Adnabod cyfleoedd cyllid a nawdd ar gyfer prosiectau celfyddydau a digwyddiadau byw
Trosolwg
Mae'r Safon hon yn ymwneud ag adnabod cyfleoedd i gael cyllid neu nawdd ar gyfer prosiectau celfyddydau neu ddigwyddiadau byw. Gallent fod yn y sector celfyddydau cymunedol neu'r sector masnachol a gallent gynnwys rhaglenni gweithgarwch, arddangosfeydd a gwyliau.
Bydd gofyn i chi ymgymryd ag ymchwil a gwerthuso ffynonellau incwm posibl a chyflwyno'r wybodaeth hon i bobl berthnasol yn eich sefydliad. Mae sgiliau cyfathrebu a rhifedd da yn hanfodol ar gyfer y safon hon. Bydd gofyn i chi feddu ar yr wybodaeth ddiweddaraf am dueddiadau cyfredol a bod yn rhagweithiol wrth geisio cyfleoedd i gael cyllid.
Mae'r Safon hon ar gyfer unrhyw un sy'n gysylltiedig ag adnabod cyfleoedd i gael cyllid neu nawdd ar gyfer prosiectau celfyddydau neu ddigwyddiadau byw.
Meini prawf perfformiad
Mae'n rhaid eich bod chi'n gallu:
1 ffurfio a chynnal perthnasau da gyda chyrff cyllido neu nawdd posibl
2 ymchwilio i ffynonellau cyllid neu ffrydiau incwm posibl gan ddefnyddio gwybodaeth o ffynonellau dibynadwy
3 cysylltu â sefydliadau cyllido neu nawdd mewn ffyrdd priodol i egluro unrhyw wybodaeth goll neu amwys am gyfleoedd
4 adnabod y posibiliadau i gael cyllid neu nawdd sy'n berthnasol i weithgareddau'r sefydliad
5 gwerthuso ffynonellau incwm neu ffrydiau incwm posibl yn erbyn amcanion, gofynion a chyfyngiadau sefydliadol
6 cyflwyno gwybodaeth mewn perthynas â ffynonellau cyllid neu nawdd posibl i gydweithwyr priodol
7 cynnal cofnodion ynghylch cyfleoedd i gael cyllid neu nawdd presennol neu yn y dyfodol yn unol â gofynion sefydliadol
Gwybodaeth a Dealltwriaeth
You need to know and understand:
1 polisi a thueddiadau cyfredol mewn perthynas â chyfleoedd i gael cyllid neu nawdd ac arfer
2 materion lleol a chenedlaethol a allai effeithio ar gyfleoedd i gael cyllid neu nawdd
3 sianeli cyfathrebu rhwng eich sefydliad chi a sefydliadau cyllido neu nawdd
4 sut i gysylltu â sefydliadau cyllido neu nawdd am fwy o wybodaeth
5 y mathau o brosiectau, gweithgareddau a digwyddiadau byw sy'n debygol o ddenu cyllid neu nawdd
6 ffynonellau cyllid neu incwm posibl yn y sector, gan gynnwys y sector cyhoeddus, preifat, y loteri, sefydliadau ymddiriedolaethol
7 pryd mae'n briodol awgrymu cyfleoedd i gyrff cyllido neu nawdd ynghylch meysydd gwaith newydd
8 amcanion, gofynion a chyfyngiadau sefydliadol ar gyfer pennu cymhwysedd incwm neu gyllid posibl
9 sut i ddehongli meini prawf cyllid neu nawdd a'u perthnasedd i'ch sefydliad
10 sut i ddehongli ffigurau’n ymwneud â phosibiliadau cyllid neu incwm
11 gyda phwy i drafod a chytuno cyfleoedd cyllid neu nawdd a gweithgareddau gwaith
12 sut i gyfathrebu gwybodaeth am eich canfyddiadau a'ch gweithgareddau gwaith gyda'ch cydweithwyr
13 gofynion cadw cofnodion y sefydliad rydych yn gweithio gydag ef
14 pam mae'n bwysig sefydlu perthnasau gwaith da a chadw enw da