Cysylltu systemau gosod gwifrau ac offer ar gyfer perfformiad byw

Mae’r safon hon yn ymwneud â gweithredu’r gweithdrefnau priodol ar gyfer cysylltu systemau gosod gwifrau, llociau gosod gwifrau ac offer sy’n briodol i’r system drydanol.

---

Rhaid i chi allu:

1. cyflawni system waith diogel gan nodi unrhyw beryglon rhagweladwy sy’n ymwneud â chysylltu systemau gosod gwifrau, llociau gosod gwifrau ac offer
2. nodi’r modd o ynysu trydanol yn gywir cyn cysylltu
3. cyflawni gweithdrefnau ynysu er mwyn sicrhau cysylltiad diogel yn unol â’r rheoliadau trydanol a’r gweithdrefnau cymeradwy
4. gwneud cysylltiadau yn unol â manylebau a chydymffurfio gyda rheoliadau gosod gwifrau IEE fel y nodir yn y Safon Brydeinig ddiweddaraf ar gyfer gosodiadau trydanol.
5. gwirio bod y cysylltiadau’n drydanol ac yn fecanyddol gadarn, a sicrhau eu bod nhw wedi’u nodi’n gywir ac yn eglur
6. cymryd camau gweithredu diogel a doeth i adfer unrhyw ddiffygion sydd wedi’u nodi unwaith ichi gysylltu’r offer
7. cwblhau unrhyw ddogfennau priodol ynghylch y gwaith mewn dull darllenadwy, manwl gywir ac amserol yn unol â gweithdrefnau’r sefydliad

---

1. y prif fathau o wahanol gysylltiadau trydanol, eu manteision a’u cyfyngiadau
2. y gweithdrefnau priodol ar gyfer ynysu diogel, o ran:
   1. asesiad o arfer gweithio diogel,
   2. adnabod cylchedau i’w hynysu’n gywir,
   3. dewis yr offer gwirio a phrofi priodol,
   4. defnyddio dulliau gwirio cywir, a
   5. dewis cywir o ddyfeisiadau ar gyfer diogelu’r deunydd ynysu.
3. y goblygiadau o ran cyflawni gwaith ynysu ar gyfer partïon perthnasol
4. y gweithdrefnau ar gyfer cysylltu cylchedau gwedd unigol neu aml- wedd
5. sut i ddehongli diagramau a lluniau i hwyluso cysylltu systemau gosod gwifrau, llociau gosod gwifrau ac offer
6. y gweithdrefnau er mwyn profi bod cysylltiad yn drydanol ac yn fecanyddol gadarn
7. sut i bennu pa gysylltiadau mewn cylchedau a dargludyddion amddiffynnol, gan gynnwys cysylltiadau i derfynellau, sy’n addas at y diben maen nhw’n cael eu defnyddio ar ei gyfer
8. y goblygiadau ynghylch y dewis o gysylltiadau o ran y dibenion parhaol neu dros dro
9. gofynion uniadau a chysylltiadau i fod o gryfder a dargludiant priodol i ganiatáu i geryntau diffygiol dreiddio heibio ac i atal rhydu
10. y gweithdrefnau cyfundrefnol ar gyfer cwblhau’r dogfennau priodol
11. pwysigrwydd defnyddio cyfarpar diogelu personol ac offer priodol a diogel ar gyfer tasgau penodol
12. y gweithdrefnau ar gyfer cyflawni asesiad o systemau gweithio diogel gan gynnwys trwyddedau i weithio
13. y gweithdrefnau ar gyfer adrodd am unrhyw sefyllfaoedd neu ddigwyddiadau a allai fod yn beryglus
14. rheoliadau gosod gwifrau IEE fel y nodir yn y Safon Brydeinig ddiweddaraf ar gyfer Gosodiadau Trydanol sy’n berthnasol i fathau a defnyddiau systemau gosod gwifrau, llociau gosod gwifrau ac offer
15. y Safon Brydeinig gyfredol ar gyfer Systemau Trydanol Dros Dro at Adloniant a Dibenion Cysylltiedig
16. ble i ganfod mwy am egwyddorion theori trydanol sy’n caniatáu ar gyfer cysylltu systemau ac offer gosod gwifrau trydanol yn ddiogel

---

---

---

---

---

---

---

---

---

---

1

---

31 Maw 2016

---

Ar hyn o bryd

---

Gwreiddiol

---

Creative and Cultural Skills

---

CCSSL13

---

Galwedigaethau Artistig a Llenyddol, Crefftau, y celfyddydau creadigol a dylunio, Y Celfyddydau Perfformio, Peirianneg, Crefftau Trydanol

---

---

Theatr Dechnegol; Perfformio Byw; Digwyddiadau Byw; Arddangosfeydd; goleuo; gosod gwifrau; systemau gosod gwifrau; Digwyddiadau Byw; Arddangosfeydd;

---