Myfyrio ar eich sgiliau a'ch ymarfer eich hunan wrth ddatblygu gyrfa, eu datblygu a'u cynnal
Trosolwg
| Mae'r safon hon ar gyfer ymarferwyr datblygu gyrfa. Mae'r safon hon yn ymwneud â myfyrio ar ymarfer cyfredol, gan nodi eich anghenion dysgu a datblygu eich hunan a chymryd rhan mewn datblygiad proffesiynol parhaus er mwyn datblygu a chynnal eich gwybodaeth, eich sgiliau a'ch ymarfer eich hun wrth ddatblygu gyrfa. |
Meini prawf perfformiad
Mae'n rhaid eich bod chi'n gallu:
adolygu a gwerthuso eich sgiliau, eich gwybodaeth a'ch ymarfer datblygu gyrfa eich hun yn erbyn gofynion perfformiad cyfredol
adnabod tueddiadau a datblygiadau sy'n berthnasol i'ch sgiliau, eich gwybodaeth a'ch ymarfer datblygu gyrfa eich hun
nodi a myfyrio'n feirniadol ar sut mae eich gwerthoedd, eich credoau a'ch agweddau eich hun yn dylanwadu ar eich ymarfer datblygu gyrfa
ceisio adborth i fyfyrio ar eich perfformiad eich hun a'i werthuso
sicrhau bod eich ymarfer datblygu gyrfa eich hun yn gynhwysol ac yn hybu cydraddoldeb ac amrywiaeth
ymdrin â chyfyngiadau mewnol ac allanol sy'n cael effaith ar eich ymarfer eich hun
cynllunio a chyrchu cyfleoedd datblygu y mae eu hangen i sicrhau bod eich gwybodaeth, eich sgiliau a'ch ymarfer eich hun yn cael eu diweddaru'n gyson, ac yn golygu bod modd i'ch gwaith eich hun gael ei gyflawni'n fwy effeithiol
defnyddio cofnodion o'ch gweithredoedd, eich cynlluniau datblygu a'ch cynnydd eich hun er mwyn cefnogi a hysbysu ymarfer adfyfyriol parhaus
cymhwyso gwybodaeth a sgiliau newydd er mwyn atgyfnerthu dysgu a gwella'ch ymarfer eich hun
adolygu effeithiolrwydd gwybodaeth a sgiliau sydd newydd eu caffael
ymgysylltu'n gadarnhaol â chyfleoedd ar gyfer cefnogaeth a goruchwyliaeth
rhannu ymarfer effeithiol gydag ymarferwyr eraill
Gwybodaeth a Dealltwriaeth
You need to know and understand:
y gofynion cyfreithiol, sefydliadol a pholisi sy'n berthnasol i'ch rôl a'r gweithgareddau sy'n cael eu cynnal
manteision mynd ati'n barhaus i adfyfyrio, gwerthuso a datblygu sgiliau, gwybodaeth, ymarfer, effeithlonrwydd ac effeithiolrwydd ymarfer datblygu gyrfa
nodau, gwerthoedd, polisïau, gweithdrefnau, rolau a dulliau gweithio eich sefydliad eich hun, lle bo hynny'n berthnasol
cwmpas a chyfyngiadau'r gofynion a'r cyfrifoldebau sy'n gysylltiedig â'ch rôl eich hun
nodau'r sefydliad, y tîm a'ch nodau proffesiynol eich hun
gofynion perfformiad cyfredol sy'n berthnasol i'ch ymarfer eich hun
effaith gwerthoedd, credoau ac agweddau a seiliwyd ar ymarfer adfyfyriol a dysgu a datblygu
dulliau o werthuso ac adolygu eich sgiliau, eich gwybodaeth a'ch ymarfer eich hun
sut mae darparu adborth a gweithredu yn ei sgîl
ffyrdd o werthuso effeithiolrwydd adnoddau dysgu a darpariaeth ddysgu a ddefnyddiwyd gennych
manteision rhannu eich gwaith dysgu a datblygu eich hun