Monitro ac adolygu polisi ac arferion eich sefydliad ar gyfer amddiffyn a diogelu pobl ifanc a'ch hunan

Diogelu pobl ifanc yw un o'r gwerthoedd y disgwylir i weithwyr ieuenctid wybod amdanynt a'u cymhwyso yn eu hymarfer.
Mae'r safon hon yn ymwneud â chyfrannu at bolisïau ac arferion sy'n amddiffyn pobl ifanc, eu creu, a’u rhoi ar waith Yn rhan o hyn, byddwch yn gwneud yn siŵr eich bod yn rhoi camau recriwtio a goruchwylio diogel ar waith, yn dilyn gweithdrefnau ac yn cadarnhau bod cydweithwyr yn gwneud hyn hefyd fel bod camau angenrheidiol yn cael eu cymryd i ddiogelu pobl ifanc pan fo angen.
Mae'r safon hon yn addas i bob gweithiwr ieuenctid, gan fod pawb yn gyfrifol am amddiffyn plant.

---

1. diogelu ac amddiffyn pobl ifanc gan ddilyn gofynion cyfreithiol, rheoleiddiol, codau ymarfer a dyletswydd gofal
2. cadarnhau bod cydweithwyr a phobl ifanc yn ymwybodol o'r polisïau a'r gweithdrefnau diogelu, a'r rhesymeg y tu ôl iddynt
3. rhoi gweithdrefnau recriwtio a gwirio gweithwyr ar waith ar gyfer gweithwyr a gwirfoddolwyr yn unol â deddfwriaeth gyfredol a gofynion sefydliadol
4. goruchwylio fel ffordd o ddiogelu pobl ifanc
5. rhoi cymorth ymsefydlu a datblygiad proffesiynol parhaus i weithwyr a gwirfoddolwyr wrth gymhwyso ymarfer da
6. rhoi cymorth i bobl ifanc pan fyddant yn defnyddio mathau newydd o gyfryngau i wneud yn siŵr eu bod yn ddiogel ac nad ydynt yn dioddef bwlio ac aflonyddu
7. cytuno â chydweithwyr perthnasol ar y gweithdrefnau a'r camau i'w cymryd i ymdrin ag amheuon, honiadau a digwyddiadau sy'n mynd yn groes i arferion da a rhoi gwybod amdanynt
8. cytuno ar weithdrefnau i'w dilyn mewn perthynas â chyfrinachedd, datgelu a chydsynio
9. bodloni'r gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

1. y gofynion cyfreithiol, rheoleiddiol ac o ran codau ymarfer a dyletswydd gofal mewn perthynas ag amddiffyn a diogelu pobl ifanc
2. gofynion, polisïau ac arferion eich sefydliad o ran recriwtio’n ddiogel a diogelu, gan gynnwys cael caniatâd gwybodus pan fo angen
3. pwysigrwydd sefydlu polisi sy'n cydnabod mai diogelwch y person ifanc sydd bwysicaf, a bod cyfrifoldeb gan yr holl staff, gan gynnwys gwirfoddolwyr, i roi gwybod i'r person perthnasol am unrhyw bryderon
4. yr egwyddorion sy'n sail i bolisïau a gweithdrefnau amddiffyn a diogelu pobl ifanc
5. pwysigrwydd cynnwys pobl ifanc wrth ddatblygu polisïau a gweithdrefnau, a ffyrdd o wneud hyn
6. dulliau effeithiol o gyfathrebu'r polisïau a'r gweithdrefnau, yn ogystal â chynorthwyo’r ffordd y cânt eu gweithredu yn eich sefydliad
7. y meini prawf monitro ac adolygu i'w defnyddio i wirio effeithiolrwydd polisïau a gweithdrefnau i amddiffyn a diogelu pobl ifanc
8. y camau i'w cymryd pan fydd polisi neu weithdrefn wedi cael ei thorri
9. y polisïau a'r gweithdrefnau sydd wedi’u mabwysiadu gan sefydliadau partner i amddiffyn pobl ifanc
10. yr asiantaethau a’r rhanddeiliaid yn eich sectorau eich hun a sectorau eraill sy'n rhoi cymorth, gan bwy y gellir cael gwybodaeth, ac at bwy y gellir cyfeirio er mwyn diogelu ac amddiffyn
11. pwysigrwydd annog arferion rhagorol er mwyn diogelu ac amddiffyn staff rhag honiadau ffug
12. terfynau cyfrinachedd, pryd mae'n bwysig datgelu, a'r gweithdrefnau ar gyfer gwneud hynny
13. arferion da o ran recriwtio, ymsefydlu a chymorth hyfforddiant parhaus ar gyfer amddiffyn a diogelu pobl ifanc a chi eich hun
14. y gweithdrefnau ar gyfer diogelu ac amddiffyn pobl ifanc a chi eich hun, gan gynnwys diogelu digidol
15. sut i roi cymorth ymsefydlu a datblygiad proffesiynol parhaus i weithwyr a gwirfoddolwyr wrth gymhwyso arferion da
16. y gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

---

---

---

---

---

---

---

---

---

1

---

2022

---

Ar hyn o bryd

---

Gwreiddiol

---

CLD Standards Council Scotland

---

LSI YW20

---

Gweithiwr Ieuenctid

---

3221

---

Ieuenctid; pobl ifanc; diogelu; lles; amddiffyn; gofynion; amgylchedd; atgyfeiriadau; cyfrinachedd; datgelu; cydsyniad; arferion; polisi; gweithdrefnau

---