Gosod a thynnu cathetr neu ganwla er mwyn cyflwyno cyfryngau cyferbynnu ar gyfer archwiliadau delweddu

Mae’r safon hon yn ymwneud â pharatoi unigolion ar gyfer cyflwyno cyfryngau cyferbynnu ar gyfer archwiliad delweddu diagnostig.

Mae hyn yn cynnwys gosod cathetr neu ganwla yn yr unigolyn a’i dynnu oddi yno er mwyn cyflwyno cyfryngau cyferbynnu ar gyfer archwiliadau delweddu. Mae’r safon hon yn cynnwys dulliau rhefrol, wrethrol, mewnwythiennol a dulliau eraill o gyflwyno cyfryngau cyferbynnu. Y bobl allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf. 

1. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill 

2. sicrhau bod yr unigolyn a’r staff wedi gwneud yr holl baratoadau angenrheidiol cyn dechrau’r broses 

3. gwirio a pharatoi’r cyfarpar sydd ei angen ar gyfer yr archwiliad

4. sicrhau bod yr amgylchedd yn eich galluogi i gadw preifatrwydd ac urddas yr unigolyn 

5. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol  

6. cyflwyno eich hunain ac aelodau staff eraill sy’n bresennol yn ystod yr archwiliad 

7. cyfathrebu â’r unigolyn / y bobl allweddol er mwyn gwella eu dealltwriaeth o’r archwiliad a’u cydweithrediad 

8. sefydlu gallu’r unigolyn i ddeall y broses gyda chymorth y bobl allweddol os oes angen 

9. cael cydsyniad dilys ar gyfer y driniaeth yn unol â chanllawiau cenedlaethol a lleol

10. parchu preifatrwydd, urddas, credoau a phenderfyniadau’r unigolyn 

11. esbonio’r broses a’r canlyniadau posibl yn glir

12. cydymffurfio â’r protocolau a’r gweithdrefnau cywir yn ymwneud â gosod cathetrau/canwlâu 

13. cynnal asesiad risg ar gyfer yr unigolyn ar gyfer gwrtharwyddion i’r cyfryngau cyferbynnu a’r archwiliad a chymryd camau priodol os amlygir unrhyw risgiau 

14. asesu’r unigolyn ar gyfer gwrtharwyddion i unrhyw feddyginiaethau a ddefnyddir yn yr archwiliad ac am unrhyw alergedd perthnasol, a chymryd camau priodol 

15. gosod yr unigolyn yn ei safle ac addasu ei ddillad yn unol â phrotocol yr archwiliad sy’n galluogi cyflawni’r canlyniad gorau posibl, gan:

15.1 gydnabod bod angen i’r unigolyn gadw ei urddas a’i hunan barch 

15.2 sicrhau ei fod mor gyfforddus â phosibl 

16. cadw golwg ar gyflwr a lles yr unigolyn bob amser a chymryd camau priodol 

17. paratoi’r cathetr/canwla ar gyfer yr archwiliad 

18. rhoi gwybod i’r unigolyn bod y cathetr/canwla yn cael ei osod a rhoi unrhyw gyfarwyddiadau gofynnol mewn modd sy’n annog cydweithredu 

19. gosod a sicrhau’r cathetr/canwla yn y modd priodol 

20. esbonio i’r unigolyn pryd fydd y cathetr/canwla yn cael ei dynnu oddi yno a darparu unrhyw gyfarwyddiadau priodol 

21. tynnu’r cathetr/canwla yn ofalus a chael gwared ar yr holl gyfarpar a deunyddiau sydd wedi’u defnyddio a’u heintio yn ôl y protocol lleol 

22. rhoi gwybodaeth i’r unigolyn ynghylch yr archwiliad ac ôl-ofal yn ôl yr angen 

23. cofnodi unrhyw wybodaeth berthnasol yn unol â gofynion y sefydliad 

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir

2. y safonau, canllawiau, polisïau a gweithdrefnau cenedlaethol a lleol sydd ar gael a sut a phryd dylid mynd atynt

3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unig

4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer 

5. rolau a chyfrifoldebau aelodau eraill y tîm

6. pwysigrwydd cael cydsyniad dilys yn unol â chanllawiau cenedlaethol a lleol

7. priodoldeb clinigol ac awdurdodi gosod y canwla/cathetr a’r camau i’w cymryd pan nad yw’r cais hwn yn briodol 

8. anatomeg a ffisioleg y strwythurau cysylltiedig sy’n berthnasol i’r driniaeth 

9. y risgiau sy’n gysylltiedig â gosod y cathetrau/canwlâu 

10. gwrtharwyddion y driniaeth, gan gynnwys: 

10.1 anawsterau gyda gosod cathetrau/canwlâu a strategaethau er mwyn goresgyn y rhain 

10.2 hanes ymatebion yr unigolyn i gyferbynnu 

10.3 alergeddau i latecs

10.4 statws beichiogrwydd

11. paratoadau a’r cyfarpar sy’n briodol i’r driniaeth er mwyn gosod y cathetr/canwla 

12. effeithiau negyddol posibl i osod cathetr/canwla a’r camau priodol i’w cymryd os bydd effeithiau niweidiol yn codi 

13. y mathau o gathetrau/canwlâu a ddefnyddir ar gyfer cyflwyno cyfryngau cyferbynnu 

14. safle’r unigolion sy’n gysylltiedig â gosod y cathetr/canwla a’r archwiliad

15. arwyddion o statws corfforol ac emosiynol unigolion

16. sut i addasu arddulliau cyfathrebu, holi cwestiynau a gwrando’n ofalus mewn ffyrdd sy’n briodol i anghenion yr unigolion 

17. dulliau cyfathrebu gwybodaeth anodd a chymhleth i unigolion a phobl allweddol

18. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth  

19. y wybodaeth y dylid ei rhoi i unigolion cyn, yn ystod ac ar ôl cwblhau’r archwiliad 

20. rheoli a gofalu am unigolion yn ystod ac yn dilyn cyflwyno cyfryngau cyferbynnu

21. ystyriaethau diogelwch ac ansawdd o ran y gadwyn feddyginiaethau, gan gynnwys gweinyddu a storio meddyginiaeth 

22. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB7 Ymyriadau a thriniaethau