Llunio strategaeth ar gyfer dehongli a dysgu mewn sefydliad creadigol neu ddiwylliannol

​Mae'r safon hon yn ymwneud â llunio strategaeth ar gyfer dehongli a dysgu mewn sefydliad creadigol neu ddiwylliannol. Gallai strategaethau dehongli a dysgu ymwneud ag adnabod digwyddiadau unigol neu luosog megis arddangosfeydd, arddangosiadau, perfformiadau, gweithgareddau allgymorth, cynyrchiadau ar y cyd a defnyddio systemau aml-gyfrwng neu ddeunyddiau wedi'u hargraffu. Gallai'r digwyddiadau fod mewn canolfannau dan do, yn yr awyr agored neu'n rai ar-lein.

Mae'n ymwneud ag adolygu strategaethau, cynlluniau neu ddulliau cyfredol, pennu amcanion, adnabod ac asesu posibiliadau ymarferol ar gyfer dehongli neu ddysgu, cytuno ar a chofnodi strategaethau a'u gwerthuso.

Mae'r safon hon yn arbennig ar gyfer unrhyw un sy'n gyfrifol dros lunio strategaeth dehongli a dysgu mewn sefydliad creadigol neu ddiwylliannol.

---

1. ​adolygu gwybodaeth berthnasol am lwyddiant strategaethau dehongli a dysgu presennol neu orffennol y sefydliad a rhai'r sefydliadau sy'n cystadlu yn eu herbyn
2. pennu amcanion newydd neu adolygu amcanion presennol pan fo angen datblygu neu wella strategaethau, gan sicrhau eu bod yn unol â'r polisïau allanol perthnasol
3. bwrw golwg ar themâu neu syniadau allweddol sy'n ymwneud â'ch maes gwaith ac adnabod posibiliadau ymarferol o ran dehongli a fyddai'n diwallu anghenion ac arddulliau dysgu cynulleidfa targed y sefydliad 
4. asesu'r budd posibl i'r cynulleidfaoedd, cwsmeriaid neu'r ymwelwyr o gymharu â pholisïau ac amcanion y sefydliad
5. sicrhau bod y strategaethau'n dwyn i ystyriaeth yr holl gynulleidfaoedd, cwsmeriaid neu'r ymwelwyr yn unol â'r polisïau amrywiaeth a chynhwysiant sefydliadol
6. defnyddio gwybodaeth ddibynadwy i adnabod y rhwystrau corfforol, deallusol ac economaidd ynghlwm â'r strategaethau ynghyd â'r risgiau ynghlwm â strategaethau i'r sefydliad
7. defnyddio gwybodaeth ddibynadwy i adnabod buddion y strategaethau i'r sefydliad a'r cyfleoedd ar gyfer bodloni gofynion y cwsmer, y gynulleidfa neu'r ymwelydd
8. adnabod ac ymgynghori gyda'r bobl berthnasol wrth ddatblygu syniadau a gwerthuso strategaethau, gan sicrhau eu bod yn cyfrannu pan fo'n ofynnol
9. cytuno ar strategaethau gyda'r bobl berthnasol ar yr adegau priodol
10. cofnodi a rhannu strategaethau yn unol â'r prosesau sefydliadol
11. gwerthuso gallu'r sefydliad i weithredu strategaethau gan gadw at y cyfyngiadau o ran adnoddau, amser staff a'r gyllideb

---

1. ​strategaeth gyfredol y sefydliad ar gyfer dehongli, polisïau ac amcanion sy'n effeithio ar ddehongliad
2. ffynonellau gwybodaeth ynghylch a yw'r amcanion blaenorol wedi'u bodloni ai pheidio
3. y posibiliadau ar gyfer dehongli a dysgu, gwahanol ddulliau, mathau o weithgareddau a'r rhesymau dros eu cymysgu
4. y dadleuon cenedlaethol cyfredol a'r gofynion polisi allanol ynghyd â'r datblygiadau diweddaraf o ran syniadau ac arferion dehongli a dysgu a sut i'w ymchwilio
5. yr heriau y mae defnyddwyr gyda nam symudedd, nam ar eu clyw a'u golwg, cyflyrau niwrowahanol a phobl o gymunedau difreintiedig yn eu hwynebu a'r gwahanol strategaethau sydd ar gael sy'n fodd iddyn nhw fanteisio ar ddehongliadau a dysgu
6. sut gallai'r cyd-destun diwylliannol effeithio ar y strategaeth dehongli a dysgu
7. y gwahanol anghenion dysgu a'r hynny maen nhw'n eu golygu o ran strategaethau dehongli a dysgu
8. sut i asesu gwybodaeth ynghylch, ac adnabod anghenion, cynulleidfaoedd, cwsmeriaid neu ymwelwyr cyfredol ac arfaethedig a'u gofynion o ran addysg, hamdden ac astudio
9. pwy sydd angen ichi ymgynghori gyda nhw a sicrhau eu bod ynghlwm â'r gwaith datblygu i sicrhau bod strategaethau yn cael eu hymgorffori gan gynnwys partneriaid a rhanddeiliaid cyd-gynllunio mewnol ac allanol, dysgwyr arfaethedig, cymunedau craidd, y rheiny sy'n gyfrifol dros gyflawni a chydweithwyr eraill
10. y rhwystrau tebygol rhag gweithredu'r strategaeth a sut i'w goresgyn
11. y risgiau, buddion a'r cyfleoedd sydd angen eu hasesu
12. sut i gasglu, asesu a gwerthuso gwybodaeth am ofynion gan ddwyn i ystyriaeth yr adnoddau, amser y staff a'r gyllideb
13. sut i adnabod adnoddau presennol a'r adnoddau sydd eu hangen
14. sut i bennu amcanion a graddfeydd amser a diffinio gweithrediadau
15. pryd ddylech chi ddefnyddio gwahanol fathau o werthusiadau

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Creative and Cultural Skills

---

CCSCCS77

---

Addysg a hyfforddiant, Cyffredinol, Cyfryngau a chyfathrebu, Galwedigaethau Gwerthiant a Gwasanaethau Cwsmeriaid, Gweithwyr Proffesiynol Cyswllt a Galwedigaethau Technegol, Galwedigaethau Gwasanaethau Cwsmeriaid, Rheolwyr Swyddogaethol, Galwedigaethau Gwasanaethau Hamdden a Theithio, Rheolwyr Ansawdd a Gofal Cwsmeriaid, Galwedigaethau Artistig a Llenyddol, Celfyddydau Perfformio, Celfyddydau, Cyfryngau a Chyhoeddi, Crefftau, y celfyddydau creadigol a dylunio, Cymorth dysgu uniongyrchol, Gwasanaethau cyhoeddi a gwybodaeth, Archaeoleg a’r Gwyddorau Archaeolegol

---

2452

---

dysgu; strategaeth; dehongli; ymwelwyr; cwsmeriaid; treftadaeth ddiwylliannol; sefydliad creadigol; arddangosfa; arddangosiad; perfformiad; gweithfareddau allgymorth; cynhyrchiad ar y cyd;

---