Cymhwyso gwerthoedd ac egwyddorion gwaith ieuenctid mewn gwaith grŵp

Pwysigrwydd tegwch, amrywiaeth a chynhwysiant yw un o'r gwerthoedd y disgwylir i weithwyr ieuenctid wybod amdano a’i gymhwyso wrth weithio gyda grwpiau o bobl ifanc.
Mae'r safon hon yn canolbwyntio ar reoli dynameg grŵp er mwyn hwyluso gwaith grŵp gyda phobl ifanc. Mae'n cynnwys gweithio gyda phobl ifanc mewn grŵp neu’n unigol i ddatblygu gweithgareddau grŵp sy'n diwallu anghenion a dewisiadau grŵp ac unigolion.
Mae'r safon hon yn addas ar gyfer pob ymarferydd gwaith ieuenctid.

---

1. esbonio eich rôl fel hwylusydd i'r grŵp
2. trafod y disgwyliadau o ran ymddygiad derbyniol o fewn y grŵp a chytuno arnynt gyda phobl ifanc
3. helpu pobl ifanc ac oedolion i sefydlu grwpiau i gyflawni gweithgareddau gwaith ieuenctid
4. hyrwyddo cynnal perthnasoedd cadarnhaol a gwerthfawrogi gwahaniaethau rhwng aelodau unigol o'r grŵp a chyda grwpiau eraill
5. cynorthwyo pobl ifanc i roi, cael a derbyn adborth adeiladol
6. defnyddio dulliau hwyluso ac arddulliau sy'n briodol i gam datblygu'r grŵp i ddylunio gweithgareddau grŵp
7. rheoli ymddygiad, gwrthdaro a thensiynau annerbyniol, gan wneud yn siŵr bod eich gweithredoedd yn cyd-fynd â deddfwriaeth, polisïau a gweithdrefnau
8. cael cymorth pan fydd camau y mae angen eu cymryd i gynorthwyo'r grŵp y tu hwnt i derfynau eich rôl a'ch cyfrifoldeb
9. bodloni polisïau, ymarfer a gofynion eich sefydliad ar gyfer cofnodi ac adrodd ar sesiynau grŵp i bobl ifanc, gan gynnwys digwyddiadau a allai godi
10. bodloni'r gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

1. eich rôl fel hwylusydd dynameg a gweithgareddau grŵp
2. pam mae gwaith grŵp yn bwysig ar gyfer datblygu sgiliau a hyder pobl ifanc
3. cysyniadau, damcaniaethau a modelau cyfoes dynameg grŵp a sut i gymhwyso'r rhain
4. ffyrdd o hwyluso grwpiau sy'n annog grymuso ac ystyried cam datblygu’r grŵp
5. pam mae'n rhaid i chi wneud yn siŵr bod ffiniau ymddygiad y grŵp a'i aelodau yn cael eu gosod ac y cedwir atynt
6. sut i annog a chynorthwyo pobl ifanc ac oedolion i sefydlu grwpiau newydd i hwyluso gweithgareddau gwaith ieuenctid mewn ymateb i angen a nodwyd
7. dulliau ac ymyriadau a ddefnyddir i ddatblygu gweithgareddau grŵp
8. pam mae’n bwysig gweithio gyda phobl ifanc mewn ffyrdd sy'n goresgyn rhwystrau i unigolion a grwpiau a'u hannog i gyfathrebu â'i gilydd a pharchu ei gilydd
9. sut i adnabod ymddygiadau sydd y tu allan i ffiniau y cytunwyd arnynt, a'r gwahaniaeth rhwng ymddygiad ymosodol a phendantrwydd
10. sut y gall oedran a cham datblygiad pobl ifanc effeithio ar y ffordd y mae ymddygiad yn cael ei weld
11. pwysigrwydd ystyried profiad bywyd pobl ifanc a allai effeithio ar eu hymddygiad ar hyn o bryd
12. technegau dargyfeirio ymddygiad gormesol
13. ffyrdd o roi adborth adeiladol i grwpiau a'u haelodau
14. ffyrdd o fonitro a gwerthuso gwaith grŵp a llwyddiant grwpiau
15. pam mae’n bwysig i bobl ifanc ddysgu rheoli eu hymddygiad eu hunain a mynd i'r afael ag unrhyw wrthdaro mewn modd cadarnhaol, yn unigol ac mewn grwpiau
16. gan bwy i gael cymorth pan fydd angen cymryd camau sydd y tu hwnt i derfynau eich cyfrifoldeb
17. polisïau a gweithdrefnau sefydliadol ar gyfer cofnodi sesiynau grŵp ac adrodd arnynt gan gynnwys rhoi gwybod am y digwyddiadau ac i bwy y dylid cyflwyno’r adroddiadau
18. y gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

---

---

---

---

---

---

---

---

---

1

---

2022

---

Ar hyn o bryd

---

Gwreiddiol

---

CLD Standards Council Scotland

---

LSI YW06

---

Gweithiwr Ieuenctid

---

3221

---

Ieuenctid; pobl ifanc; grwpiau; gweithgareddau; nodau; datblygiad; dysgu; myfyrio; profiadau; cynorthwyo; gweithgareddau; grwpiau; dynameg grŵp; ymddygiad; gwrthdaro

---