Ymgysylltu â phobl ifanc i hybu eu lles emosiynol a’u hiechyd meddwl

Mae'r safon hon yn ymwneud â defnyddio ymyriadau a gweithgareddau gwaith ieuenctid i gynorthwyo pobl ifanc i archwilio eu hiechyd a'u lles meddyliol ac emosiynol a'u strategaethau ymdopi. Gallai'r ymyriadau a'r gweithgareddau hyn gynnwys gweithgareddau cymdeithasol, economaidd, diwylliannol, ysbrydol a hamdden, gan ddefnyddio rhwydweithiau a gwasanaethau. 
Elfen ganolog o’r safon yw hawl pob person ifanc i gael ei gynnwys yn llawn yn gymdeithasol. Byddwch yn helpu pobl ifanc i wireddu eu cryfderau eu hunain, strategaethau ymdopi, dyheadau ac adnoddau a lleihau unrhyw rwystrau i fanteisio ar weithgareddau a gynlluniwyd i annog iechyd a lles meddyliol ac emosiynol cadarnhaol.
Mae'r safon hon yn berthnasol i ymarferwyr gwaith ieuenctid sy'n gweithio i hyrwyddo cynhwysiant cymdeithasol pobl ifanc.

---

1. cynorthwyo pobl ifanc i asesu eu cryfderau, eu dyheadau, eu hadnoddau a’u strategaethau ymdopi eu hunain, a sut y gallant adeiladu ar y rhain
2. gwneud awgrymiadau ynghylch gweithgareddau cadarnhaol priodol a/neu rwydweithiau/gwasanaethau i bobl ifanc y gallent ddymuno fanteisio arnynt
3. cael gafael ar wybodaeth berthnasol a’i rhannu er mwyn galluogi pobl ifanc i benderfynu ar i ba raddau y maent am gael eu cynnwys mewn gweithgareddau a/neu rwydweithiau/gwasanaethau perthnasol 
4. creu cyfleoedd i bobl ifanc gymryd rhan mewn gweithgareddau a/neu rwydweithiau/gwasanaethau y maent wedi mynegi diddordeb ynddynt
5. lleihau unrhyw rwystrau i allu manteisio ar weithgareddau a/neu rwydweithiau priodol
6. rhoi cymorth yn ôl yr angen i alluogi pobl ifanc i gymryd rhan mewn gweithgareddau a/neu rwydweithiau/gwasanaethau perthnasol
7. gofyn am gyngor i amddiffyn lles pobl ifanc, lle mae cymryd rhan mewn gweithgaredd a/neu rwydwaith yn ymddangos fel pe bai’n cael effeithiau negyddol ar eu hymddygiad, eu hiechyd a’u lles meddyliol ac emosiynol
8. cymryd camau yn unol â'r cyngor a roddir i chi er mwyn cael deilliant cadarnhaol i'r bobl ifanc yr ydych yn eu cynorthwyo
9. bodloni'r gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

1. codau cyfreithiol, sefydliadol a chodau ymarfer sy'n berthnasol i weithio gyda phobl ifanc ag anghenion iechyd emosiynol, a'u heffaith ar gyfathrebu â phobl ifanc yn effeithiol
2. ffactorau sy'n effeithio ar anghenion a/neu alluoedd pobl ifanc i drefnu cefnogaeth, cymorth a chymryd camau'n uniongyrchol
3. ffactorau sy'n dylanwadu ar hunanddelwedd pobl ifanc a'u parodrwydd i ryngweithio ag eraill a’u diddordeb mewn gwneud hynny
4. y mathau o gefnogaeth a chymorth y gallai fod eu hangen ar bobl ifanc ar wahanol adegau ac mewn cyd-destunau gwahanol a sut i gael gafael ar y rhain
5. unrhyw faterion hunaniaeth a allai rwystro pobl ifanc rhag cymryd rhan mewn gweithgareddau gwaith ieuenctid
6. pa fath o wybodaeth y gall fod ei hangen ar bobl ifanc, sut caiff ei defnyddio a sut gellir cynnal cyfrinachedd a diogelu
7. sut a ble i gael gwybodaeth a chymorth sy’n gallu llywio eich arferion
8. pwysigrwydd gwerthfawrogi, cydnabod, parchu a hyrwyddo amrywiaeth, arbenigedd a phrofiad pobl ifanc ag anghenion iechyd meddwl ac emosiynol a’r bobl sy’n bwysig iddynt
9. sut i herio rhagdybiaethau mewn ffordd adeiladol sy'n codi ymwybyddiaeth a dealltwriaeth
10. sut a phryd i gael cymorth ar gyfer pobl ifanc mewn sefyllfaoedd y tu hwnt i'ch profiad a'ch arbenigedd
11. sut a phryd i gael cymorth ar gyfer eich hun
12. y ffurfiau y gall gwahaniaethu eu cymryd, yr ymddygiadau a allai fynegi’r rhain a sut gall y rhain amrywio rhwng gwahanol grwpiau ac mewn gwahanol leoliadau
13. effeithiau posibl stereoteipio, stigmateiddio, rhagfarn a labelu ar bobl a sut i gynorthwyo pobl a allai fod â phrofiad o’r rhain
14. ffactorau a allai eithrio pobl o’r ddarpariaeth a sut i fynd i’r afael â’r rhain
15. beth yw gwahaniaethu uniongyrchol ac anuniongyrchol
16. eich gwerthoedd eich hun a sut mae'r rhain yn effeithio ar eich gwaith gyda phobl sy'n defnyddio gwasanaethau a chyda darparwyr gwasanaethau eraill
17. pwysigrwydd herio gwahaniaethu ac ymddygiad gormesol a sut i wneud hynny o fewn a thrwy strwythurau eich sefydliad a thu hwnt i'r rhain
18. achosion gwahaniaethu ac aflonyddu
19. gweithdrefnau cofnodi a rhoi gwybod am arferion a digwyddiadau gwahaniaethol
20. y gwerthoedd ac egwyddorion gwaith ieuenctid mewn perthynas â gofynion y safon hon

---

---

---

---

---

---

---

---

---

---

1

---

2022

---

Ar hyn o bryd

---

Gwreiddiol

---

CLD Standards Council Scotland

---

AMH

---

Gweithiwr Ieuenctid

---

3221

---

Ieuenctid; pobl ifanc; gwybodaeth; penderfyniadau; cynorthwyo; gweithredu; nodau; deilliannau; nodau; gwerthoedd; asiantaethau; iechyd meddwl; iechyd; iechyd emosiynol; lles

---