Cynllunio ar gyfer hyrwyddo eich cynhyrchion a’ch gwasanaethau

Mae hyn yn ymwneud â chynllunio ar gyfer hyrwyddo eich cynhyrchion/gwasanaethau yn effeithiol a chyfathrebu’n effeithiol amdanynt. Mae’n cynnwys cadarnhau’r gynulleidfa darged a’r amcanion, y neges a’r dull cyfathrebu a/neu hyrwyddo i’r gynulleidfa honno. Gallai dulliau cyfathrebu gynnwys defnyddio hysbysebu, marchnata uniongyrchol, marchnata maes a/neu gysylltiadau cyhoeddus, ynghyd ag amrywiaeth o hyrwyddiadau cynhyrchion/gwasanaethau cysylltiedig, gan gynnwys hyrwyddiadau pris a/neu hyrwyddiadau gwerthiannau.

I bwy mae’r uned hon 

Argymhellir yr uned hon i’r bobl sydd â chyfrifoldeb am sicrhau bod cwsmeriaid targed cynhyrchion/gwasanaethau sefydliad yn gwbl ymwybodol o nodweddion a buddion allweddol perthnasol y cynhyrchion/gwasanaethau trwy ddefnyddio cyfathrebiadau effeithiol, ond nad ydynt o reidrwydd yn arbenigwyr marchnata neu werthiannau. Er enghraifft, gallai unigolion o’r fath fod yn rheolwyr ‘cyffredinol’ mewn sefydliadau mwy, neu’n rheolwyr a/neu’n berchnogion o fewn sefydliadau bach i ganolig eu maint.

Unedau arbenigol cysylltiedig 

Cyfeirir pobl sy’n chwilio am safonau arbenigol sy’n cynnig mwy o ddyfnder ynghylch y maes hwn at yr unedau MSSSB cysylltiedig canlynol:

Uned farchnata

1. Datblygu strategaeth cyfathrebiadau marchnata a chynlluniau ar gyfer cynhyrchion/gwasanaethau 

Unedau gwerthiannau 

1. Prisio i hyrwyddo cynhyrchion a gwasanaethau
2. Datblygu a gweithredu hyrwyddiadau gwerthiannau 

Gellir cael at fanylion yr unedau hyn ar <www.msssb.org>

P1     nodi a blaenoriaethu’r amcanion y dylai’r hyrwyddiadau arfaethedig eu cyflawni, gan sicrhau bod y rhain yn cyd-fynd â’r cynllun ar gyfer y cynhyrchion/gwasanaethau perthnasol 

P2     nodi a blaenoriaethu’r grwpiau a’r mathau o gwsmeriaid y bydd yr hyrwyddiadau’n cael eu targedu atynt 

P3     monitro ymatebion cwsmeriaid a chystadleuwyr i strategaethau prisio er mwyn amlygu cyfleoedd am hyrwyddiadau effeithiol sy’n seiliedig ar brisiau 

P4     gwerthuso’r opsiynau hyrwyddo, a nodi, cyfiawnhau a chytuno ar yr opsiwn priodol ar gyfer y cynhyrchion/gwasanaethau  

P5     asesu fforddiadwyedd unrhyw hyrwyddiadau arfaethedig sy’n seiliedig ar brisiau a’u heffaith debygol o ran cyflawni targedau nifer gwerthiannau a phroffidioldeb 

P6     nodi risgiau mewn hyrwyddiad sy’n seiliedig ar brisiau a chytuno ar gamau perthnasol wrth gefn

P7     ceisio cyngor arbenigol ar yr opsiynau priodol, lle bo angen

P8     datblygu a chytuno ar gynllun hyrwyddiadau a chyllideb ar gyfer cyflawni’r amcanion, gan amlinellu mesurau perfformiad clir ac amserlenni ar gyfer eu cyflawni 

P9     nodi’r adnoddau a’r galluoedd sy’n ofynnol i gyflawni’r cynllun cytunedig a sefydlu p’un a yw’r rhain ar gael yn fewnol neu a oes angen gwasanaethau allanol 

P10 cyfathrebu’r cynllun cytunedig, ac ennill ymrwymiad gan bobl berthnasol y sefydliad i’w gyflawni 

Gwybodaeth a dealltwriaeth gyffredinol 

K1     pwysigrwydd cyfathrebiadau a hyrwyddiadau effeithiol, a’u rôl mewn adeiladu ymwybyddiaeth a defnydd o gynhyrchion/gwasanaethau eich sefydliad 

K2     pwysigrwydd nodi’r partïon gwahanol y mae’n rhaid i sefydliad gyfathrebu â nhw, gan gynnwys ei ddefnyddwyr, canolwyr a chyhoedd eraill amrywiol 

K3     y prif ddulliau cyfathrebu a’u rolau, gan gynnwys hysbysebu, marchnata uniongyrchol, gwerthu personol, cysylltiadau cyhoeddus a hyrwyddo gwerthiannau 

K4     y gwahanol fathau o hyrwyddiadau sy’n seiliedig ar brisiau y gellir eu cynnig i’ch cwsmeriaid, a’u manteision/eu hanfanteision cymharol 

K5     sut i asesu fforddiadwyedd hyrwyddiadau sy’n seiliedig ar brisiau, a hefyd unrhyw risgiau cysylltiedig 

K6     sut i ddatblygu amcanion, gweithredoedd ac atebolrwydd hyrwyddo, a chyllidebau cysylltiedig, ac elfennau cyllideb effeithiol 

K7    sut i nodi risgiau posibl yn gysylltiedig â chyflawni’r amcanion 

K8    pwysigrwydd amlinellu mesurau perfformiad clir ar gyfer cynlluniau i gyfathrebu/hyrwyddo eich cynhyrchion/gwasanaethau, sy’n dangos adenillion ariannol i’r sefydliad 

K9    pwysigrwydd ymgynghori â chydweithwyr a phobl berthnasol eraill yn ystod datblygiad y cynllun, a sut i wneud hyn yn effeithiol 

Gwybodaeth a dealltwriaeth benodol i ddiwydiant/sector

K10 gofynion cyfreithiol a rheoleiddiol a moesegol sy’n effeithio ar gyfathrebiadau a hyrwyddiadau yn sector eich sefydliad, gan gynnwys eu heffaith o ran cyfrifoldeb cymdeithasol/corfforaethol 

K11 datblygiadau’r farchnad a datblygiadau gwerthiannau yn sector eich sefydliad

Gwybodaeth a dealltwriaeth benodol i gyd-destun

K12 y farchnad y mae eich sefydliad yn gweithio ynddi 

K13 amcanion hyrwyddo eich sefydliad, sy’n deillio o’r strategaeth gyffredinol

K14 anghenion a disgwyliadau cwsmeriaid gwirioneddol a darpar gwsmeriaid eich sefydliad, a’r ymateb y mae eich sefydliad yn dymuno’i gael o’i gyfathrebiadau/hyrwyddiadau 

K15 cystadleuwyr a phartneriaid gwirioneddol eich sefydliad a’i ddarpar gystadleuwyr a phartneriaid, a nodweddion allweddol eu cynlluniau cyfathrebu/hyrwyddo 

K16 galluoedd, adnoddau a chapasiti eich sefydliad i gefnogi cynllun cyfathrebiadau/hyrwyddo 

1. Rydych chi’n rhagweld senarios tebygol yn y dyfodol ar sail dadansoddiad realistig o dueddiadau a datblygiad
2. Rydych chi’n cyflwyno syniadau a dadleuon yn glir, yn gryno ac yn argyhoeddiadol
3. Rydych chi’n mynegi’r rhagdybiaethau a wnaed a’r risgiau sy’n gysylltiedig â deall sefyllfa