Rheoli Defnydd Effeithlon o Ddŵr mewn Ymarfer Busnes Cynaliadwy

Mae'r safon hon yn ymwneud â chefnogi ymarfer busnes cynaliadwy trwy weithredu rhaglenni i wella effeithlonrwydd dŵr. Mae'n cynnwys gallu deall pwysigrwydd effeithlonrwydd dŵr; sefydlu a chynnal mesurau sy'n cefnogi effeithlonrwydd dŵr; hysbysu eraill am eu cyfrifoldebau; monitro arferion gwaith a nodi ac ymdrin ag unrhyw weithgareddau aneffeithlon yn effeithiol. Mae'r safon hefyd yn gofyn am gymhwyso technegau cyfathrebu effeithiol. Mae dealltwriaeth o bwysigrwydd effeithlonrwydd dŵr, ailgylchu ac ailddefnyddio dŵr yn hanfodol i'r safon hon.

Mae'r uned hon ar eich cyfer chi, os oes gennych gyfrifoldeb dros gefnogi defnydd effeithlon o ddŵr ar gyfer ardal neu broses weithredol mewn sefydliad.

1. cael a dehongli targedau sefydliadol y defnydd o ddŵr

2. hysbysu eraill yn gywir am eu cyfrifoldebau mewn perthynas â thargedau sefydliadol sydd yn hybu defnydd effeithlon o ddŵr

3. sicrhau bod defnydd o ddŵr yn cydymffurfio â thargedau sefydliadol, manylebau ansawdd a gofynion cyfreithiol

4. sicrhau bod arferion gwaith yn gwneud defnydd effeithlon o ddŵr

5. monitro arferion gwaith a gwerthuso defnydd ac effeithlonrwydd dŵr 

6. cefnogi pobl eraill i osgoi gwastraffu dŵr

7. annog pobl eraill yn gadarnhaol i oresgyn rhwystrau a gwella arferion gwaith ac effeithlonrwydd dŵr

8. darparu cyfleoedd hyfforddiant a datblygu i wella effeithlonrwydd dŵr

9. nodi cyfleoedd i annog pobl eraill i fabwysiadu arferion gwaith sy'n defnyddio dŵr yn fwy effeithlon

10. nodi a chymryd camau i reoli unrhyw ffynonellau llygredd dŵr posibl o fewn maes cyfrifoldeb

11. datblygu a chyfathrebu argymhellion ar gyfer gwelliannau effeithlonrwydd i bobl eraill

12. cyflwyno argymhellion clir sy'n cefnogi datblygu effeithlonrwydd dŵr ymhellach, ar adeg briodol a chyda'r lefel gywir o fanylder

1. rôl effeithlonrwydd dŵr yn cyflawni cynaliadwyedd 

2. effaith defnydd o ddŵr ar yr amgylchedd

3. sut mae rheolaeth effeithiol dŵr yn cefnogi arferion busnes cynaliadwy

4. safonau ansawdd dŵr sefydliadol

5. sut mae deddfwriaeth yn effeithio ar echdynnu, defnyddio a gwaredu dŵr yn y sefydliad
6. sut caiff dŵr ei gaffael, ei drin, ei ddefnyddio a'i ryddhau gan y sefydliad 
7. targedau sefydliadol ar gyfer defnydd ac effeithlonrwydd dŵr
8. buddion defnydd effeithlon o ddŵr i'r sefydliad
9. sut a pham y caiff defnydd o ddŵr ei fonitro a'i reoli mewn maes cyfrifoldeb
10. sut gall rheoli a threfnu gwaith yn effeithiol helpu i leihau'r defnydd o ddŵr
11. sut gall hyfforddi a datblygu staff helpu i gynnal defnydd effeithiol o ddŵr
12. gweithdrefnau sefydliadol ar gyfer echdynnu, storio, trin, ailgylchu, ailddefnyddio a rhyddhau dŵr
13. sut i nodi a rheoli ffynonellau posibl llygredd dŵr mewn maes cyfrifoldeb
14. sut caiff y defnydd o ddŵr ei reoli a'i leihau o fewn maes cyfrifoldeb
15. sut gall camau pobl eraill effeithio ar y defnydd o ddŵr
16. y rhwystrau all gyfyngu effaith rheolaeth dŵr a sut gellir goresgyn y rhwystrau hyn
17. sut gall methu â bodloni manylebau ansawdd sefydliadol effeithio ar y defnydd o ddŵr
18. dulliau effeithiol o gyfathrebu ar gyfer maes cyfrifoldeb

Gall Rhwystrau fod yn economaidd, ymarferol, credoau personol ac agweddau pobl, cymdeithasol neu gyfreithiol

Targedau yn ymwneud â defnydd effeithlon o ddŵr, ailgylchu ac ailddefnyddio dŵr

Gall pobl eraill fod yn: gydweithwyr, cwsmeriaid a chontractwyr