Datblygu a chynnal perthnasoedd gwaith cynhyrchiol mewn cydweithrediad â chydweithwyr, asiantaethau a rhanddeiliaid ar gyfer gwaith ieuenctid

Mae'r safon hon yn ymwneud â datblygu perthnasoedd gwaith cynhyrchiol ag eraill sydd â diddordeb mewn gweithgareddau sefydliadol sy'n gysylltiedig â gwaith ieuenctid neu sy'n cymryd rhan ynddynt. Mae'n ymwneud â chydweithio ag eraill er mwyn rhannu adnoddau i wella'r gwaith ieuenctid a ddarperir a rhoi'r cyfleoedd gorau posibl i bobl ifanc yn y gymuned.
Mae'n cynnwys bod yn ymwybodol o rolau, cyfrifoldebau, diddordebau a phryderon cydweithwyr, asiantaethau a rhanddeiliaid a gweithio gyda nhw a'u cynorthwyo mewn gwahanol ffyrdd. Mae'r angen i fonitro ac adolygu cynhyrchedd perthnasoedd gwaith gyda chydweithwyr, asiantaethau a rhanddeiliaid yn rhan allweddol o'r safon hon.
Yng nghyd-destun y safon hon, yn ogystal â chydweithwyr, asiantaethau a rhanddeiliaid, gall 'eraill' gynnwys partneriaid allanol yn ogystal â chymunedau lleol, cenedlaethol neu fyd-eang o ddiddordeb neu ymarfer.
Mae'r safon hon yn addas ar gyfer pob ymarferydd gwaith ieuenctid.

---

1. sefydlu perthynas waith gyda chydweithwyr, partneriaid a rhanddeiliaid
2. sefydlu nodau a rennir sy’n ceisio bod o fudd i bobl ifanc a chytuno arnynt gyda sefydliadau eraill, yn ogystal â datblygu dulliau cydlynol o wella cyfleoedd i bobl ifanc tuag at gyflawni’r rhain
3. cytuno â chydweithwyr, asiantaethau a rhanddeiliaid, ar y camau gweithredu y gall pawb eu cymryd i wella'r berthynas waith
4. cytuno ar y trefniadau gwaith, yr amserlen a'r cyfrifoldebau ar gyfer cyflawni'r camau gweithredu a rennir
5. rhoi gwybodaeth i eraill yn unol â gweithdrefnau sefydliadol
6. ymgynghori ag eraill wrth wneud penderfyniadau pwysig ac wrth ymgymryd â gweithgareddau gwaith ieuenctid
7. cyflawni cytundebau a wnaed gydag eraill a diwygio'r cytundebau hyn fel eu bod yn parhau i fod yn gyfredol
8. cytuno ar fesurau a dulliau perfformiad allweddol ar gyfer monitro a gwerthuso'r camau y cytunwyd arnynt
9. monitro ac adolygu cynhyrchedd perthnasoedd gwaith gydag eraill, gan ofyn am adborth a’i roi, er mwyn nodi meysydd i'w gwella
10. bodloni'r gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

1. gwerth a budd datblygu perthnasoedd gwaith cynhyrchiol gydag eraill
2. egwyddorion a chyfarpar cyfathrebu effeithiol a sut i'w cymhwyso gyda sefydliadau, cymunedau ac unigolion eraill
3. pam mae’n bwysig cydnabod a pharchu rolau, cyfrifoldebau a buddiannau cydweithwyr a rhanddeiliaid
4. yr asiantaethau, y partneriaid a’r rhanddeiliaid perthnasol a natur eu diddordeb ym mherfformiad neu weithgareddau eich sefydliad
5. pwy o'r asiantaethau, y partneriaid a’r rhanddeiliaid perthnasol sy'n gallu rhoi gwybodaeth a chymryd camau tuag at wella cyfleoedd i bobl ifanc, eu strwythurau a phwy i gysylltu â nhw wrth ystyried materion strategol a gweithredol
6. datblygiadau, materion a phryderon sy'n bwysig i randdeiliaid ym maes gwaith ieuenctid a sut i adnabod y rhain
7. pam mae'n rhaid i chi ystyried diwylliant a gwerthoedd sefydliadau eraill, yn enwedig mewn perthynas â'u blaenoriaethau wrth weithio gyda phobl ifanc
8. materion, anghenion a dyheadau pobl ifanc yn y gymuned sy'n berthnasol i ddatblygu cyfleoedd i bobl ifanc, gan gynnwys gwella darpariaeth gwaith ieuenctid
9. pwysigrwydd monitro datblygiadau ehangach mewn perthynas â rhanddeiliaid a sut i wneud hynny'n effeithiol
10. datblygiadau gwleidyddol, economaidd, cymdeithasol, technolegol, amgylcheddol a chyfreithiol presennol a datblygol ym maes gwaith ieuenctid
11. sut i nodi a chytuno pa wybodaeth sy'n briodol ac yn gyfreithlon i'w rhoi i eraill, a’r gofynion sefydliadol ar gyfer rhannu gwybodaeth
12. gweithdrefnau eich sefydliad a gweithdrefnau cyfreithiol mewn perthynas â chyfrinachedd, diogelu data a datgeliadau adroddadwy
13. sut i nodi gwrthdaro mewn buddiannau ac anghytundebau, a thechnegau i'w mabwysiadu i'w rheoli neu gael gwared ohonynt
14. pwysigrwydd rhwydweithiau effeithiol, a chynllunio tymor hir a chanolig wrth gynnal cysylltiadau effeithiol mewn sefydliadau eraill
15. sut i ddirprwyo cyfrifoldebau a dyrannu adnoddau wrth adeiladu rhwydweithiau
16. pam mae cyfathrebu’n bwysig ynghylch cyflawni cytundebau neu unrhyw broblemau sy'n effeithio ar gyflawni neu atal cyflawni
17. mecanweithiau ar gyfer monitro ac adolygu effeithiolrwydd perthnasoedd gwaith ag eraill
18. sut i gael adborth ar effeithiolrwydd perthnasoedd gwaith, ei rannu a’i ddefnyddio
19. y gofynion cyfreithiol, sefydliadol, moesegol a chodau ymarfer eraill sy'n berthnasol i weithio gydag eraill a phobl ifanc gan gynnwys y cyd-destun lleol, cymdeithasol a gwleidyddol
20. y gwerthoedd a'r egwyddorion sy'n sail i waith ieuenctid mewn perthynas â gofynion y safon hon

---

---

---

---

---

---

---

---

---

---

1

---

2022

---

Ar hyn o bryd

---

Gwreiddiol

---

CLD Standards Council

---

LSI YW28

---

Gweithiwr Ieuenctid

---

3221

---

Ieuenctid; pobl ifanc; hwyluso; partneriaid; asiantaethau; darparwyr; cymuned; cyfleoedd; gweithgareddau; datblygiad; sefydliadau; hysbysrwydd; monitro; mesur

---