig ag adeiladu fframiau pren
9.8 ffurfio agoriadau
9.9 gosod rhwystrau tân, rhwystrau ceudod, pilenni anadladwy a haenau rheoli anwedd
9.10 gosod lloriau arnofiol
9.11 gosod deunydd inswleiddio i sicrhau'r perfformiad a nodwyd o ran ynni a charbon
9.12 osgoi colli gwres a chyddwysiad oherwydd pontydd thermol
9.13 cymhwyso egwyddorion aerglosrwydd ac awyru
9.14 gosod cydrannau cwympo anghymesur
9.15 nodi symudiad a setliad gwahaniaethol
9.16 nodi lleoliadau llinellau a phwyntiau llwyth waliau sy'n cynnal llwythi a lloriau, gan gynnwys pwyntiau llwyth dros dro, sydd wedi symud
9.17 nodi a bodloni gofynion ansawdd ar gyfer gosod
9.18 gweithio gyda pheiriannau, o'u cwmpas ac yn agos iawn atynt
9.19 gweithio gyda pheiriannau i godi a throsglwyddo llwythi
9.20 cyfarwyddo ac arwain peiriannau wrth iddynt symud a chael eu gweithredu
9.21 dadlwytho a storio cydrannau waliau a lloriau
9.22 nodi, penderfynu a rhoi gwybod pryd mae angen sgiliau a gwybodaeth arbenigol
9.23 defnyddio offer llaw, offer pŵer cludadwy a chyfarpar
9.24 gweithio ar uchder
9.25 defnyddio cyfarpar mynediad
9.26 arbed dŵr, rhoi gwybod am ollyngiadau dŵr a chau tapiau
9.27 ailgylchu deunyddiau a lleihau gwastraff
10 gwaith tîm a chyfathrebu
11 anghenion galwedigaethau eraill sy'n gysylltiedig â gosod waliau a lloriau
pren
Problemau
12 y rhai hynny sy'n codi o wybodaeth, adnoddau a dulliau gweithio
12.1 eich awdurdod eich hun i unioni sefyllfa
12.2 gweithdrefnau adrodd y sefydliad
Rhaglen
13 mathau o dargedau cynhyrchiant ac amserlenni
14 y ffordd y mae amseroedd yn cael eu hamcangyfrif
15 gweithdrefnau'r sefydliad ar gyfer adrodd am amgylchiadau a fydd yn effeithio ar y rhaglen waith
Diogelu gwaith
16 diogelu gwaith rhag difrod a achosir gan weithgareddau cyffredinol yn y gweithle, galwedigaethau eraill a thywydd garw
Adnoddau
17 deunyddiau, cydrannau a chyfarpar mewn perthynas â niferoedd, ansawdd, meintiau a chynaliadwyedd mathau safonol a/neu arbenigol o
17.1 pren, cynhyrchion pren, deunyddiau dalennog, paneli wal a llawr, colofnau a thrawstiau pren a metel, cyrsiau a philenni atal lleithder, pilenni anadladwy, rhwystrau tân, rhwystrau ceudod, haenau rheoli anwedd, deunyddiau cadw, adlynion, deunyddiau selio, ffitiadau, gosodiadau ac eitemau ategol cysylltiedig
17.2 offer llaw, offer pŵer cludadwy a chyfarpar
18 cadarnhau bod yr adnoddau a'r deunyddiau'n bodloni'r gofynion
19 dulliau o gyfrifo niferoedd, hyd, arwynebedd a gwastraff sy'n gysylltiedig â'r dull a'r weithdrefn ar gyfer gosod waliau a lloriau pren
Gweithdrefnau diogelwch
20 safle, gweithle, cwmni, gweithiwr a cherbydau