Eirioli gyda phobl ifanc, ac ar eu rhan, fel bod eu buddiannau'n cael eu cynrychioli

Pwysigrwydd bod pobl ifanc yn cymryd rhan ac yn cael eu cynnwys yw un o'r gwerthoedd y disgwylir i weithwyr ieuenctid wybod amdano a'i gymhwyso'n ymarferol. Mae annog pobl ifanc i gymryd rhan ac eirioli yn helpu i roi hwb i sgiliau a hyder pobl ifanc.
Mae'r safon hon yn ymwneud â chynorthwyo pobl ifanc i ddatblygu eu sgiliau cyfathrebu i gynrychioli eu barn a'u gwerthoedd nhw a rhai eu cyfoedion, i eraill. Mae hefyd yn cynnwys nodi beth yw anghenion a diddordebau unigolion neu grwpiau o bobl ifanc a chyflwyno eu hanghenion a'u diddordebau yn gywir ac yn deg.
Mae'r safon hon ar gyfer gweithwyr ieuenctid sy'n cyfathrebu ac yn gweithredu ar ran pobl ifanc, a/neu sy'n annog pobl ifanc i gynrychioli eu hunain.
Mae'r safon hon yn addas ar gyfer pob ymarferydd gwaith ieuenctid.

---

1. dewis modelau eirioli i'w defnyddio gyda phobl ifanc
2. cytuno â phobl ifanc ar y materion allweddol y maent am fynd i'r afael â nhw drwy eirioli, y deilliannau a ddymunir, a'r gofynion gwybodaeth
3. cynorthwyo pobl ifanc i ymgysylltu â phobl briodol, gan gynnwys y rhai sy'n gwneud penderfyniadau
4. trafod cyfleoedd, a chytuno arnynt, i bobl ifanc gymryd rhan a chynrychioli eu hunain
5. cynorthwyo pobl ifanc i gasglu gwybodaeth ddigonol a dilys i'w galluogi i ategu a chyflwyno eu barn a'u diddordebau
6. cytuno â phobl ifanc ar sut i deilwra sut y cyflwynir eu barn a'u diddordebau i wahanol gynulleidfaoedd
7. helpu pobl ifanc i gynllunio'r hyn y maent am ei gyfathrebu
8. annog pobl ifanc i gynrychioli eu hunain a'u helpu i ddatblygu strategaethau i ymdopi ag unrhyw gyfyngiadau neu rwystrau y maent yn eu hwynebu wrth wneud hyn
9. adolygu'r wybodaeth sydd ar gael am anghenion pobl ifanc a chasglu gwybodaeth ychwanegol fel y gallwch chi eirioli ar eu rhan lle bo angen
10. cyflwyno diddordebau pobl ifanc i'r gynulleidfa, gwrando ar ymateb eraill a chynnig adborth adeiladol
11. cofnodi a chynnal cofnodion o'r wybodaeth a gyflwynir a'r camau a gymerir
12. adolygu deilliannau'r sylwadau gyda phobl ifanc, a chytuno ar gamau gweithredu priodol yn dilyn hynny
13. cydymffurfio â chodau ymarfer perthnasol, canllawiau a gofynion moesegol a gweithio yn unol â gwerthoedd gwaith ieuenctid

---

1. eich rôl a'ch cyfrifoldebau mewn perthynas ag eirioli barn a diddordebau pobl ifanc
2. modelau, dulliau a thechnegau eirioli
3. amgylchiadau nodweddiadol lle gall fod angen eirioli pobl ifanc
4. ffactorau sy'n effeithio ar allu pobl ifanc i gymryd rhan a chynrychioli eu hunain
5. dulliau asesu aeddfedrwydd, sgiliau a hyder pobl ifanc sy'n berthnasol i gyflwyno eu barn a'u diddordebau
6. pwysigrwydd pennu nodau realistig ar gyfer deilliannau camau cynrychioli
7. sut i gytuno ar yr eiriolaeth sydd ei hangen gyda phobl ifanc ac ar eu cyfer, gan gynnwys y nodau, y wybodaeth sydd ei hangen a sut i gyflwyno'r achos
8. yr ystod o sefyllfaoedd lle gallai fod angen cynrychioli, a'r ffactorau i'w hystyried wrth baratoi ar gyfer y rhain
9. â phwy i gysylltu er mwyn fynd ar drywydd diddordebau pobl ifanc
10. y math o wybodaeth sydd ei hangen a sut i gael gwybodaeth ychwanegol er mwyn eirioli’n gywir ac yn deg
11. pwysigrwydd paratoi wrth gyflwyno barn a dadleuon, anghenion a disgwyliadau'r gynulleidfa, a ffyrdd o gyflawni hyn
12. y gwahaniaeth rhwng y rhai sy'n gwneud penderfyniadau a'r rhai sy'n dylanwadu ar y broses o wneud penderfyniadau, a phwysigrwydd y naill fel y llall
13. y sgiliau cyfathrebu priodol i gyflwyno safbwyntiau a diddordebau
14. materion nodweddiadol a meysydd pryder a godwyd wrth eirioli a ffyrdd o'u datrys
15. sut i roi adborth ac adolygu deilliannau eirioli gyda phobl ifanc
16. sut i gymryd unrhyw gamau gofynnol yn dilyn y gynrychiolaeth eirioli
17. codau ymarfer cyfreithiol, sefydliadol a moesegol, canllawiau a gofynion sy'n berthnasol i waith ieuenctid a'ch rôl eich hun
18. y gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

---

---

---

---

---

---

---

---

---

1

---

2022

---

Ar hyn o bryd

---

Gwreiddiol

---

CLD Standards Council Scotland

---

LSI YW15

---

Gweithiwr Ieuenctid

---

3221

---

Ieuenctid; pobl ifanc; gwerthoedd; eiriolir; achos; cymryd rhan; cynrychioli; adborth; deilliannau; nodau; cyfyngiadau; rhwystrau; annog; anghenion; diddordebau; unigolion; grwpiau

---