Recriwtio pobl ar gyfer eich busnes

Efallai eich bod ar fin recriwtio eich aelod cyntaf o staff neu eich bod wedi cael problemau yn recriwtio staff yn y gorffennol. Efallai eich bod eisiau archwilio sut mae recriwtio staff sydd yn addas ar gyfer eich busnes. Beth bynnag fo maint eich busnes, gall recriwtio staff fod yn ddrud a chymryd amser. Mae'n bwysig eich bod, ar ddiwedd y broses, wedi recriwtio aelod o staff a all wneud yr hyn sydd angen ei wneud.

Efallai fod angen i chi wneud hyn os ydych:

1. yn ystyried recriwtio staff

2. eisiau adolygu eich proses recriwtio bresennol

    Mae recriwtio pobl yn cynnwys:

3. gweld yn union beth mae angen i'r aelod newydd o staff ei wneud

4. nodi sut byddwch yn barnu galluoedd yr holl ymgeiswyr
5. penderfynu sut byddwch yn ennyn diddordeb y math cywir o ymgeisydd
6. dewis y person cywir ar gyfer y swydd
7. sicrhau eich bod yn gallu gwella'r ffordd yr ydych yn recriwtio staff yn y dyfodol

---

1. nodi'r prif dasgau y bydd angen i'r recriwt newydd eu gwneud
2. nodi'r sgiliau, y wybodaeth, y galluoedd a'r profiad y mae'n rhaid i'r recriwt newydd eu cael a sut i farnu'r rhain
3. penderfynu pa gamau fydd gennych yn y broses recriwtio ac amseriad y rhain
4. penderfynu pwy fydd yn eich helpu gyda'r broses recriwtio 
5. gwneud yn siŵr bod y broses recriwtio y byddwch yn ei dilyn yn gyfreithlon ac yn deg i bawb 
6. penderfynu pa delerau ac amodau cyflogaeth y byddwch yn eu cynnig i'r recriwt newydd
7. gwneud yn siŵr bod pawb sydd angen gwybod yn gwybod eich bod yn recriwtio staff
8. hysbysebu am staff mewn ffyrdd fydd yn rhoi'r dewis ehangaf i chi o ymgeiswyr addas
9. sicrhau bod yr hysbyseb ac unrhyw wybodaeth y byddwch yn ei rhoi i ymgeiswyr, yn glir ac yn gywir

10. gwneud yn siŵr bod yr ymgeiswyr yn deall yn iawn yr hyn y mae'r swydd yn ei olygu

11. cynnal pob cyfweliad yn yr un ffordd a pheidio â gofyn cwestiynau nad oes gennych hawl cyfreithiol i'w gofyn

12. sicrhau eich bod yn teimlo'n hyderus y bydd yr ymgeisydd y byddwch yn ei ddewis yn gallu gwneud y swydd
13. cofnodi yn gywir ac yn gyson y ffordd y mae sgiliau, galluoedd, gwybodaeth a phrofiad pob ymgeisydd yn cyd-fynd â'r rhai yr ydych yn chwilio amdanynt
14. sicrhau eich bod yn cadw unrhyw wybodaeth bersonol am ymgeiswyr yn gyfrinachol
15. sicrhau eich bod yn dewis ymgeisydd penodol oherwydd eu sgiliau, eu galluoedd, eu gwybodaeth a'u profiad ac nid am unrhyw resymau eraill
16. sicrhau eich bod yn gofyn am eirdaon ac yn eu gwirio
17. penderfynu sut byddwch yn barnu a yw'r broses recriwtio wedi bod yn llwyddiannus neu beidio

---

Recriwtio

1. sut i nodi pa sgiliau, gwybodaeth a phrofiad sydd eu hangen i wneud prif dasgau'r swydd a'r rheiny nad ydynt yn hanfodol ond y byddwch yn dymuno iddynt feddu arnynt
2. sut i farnu gwybodaeth, sgiliau, galluoedd a phrofiad yr ymgeiswyr yn erbyn y rheiny sydd eu hangen ar gyfer y swydd
3. pa bobl ddylai fod yn gysylltiedig â'r broses recriwtio
4. sut i ganfod cyfreithiau sydd yn berthnasol ar gyfer recriwtio staff (er enghraifft cyfraith cyflogaeth, cyfraith contract, cyfraith iechyd a diogelwch a chyfraith cyfle cyfartal)
5. pa delerau ac amodau cyflogaeth y dylech eu cynnig i recriwtiaid (er enghraifft yr hawliau a'r cyfrifoldebau y bydd gennych chi a nhw yn unol â'u contract cyflogaeth, graddfeydd cyflog neu weithdrefnau disgyblu neu gwyno)
6. pa wybodaeth allai fod angen i chi ei pharatoi i esbonio'r swydd i ymgeiswyr
7. pa gofnodion i'w cadw
8. pa wybodaeth y mae angen i chi ei chadw'n gyfrinachol
9. sut i wirio geirdaon
10. sut i farnu a yw'r broses y gwnaethoch ei dilyn i ddewis recriwt wedi bod yn llwyddiannus ac a fyddech yn ei newid y tro nesaf y byddwch yn recriwtio

Hysbysebu
11. costau a manteision y ffyrdd gwahanol o hysbysebu swyddi gwag (er enghraifft rhoi hysbyseb yn adran 'swyddi gwag' papurau newydd a chylchgronau lleol a chenedlaethol, llogi cwmni ymgynghori neu asiantaeth gyflogi, hysbysebu'r swydd i staff presennol a thrwy gysylltiadau ag ysgolion, colegau a phrifysgolion)
12. sut i ddewis ffordd briodol o hysbysebu'r swydd
13. sut i drafod telerau gyda darparwr hysbysebu dewisol
14. sut i gyflwyno gwybodaeth am y swydd a sicrhau bod eich hysbysebion yn gywir
15. beth yw telerau ac amodau'r swydd a sut i gyflwyno'r rhain

Cyfweld
16. sut i benderfynu pwy ddylai gael eu cyfweld
17. sut i farnu sgiliau, galluoedd, gwybodaeth a phrofiad yr ymgeiswyr y byddwch yn cyfweld â nhw
18. sut i gyfweld ymgeiswyr
19. yr hyn y mae gennych hawl cyfreithiol i'w ofyn i ymgeiswyr a'r hyn nad oes gennych hawl i'w ofyn
20. sut i brofi ymgeiswyr, a buddion ac anfanteision hyn

---

---

---

---

---

---

---

---

1. OP1 Adolygu'r sgiliau sydd eu hangen ar eich busnes
2. OP2 Cynllunio pa bobl sydd eu hangen ar eich busnes
3. OP5 Sicrhau y gall pobl yn eich busnes wneud eu gwaith
   
    Cysylltiadau â safonau eraill
   
   Os bydd eich busnes yn tyfu ac yn datblygu tîm rheoli, gall fod yn briodol ystyried yr unedau canlynol o'r Safonau Rheolaeth ac Arweinyddiaeth.
4. D3     Recriwtio, dewis a chadw cydweithwyr
   
   

---

---

---

30 Mai 2009

---

Ar hyn o bryd

---

Gwreiddiol

---

Sfedi

---

OP3

---

Busnes, Gweinyddiaeth a'r Gyfraith, Cyfarwyddwr, Rheolwyr ac Uwch Swyddogion, Ffermwr, Rheolwr Fferm, Rheolwr Uned

---

5111

---

llwyddiant, busnes, syniad, cymdeithasol, menter, cwsmeriaid, cynnyrch, gwasanaeth, cymorth, creadigol, syniad, sgiliau, anghenion, cyflenwyr, arian parod, llif, deddfwriaeth, marchnata, marchnad, tueddiadau, cystadleuwyr, iechyd a diogelwch, TAW, offer,

---