Dylunio arddangosfeydd neu arddangosiadau

​Mae'r safon hon yn ymwneud â dylunio arddangosfeydd neu arddangosiadau. Nid oes gan lawer o sefydliadau adran dylunio arddangosfeydd ac fe fyddan nhw'n dibynnu ar y rheiny sy'n gyfarwydd â'r lle i helpu gosod yr arddangosfa. Mae'n berthnasol i sefydliadau creadigol neu ddiwylliannol yn bennaf ond gallai unrhyw sefydliad sy'n paratoi arddangosfeydd neu arddangosiadau ei defnyddio. Mae'n ymwneud ag ystyried mynediad i arddangosfeydd neu arddangosiadau ar gyfer y rheiny sydd ag anghenion arbennig.

Mae'n ymwneud â gwerthuso llwyddiant cynlluniau blaenorol, ymchwilio cynlluniau posibl, dewis cynlluniau sy'n cyflwyno'r cynnwys a'r wybodaeth gysylltiedig yn y ffordd orau a bodloni'r gofynion diogelwch, amgylcheddol, iechyd a diogelwch a hygyrchedd, nodi deunyddiau a chynhyrchu brasfodelau.

Mae'r safon hon yn arbennig ar gyfer unrhyw un sy'n dylunio arddangosfeydd neu arddangosiadau.

---

1. ​caffael gwybodaeth ddibynadwy am ddefnyddwyr arfaethedig a'u gofynion
2. gwerthuso'r wybodaeth berthnasol am lwyddiant cynlluniau ar gyfer arddangosfeydd neu arddangosiadau blaenorol
3. caffael gwybodaeth ddibynadwy am y gyllideb, yr adnoddau sydd ar gael, y cynnwys i'w arddangos a'r lleoliad y byddwch chi'n ei ddefnyddio
4. ymchwilio cynlluniau posibl sy'n bodloni gofynion arddangosfeydd neu arddangosiadau
5. gwerthuso'r cynlluniau posibl a dewis cynlluniau sy'n cyflwyno'r cynnwys a'r wybodaeth gysylltiedig yn y ffordd orau
6. sicrhau y bydd y cynlluniau sydd wedi'u dewis yn caniatáu bod modd i ystod mor eang â phosibl fanteisio ar yr arddangosfeydd neu'r arddangosiadau
7. sicrhau y bydd y cynlluniau sydd wedi'u dewis yn bodloni gofynion amgylcheddol a diogelwch y cynnwys yn unol â'r gweithdrefnau sefydliadol
8. cyflawni asesiadau risg i sicrhau bod y cynlluniau sydd wedi'u dewis yn cydymffurfio gyda'r gofynion iechyd a diogelwch
9. sicrhau y bydd y cynlluniau sydd wedi'u dewis yn amharu cyn lleied â phosibl ar rannau eraill o'r sefydliad
10. cytuno ar y cynlluniau a ddewisir gyda'r bobl berthnasol
11. dewis a nodi'r deunyddiau addas ar gyfer creu'r arddangosfeydd neu'r arddangosiadau
12. defnyddio'r technegau priodol i lunio brasfodelau o'r cynlluniau sydd wedi'u dewis
13. briffio unrhyw un sydd ynghlwm â'r gwaith dylunio gyda'r wybodaeth ddigonol iddyn nhw allu cyflawni eu rôl ofynnol
14. rhoi dulliau priodol ar waith i gasglu adborth gan eich cydweithwyr a'r cyhoedd er mwyn gwerthuso llwyddiant y cynlluniau

---

1. ​sut i ddewis a chaffael y deunyddiau, y technolegau a'r adnoddau eraill priodol
2. gofynion y cyfleusterau
3. y ffynonellau gwybodaeth am y gynulleidfa targed, gofynion y defnyddwyr a chyfyngiadau'r prosiect gan gynnwys eich cydweithwyr sy'n ymwneud â gwasanaethau ymwelwyr, gweithrediadau, rheoli prosiect, casgliadau a churadu
4. gwybodaeth am y gofynion arddangos a llif a symudiad y gynulleidfa a fydd yn effeithio ar y cynlluniau
5. technegau gosodiad y gwaith dylunio  
6. yr heriau posibl gallai ymwelwyr gyda nam symudedd, nam ar eu clyw a'r golwg a chyflyrau niwrowahanol neu o wahanol grwpiau cymunedol eu hwynebu a'r gwahanol strategaethau sydd ar gael i sicrhau ei bod mor rhwydd â phosibl iddyn nhw fanteisio ar yr arddangosfeydd neu'r arddangosiadau
7. pam ei bod hi'n bwysig cynnwys ystyriaethau hygyrchedd yn y cynllun
8. y dulliau cyfredol a newydd o gyflwyno gwybodaeth am gynnwys sy'n sicrhau bod yr hygyrchedd a'r ymgysylltiad mor llwyddiannus â phosibl
9. gofynion diogelwch ac amgylcheddol y cynnwys a sut i sicrhau eu bod nhw'n cael eu bodloni drwy'r cynllun
10. yr ystod o ddeunyddiau adeiladu ymarferol a'u buddion ac anfanteision ar gyfer cynlluniau ac ar gyfer arddangosfeydd ac arddangosiadau
11. pwy ddylai gymeradwyo'r cynlluniau
12. sut i adnabod y sgiliau angenrheidiol ar gyfer llunio cynlluniau a brasfodelau
13. yr wybodaeth sydd ei hangen ar y bobl eraill sydd ynghlwm a sut i'w briffio
14. sut i lunio bras gynlluniau
15. sut i gomisiynu gwaith gan bobl eraill gan gynnwys y rheiny sydd y tu hwnt i'r sefydliad
16. beth y gellir ei wneud i sicrhau bod yr arddangosfeydd neu'r arddangosiadau'n amharu cyn lleied â phosibl
17. y rheoliadau iechyd a diogelwch y dylid eu bodloni, gan gynnwys sut i lunio asesiad risg
18. y dulliau i gasglu adborth gan eich cydweithwyr a'r ymwelwyr a phwy sy'n gyfrifol am eu gweithredu

---

---

---

---

---

---

---

---

---

---

---

30 Maw 2026

---

Ar hyn o bryd

---

Gwreiddiol

---

Creative and Cultural Skills

---

CCSCH56

---

Cyffredinol, Cyfryngau a chyfathrebu, Hamdden; teithio a thwristiaeth, Galwedigaethau Gwasanaethau Hamdden a Theithio, Galwedigaethau Artistig a Llenyddol, Celfyddydau Perfformio, Celfyddydau, Cyfryngau a Chyhoeddi, Crefftau, y celfyddydau creadigol a dylunio, Gwasanaethau cyhoeddi a gwybodaeth, Archaeoleg a’r Gwyddorau Archaeolegol, Gweithwyr Proffesiynol Cyswllt Gwarchodaeth

---

2452

---

digwyddiad; arddangosfa; arddangosiad; treftadaeth ddiwylliannol; sefydliad diwylliannol; hygyrchedd; hygyrch;

---